စံးထီၣ်ပတြၢၤ 121:7 - Sgaw Karen Common Bible

⁷ ယွၤကခိးတြီကွံာ်တၢ်အၢလၢနၤခဲလၢာ်လီၤ. ကအံးလီၤကွၢ်လီၤနသးလီၤ.

စံးထီၣ်ပတြၢၤ 121:7 Iomraidhean Croise

လံာ်တၢ်ကဲထီၣ်အခီၣ်ထံး 28:15

ဒီးသ့ၣ်နီၣ်လၢယကအိၣ်ဒီးနၤဒီးဒီဒၣ်အိၣ်ပှိၤနၤဖဲနလဲၤတၢ် တပူၤလၢ်လၢ်, ဒီးယကဟဲက့ၤစိာ်နၤဆူကီၢ်အံၤတက့ၢ်. ကယဲၢ်တၢ်လၢယအၢၣ်လီၤနၤတဖၣ်န့ၣ်တချုးယမၤလၢထီၣ်ပှဲၤထီၣ်ဒံး ဘၣ်ဒီးယတလဲၤသဒၣ်ဘၣ်နၤဘၣ်.”

လံာ်ကွဲးနီၣ်တၢ်အခီၣ်ထံးတဘ့ၣ် 4:10

ဘၣ်ဆၣ်စီၤယၤဘ့းဘါထုကဖၣ်တၢ်ဆူအံၣ်စရ့လးအကစၢ် ယွၤဒီးစံးဝဲ, “ကစၢ်ယွၤဧၢ, ဆိၣ်ဂ့ၤယၤဒီးဟ့ၣ်လဲၢ်ထီၣ်ယအိၣ်ယဆိးအလီၢ်တ က့ၢ်. အိၣ်ဒီးယၤဒီးတြီဃာ်န့ၢ်ယၤလၢကယဲၢ်တၢ်အၢတၢ်သီ တမံၤလၢ်လၢ်လၢကမၤဆူးဆါယၤန့ၣ်တက့ၢ်.” ဒီးကစၢ်ယွၤဟ့ၣ်အီၤတၢ်လၢအဃ့ဝဲဒၣ်န့ၣ်လီၤ.

စံးထီၣ်ပတြၢၤ 145:20

ယွၤပာ်မူပှၤလၢအအဲၣ်အီၤခဲလၢာ်, မ့မ့ၢ်အဝဲကမၤဟးဂီၤ ပှၤတတီတလိၤခဲလၢာ်န့ၣ်လီၤ.

စံးထီၣ်ပတြၢၤ 34:22

ယွၤပှ့ၤက့ၤအခ့အပှၤတဖၣ်အသးသမူလီၤ. ဒီးပှၤလၢအသန့ၤအသးလၢအီၤန့ၣ်, တဘၣ်ဘၣ်တၢ်စံၣ်ညီၣ်နီတဂၤဘၣ်.

စံးထီၣ်ပတြၢၤ 41:2

ယွၤကကဟုဘံၣ်ကယာ်ဘၢအီၤဒီးဒုးမူအီၤန့ၣ်လီၤ. အဝဲကဘၣ်တၢ်ကိးအီၤလၢပှၤဘၣ်ဆိၣ်ဂ့ၤလၢ ထံဧိၤကီၢ်ဧိၤအပူၤန့ၣ်လီၤ. ယွၤတဟ့ၣ်လီၤအီၤဒ်အဒုၣ်အဒါသ့ၣ်တဖၣ် အတၢ်ဘၣ်အသးအသိးန့ၣ်ဘၣ်.

စံးထီၣ်ပတြၢၤ 97:10

ယွၤအဲၣ်ပှၤလၢအသးဟ့တၢ်အၢ, အဝဲဒီဒၣ်အိၣ်ပှိၤအပှၤဂီၢ်မုၢ်အသးသမူ, ဒီးမၤပူၤဖျဲးအဝဲသ့ၣ်လၢ ပှၤအၢပှၤသီအတၢ်စိတၢ်ကမီၤအပူၤန့ၣ်လီၤ.

တၢ်ကတိၤဒိ. 12:21

တၢ်အၢတဘၣ်ဘၣ်ပှၤတီပှၤလိၤနီတမံၤဘၣ်. မ့မ့ၢ်ပှၤတတီတလိၤတဖၣ်ပှဲၤဝဲဒီးတၢ်ကီတၢ်ခဲန့ၣ်လီၤ.

လံာ်တၢ်ဂံၢ် 6:24

မ်ယွၤဆိၣ်ဂ့ၤနၤဒီးအံးထွဲကွၢ်ထွဲနၤတက့ၢ်.

လံာ်မးသဲ 6:13

သုတဒုးလဲၤနုာ်ပှၤဆူတၢ်လ့ပစီအပူၤတဂ့ၤ. မ့မ့ၢ်ထုးထီၣ်ဖျဲးကွံာ်ပှၤလၢတၢ်အၢတၢ်သီအပူၤတက့ၢ်. (အဂ့ၢ်ဒ်အံၤ, ဘီမုၢ်, တၢ်စိတၢ်ကမီၤဒီး တၢ်လၤကပီၤန့ၣ်မ့ၢ်နတၢ်အစိၤစိၤအဃၣ်ဃၣ်လီၤ. အၤမ့ၣ်)’

ရိမ့ၤ 8:28

ဒီးပသ့ၣ်ညါလၢပှၤလၢအအဲၣ်ကစၢ်ယွၤ, ပှၤလၢအဘၣ်တၢ် ကိးထီၣ်အီၤဒ်အတၢ်ကူၣ်ပာ်အသိးန့ၣ်, ကစၢ်ယွၤမၤဃုာ်တၢ် ဒီးအီၤလၢတၢ်ခဲလၢာ်အပူၤလၢတၢ်ဂ့ၤအဂီၢ်လီၤ.

၂ တံၤမသ့း 4:18

ဒီးကစၢ်ကမၤပူၤဖျဲးယၤလၢတၢ်အၢတၢ်သီခဲလၢာ်ဒီးကဟံးန့ၢ် ဒီးဆှၢယၤပူၤပူၤဖျဲးဖျဲး ဆူအမူခိၣ်ဘီမုၢ်အပူၤလီၤ. မ်တၢ်လၤကပီၤဘၣ်အီၤအစိၤစိၤအဃၣ်ဃၣ်န့ၣ်တက့ၢ်. အၤမ့ၣ်.