စံးထီၣ်ပတြၢၤ 122:6 - Sgaw Karen Common Bible

⁶ ဘါထုကဖၣ်န့ၢ်တၢ်လၢ ယရူၤၡလ့ၣ်အတၢ်ဃူတၢ်ဖိးအဂီၢ်န့ၣ်တက့ၢ်. ပှၤလၢအအဲၣ်နၤတဖၣ်န့ၣ် မ်အကဘီၣ်ထီၣ်ညီထီၣ်န့ၣ်တက့ၢ်.

စံးထီၣ်ပတြၢၤ 122:6 Iomraidhean Croise

လံာ်တၢ်ကဲထီၣ်အခီၣ်ထံး 12:3

ဒီးပှၤလၢအဆိၣ်ဂ့ၤနၤန့ၣ်ယကဆိၣ်ဂ့ၤအီၤဒီးပှၤလၢအဆိၣ်အၢနၤ န့ၣ်ယကဆိၣ်အၢအီၤလီၤ. ဒီးခီဖျိနၤန့ၣ်ယကဆိၣ်ဂ့ၤကယဲၢ်ပှၤကလုာ်တဖၣ်ခဲလၢာ်န့ၣ်လီၤ.”

လံာ်စီၤနဃ့မယၤ 11:1

ပှၤခိၣ်ပှၤနၢ်တဖၣ်သူၣ်လီၤဆီလီၤအသးလၢဝ့ၢ်ယရူၤၡလ့ၣ်အပူၤ, ဒီးပှၤဂီၢ်မုၢ်အိၣ်လီၤတဲာ်တဖၣ်ဖီၣ်တၢ်ဖးတဖၣ်လၢကဃုထၢဒူၣ် ဖိထၢဖိတဒူၣ်လၢကယဲၢ်ဒူၣ်ဖိထၢဖိတဆံဒူၣ်စုာ်စုာ်အပူၤဒ်သိး ကလဲၤဒီးအိၣ်ဝဲဆိးဝဲလၢဝ့ၢ်ယရူၤရှလ့ၣ်ဝ့ၢ်စီဆှံအပူၤ, ဖဲပှၤအိၣ်လီၤတဲာ်အဂၤတဖၣ်ကဘၣ်လဲၤအိၣ်လၢဝ့ၢ်အဂၤတဖၣ်အပူၤ အခါန့ၣ်လီၤ.

လံာ်စီၤနဃ့မယၤ 11:2

ပှၤဂီၢ်မုၢ်စံးထီၣ်ပတြၢၤဝဲပှၤတဂၤလၢ်လၢ်လၢအအိၣ်ဝဲဆိးဝဲ လၢဝ့ၢ်ယရူၤၡလ့ၣ်အပူၤဒ်အသးဆူၣ်ဒၣ်ဝဲအသိးန့ၣ်လီၤ.

လံာ်နီၢ်အ့ၤစတၢ် 4:8

အဝဲဟ့ၣ်လီၤစီၤဟၤတးလၢလံာ်ဘိးဘၣ်သ့ၣ်ညါ အဒိတဘ့ၣ်လၢအဘၣ်တၢ်ရၤလီၤအီၤလၢဝ့ၢ်ၡူ ၡၣ်အပူၤလၢအအိၣ်ဒီးတၢ်မၤလိာ်လၢတၢ်ကမၤ ဟးဂီၤကွံာ်ပှၤယူဒၤဖိခဲလၢာ်အဂ့ၢ်န့ၣ်လီၤ. စီၤမၢ်ဒကဲၤမၢအက့ၤစိာ်လံာ်အံၤဆူနီၢ်အ့ၤစတၢ်အအိၣ်, ဒီးတဲဘၣ်အီၤလၢတၢ်အဂ့ၢ်အခၢးဒီးမၢအလဲၤဒီးဃ့ကညး စီၤပၤဒ်သိးကသးကညီၤအပှၤဂီၢ်မုၢ်အဂီၢ်လီၤ.

စံးထီၣ်ပတြၢၤ 51:18

ကစၢ်ယွၤဧၢ, သူၣ်ကညီၤသးကညီၤစံယိၣ် ဒီးမၤစၢၤအီၤတက့ၢ်. သူၣ်ထီၣ်က့ၤယရူၤၡလ့ၣ်အဝ့ၢ်ခိၣ်ဒူတက့ၢ်.

လံာ်ယၡါယၤ 62:7

တချုးဒံးလၢအဝဲဒုးအိၣ်ဂၢၢ်ကျၢၤက့ၤဝ့ၢ်ယရူၤၡလ့ၣ်, ဒီးဒုးကဲထီၣ်အီၤလၢဝ့ၢ်တဖျၢၣ်လၢဟီၣ်ခိၣ်ဒီဘ့ၣ် စံးထီၣ်ပတြၢၤအီၤဒံးဘၣ်န့ၣ်, အဝဲသ့ၣ်တဘၣ်ဒုးအိၣ်ဘှံးအိၣ်သါအီၤဘၣ်.

လံာ်ယၡါယၤ 66:10

သူၣ်ခုသးခုဃုာ်ဒီးဝ့ၢ်ယရူၤၡလ့ၣ်, သူၣ်ဖှံသးညီလၢအဃိသု ဝဲပှၤလၢအအဲၣ်ဘၣ်ဝ့ၢ်အံၤခဲလၢာ်သ့ၣ်ဧၢ သူၣ်ခုသးခုဃုာ်ဒီးအီၤခဲအံၤ, သုဝဲပှၤလၢအသူၣ်အုးသးအုး လၢအဃိခဲလၢာ်သ့ၣ်ဧၢ.

လံာ်ယံးရမံယၤ 29:7

မၤတၢ်အဂ့ၤလၢ ဝ့ၢ်တဖၣ်အဂီၢ်, တၢ်လီၢ်ဖဲယမၢသုလဲၤအိၣ် လဲၤဆိးဒ် ပှၤဘၣ်တၢ်စိာ်မၢကဲကုၢ်တဖၣ်အသိး, န့ၣ်တက့ၢ်. ဘါထုကဖၣ်တၢ်ဆူ ယအိၣ်လၢအဝဲသ့ၣ်အခၢၣ်စးတက့ၢ်. အဂ့ၢ်ဒ်အံၤ, အဝဲသ့ၣ်မ့ၢ် ဘီၣ်ထီၣ်ညီထီၣ်ဒီး, သုကဘီၣ် ထီၣ်ညီထီၣ် စ့ၢ်ကီးန့ၣ်လီၤ.

လံာ်ယံးရမံယၤ 51:50

ယွၤစံးဘၣ်အပှၤဂီၢ်မုၢ်လၢ ကီၢ်ဘၤဘူၤလိၣ် အပူၤ, “သုထူၣ်ဖျဲးတ့ၢ်လၢတၢ်သံလံ. အခဲကနံၣ်အံၤ လဲၤတၢ်တက့ၢ်. တဘၣ်အိၣ်ခိးတၢ်တဂ့ၤ. သုမ့ၢ်အိၣ်ယံၤ ဒီးဟံၣ်ဒၣ်လဲာ်န့ၣ်, ဆိကမိၣ်တၢ်ဘၣ်ဃးဒီးယၤ, သုကစၢ်, ဒီးသ့ၣ်နီၣ်ထီၣ်က့ၤ ဝ့ၢ်ယရူၤရှလ့ၣ်န့ၣ်တက့ၢ်.

လံာ်တၢ်ဂံၢ် 24:9

ပှၤတကလုာ်န့ၣ်လီၤဂာ်ဒ်ခ့ယုၢ်လၢအဂံၢ်ဆူၣ်ဘါဆူၣ်တဒုအသိး လီၤ. ဖဲအမံဝဲအခါန့ၣ်, ပှၤမၤပၢၢ်ထီၣ်အီၤတဘူၣ်ဘၣ်နီတဂၤဘၣ်. ပှၤတဂၤလၢ်လၢ်လၢအဆိၣ်ဂ့ၤကီၢ်အံၣ်စရ့လးန့ၣ်ကဘၣ်တၢ်ဆိၣ်ဂ့ၤ, ဒီးပှၤတဂၤလၢ်လၢ်လၢအဆိၣ်အၢကီၢ်အံၣ်စရ့လးန့ၣ်ကဘၣ်တၢ်ဆိၣ် အၢန့ၣ်လီၤ.”

လံာ်ယိၤဟၣ် 17:21

ယဃ့ဘါထုကဖၣ်ယဲဒ်သိးအဝဲသ့ၣ်ခဲလၢာ်ကမ့ၢ်တၢ်တမံၤဃီ အဂီၢ်န့ၣ်လီၤ. ပၢ်ဧၢ, မ်အဝဲသ့ၣ်ကအိၣ်လၢပပူၤ, ဒ်နအိၣ်လၢယပူၤဒီးယအိၣ်လၢနပူၤအသိးန့ၣ်တက့ၢ်. မ်အဝဲသ့ၣ်ကမ့ၢ်ဒၣ်ဝဲတၢ်တမံၤဃီ, ဒ်သိးဟီၣ်ခိၣ်ကနာ်လၢနမၢလီၤယၤန့ၣ်တက့ၢ်.

အ့းဖ့းစူး 4:3

ဂုာ်ကျဲးစၢးအဂ့ၤကတၢၢ်လၢသုကဟံးဃာ်တၢ်သးတဖျၢၣ်ဃီ လၢယွၤအသးဟ့ၣ်လီၤသုခီဖျိတၢ်ဃူတၢ်ဖိးလၢအစၢဃာ်ဟံးဃာ် သုန့ၣ်တက့ၢ်.

၂ သ့းစၤလနံ 3:16

မ်ကစၢ်အနီၢ်ကစၢ်ဒၣ်ဝဲလၢအဒုးအိၣ်ထီၣ်တၢ်ဃူတၢ်ဖိးလၢ ပဂီၢ်န့ၣ်ဟ့ၣ်သုတၢ်ဃူတၢ်ဖိးကိးဆၢကိးကတီၢ်, လၢကျဲကိးဘိဒဲးအပူၤတက့ၢ်. မ်ကစၢ်အိၣ်ဒီးသုဝဲကိးဂၤဒဲးတက့ၢ်.

၁ ယိၤဟၣ် 3:14

ပသ့ၣ်ညါလၢပခီဂာ်လၢတၢ်သံဆူတၢ်မူ, မ့ၢ်လၢပအဲၣ်ပဒီပုၢ်ဝဲၢ် အဃိလီၤ. မတၤတဂၤဂ့ၤတဂၤဂ့ၤလၢအတအဲၣ်ဘၣ်အဒီ ပုၢ်ဝဲၢ်န့ၣ်, အိၣ်ဒံးဒၣ်လၢတၢ်သံအပူၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 12:23

မ့မ့ၢ်ယၤန့ၣ်, ယွၤတြီတၢ်လၢယကမၤတၢ်ဒဲးဘးထီဒါအီၤခီဖျိ ယတဘၣ်ဘါထုကဖၣ်လၢၤလၢသုဂီၢ်နီတစုဘၣ်န့ၣ်လီၤ. အခိၣ်တလိာ်, ယကသိၣ်လိသုလၢတၢ်မနုၤဂ့ၤဝဲဒီးဘၣ်ဝဲ လၢသုဂီၢ်လၢသုကမၤအီၤအဂီၢ်န့ၣ်လီၤ.