စံးထီၣ်ပတြၢၤ 121:3 - Sgaw Karen Common Bible

³ အဝဲတပျဲနခီၣ်လီၤတလံာ်ဘၣ်. ပှၤလၢအကွၢ်လီၤနၤန့ၣ်တမံဘၣ်ဝဲဘၣ်.

စံးထီၣ်ပတြၢၤ 121:3 Iomraidhean Croise

စံးထီၣ်ပတြၢၤ 127:1

ယွၤမ့ၢ်တမၤဟံၣ်ဘၣ်ဒီး, ပှၤလၢအမၤဝဲတဖၣ်န့ၣ်မၤဝဲကလီကလီလီၤ. ယွၤမ့ၢ်တကွၢ်ဝ့ၢ်ဘၣ်ဒီး, ပှၤပၢၤတၢ်တဖၣ်န့ၣ်ဆိးသီဝဲကလီကလီလီၤ.

စံးထီၣ်ပတြၢၤ 41:2

ယွၤကကဟုဘံၣ်ကယာ်ဘၢအီၤဒီးဒုးမူအီၤန့ၣ်လီၤ. အဝဲကဘၣ်တၢ်ကိးအီၤလၢပှၤဘၣ်ဆိၣ်ဂ့ၤလၢ ထံဧိၤကီၢ်ဧိၤအပူၤန့ၣ်လီၤ. ယွၤတဟ့ၣ်လီၤအီၤဒ်အဒုၣ်အဒါသ့ၣ်တဖၣ် အတၢ်ဘၣ်အသးအသိးန့ၣ်ဘၣ်.

စံးထီၣ်ပတြၢၤ 55:23

ဘၣ်ဆၣ်နဲဒၣ်ကစၢ်ယွၤဧၢ, နကဒုးလဲၤလီၤအဝဲသ့ၣ်ဆူ တၢ်ဟးဂီၤအတၢ်ပူၤလီၤ. ပှၤမၤသံတၢ်ဒီးပှၤလီတၢ်တဖၣ်န့ၣ်, တအိၣ်မူဘၣ် အမုၢ်နံၤမုၢ်သီတဝာ်ဒၣ်လဲာ်န့ၣ်ဘၣ်. မ့မ့ၢ်ယဲဒၣ်အံၤယကသန့ၤယသးလၢနၤလီၤ.

စံးထီၣ်ပတြၢၤ 66:9

ပၢၤဃာ်ပသးလၢပှၤမူသ့ၣ်တဖၣ်အကျါ ဒီးတဟ့ၣ်ပခီၣ်လီၤတလံာ်ဘၣ်.

စံးထီၣ်ပတြၢၤ 91:12

အဝဲသ့ၣ်ကစိာ်ထီၣ်နၤလၢအစုဒ်သိး နခီၣ်အသုတဘၣ်ဒိဘၣ်ထံးဒီး လၢၢ်တဖၣ်တဂ့ၤလီၤ.

တၢ်ကတိၤဒိ. 2:8

အဝဲကဟုဘံၣ်ကယာ်ဘၢပှၤလၢအမၤပှၤဂၤတီတီလိၤလိၤ, ဒီးပၢၤဃးပှၤလၢအဟ့ၣ်လီၤအသးနီၢ်နီၢ်ဆူအီၤတဖၣ်န့ၣ်လီၤ.

တၢ်ကတိၤဒိ. 3:23

နကလဲၤဘၣ်လၢနကျဲပူၤဒုၣ်ပူၤဒါ, ဒီးနခီၣ်တဘၣ်တိၢ်ဒၣ်လဲာ်ဘၣ် လီၤ.

တၢ်ကတိၤဒိ. 3:26

ယွၤကအံးထွဲကွၢ်ထွဲနၤလီၤ. တပျဲနလီၤတဲာ်ကွံာ်ဆူ ပျံၤသကွီၤအပူၤဘၣ်.

လံာ်ယၡါယၤ 27:3

“ယကွၢ်ထွဲအီၤဒီးလူအီၤလၢထံတပယူာ်ဃီလီၤ. ယပၢၤအီၤမုၢ်ဆါဆဲးလၢမုၢ်နၤဒ်သိးပှၤသုတမၤဘၣ်ဒိဘၣ်ထံး အီၤနီတဂၤတဂ့ၤအဂီၢ်လီၤ.

၁ ပ့းတရူး 1:5

တၢ်သ့ၣ်တဖၣ်အံၤမ့ၢ်လၢသုဂီၢ်, သုဝဲလၢခီဖျိတၢ်စူၢ်တၢ်နာ်န့ၣ် ဘၣ်တၢ်ပၢၤဃာ်အီၤလၢကစၢ်ယွၤအစိအကမီၤလၢတၢ် အုၣ်က့ၤခီၣ်က့ၤလၢအအိၣ်ကတဲာ်ကတီၤအသးလၢ အကဘၣ်တၢ်လီၣ်ဖျါထီၣ်အီၤဖဲတၢ်အကတၢၢ်အဆၢ ကတီၢ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 2:9

အဝဲဒီဒၣ်အိၣ်ပှိၤအပှၤလၢအသူၣ်တီသးလိၤတဖၣ်အသးသမူလီၤ. မ့မ့ၢ်ပှၤတတီတလိၤတဖၣ်န့ၣ်ကလီၤမၢ်ကွံာ်လၢတၢ်ခံးတၢ်နၤအပူၤလီၤ. ပှၤတဂၤန့ၣ်မၤနၢၤတၢ်လၢအဂံၢ်အဘါဒၣ်ဝဲတသ့ဘၣ်.