စံးထီၣ်ပတြၢၤ 12:6 - Sgaw Karen Common Bible

⁶ ယွၤအတၢ်အၢၣ်လီၤတဖၣ်တၢ်နာ်န့ၢ်အီၤသ့, ကဆှီဝဲဒ်စ့လၢအဘၣ်တၢ်ပှံၢ်ကဆှီထီၣ်အီၤ နွံဘျီလၢမ့ၣ်အူပူၤအသိးန့ၣ်လီၤ.

စံးထီၣ်ပတြၢၤ 12:6 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 22:31

ကစၢ်ယွၤတဂၤအံၤ, အတၢ်မၤတဖၣ်လၢပှဲၤဝဲဒိၣ်မးလဲၣ်. အတၢ်ကတိၤတဖၣ်ကဆှီဝဲဒီးလီၤနာ်န့ၢ်ဒိၣ်မးလဲၣ်. အဝဲလီၤဂာ်ဒ်ကတီၤတဘ့ၣ်အသိး လၢပှၤတဖၣ်လၢအဃု အဝဲအတၢ်ဒီဒၣ်အိၣ်ပှိၤအဂီၢ်န့ၣ်လီၤ.

လံာ်စီၤယိၤဘး 20:19

အဂ့ၢ်ဒ်အံၤ, မၤအၢမၤသီဒီးလဲၤသဒၣ်ပှၤဖှီၣ်ဖိယာ်ဖိ, ဟံးန့ၢ်ဆူၣ်ဟံၣ်တဖၣ်လၢအတသူၣ်ထီၣ်ဘၣ်ဝဲဘၣ်လီၤ.

လံာ်စီၤယိၤဘး 28:1

စ့အပူၤတဖၣ်အိၣ်ဝဲလၢစ့ကဘၣ်တၢ်ခူၣ်ထုးထီၣ်အီၤအဂီၢ်, ဒီးတၢ်လီၢ်တဖၣ်လၢထူဘၣ်တၢ်ပှံၢ်အီၤအဂီၢ်အိၣ်ဝဲဒၣ်န့ၣ်လီၤ.

စံးထီၣ်ပတြၢၤ 119:140

နတၢ်အၢၣ်လီၤမ့ၢ်တၢ်လၢအလီၤတံၢ်ဒိၣ်မး, ဒီးနခ့နပှၤအဲၣ်အီၤလီၤ.

စံးထီၣ်ပတြၢၤ 18:30

ကစၢ်ယွၤလၢယဘါအီၤအံၤအကျဲလၢပှဲၤဝဲ, ယွၤအတၢ်စံးပာ်န့ၣ်ဘၣ်တၢ်မၤကွၢ် ဒီးထံၣ်န့ၢ်အီၤလၢအတီဝဲလီၤ. အဝဲမ့ၢ်ကတီၤတဘ့ၣ်လၢပှၤလၢအ အိၣ်တဒၢလၢအပူၤခဲလၢာ်အဂီၢ်န့ၣ်လီၤ.

စံးထီၣ်ပတြၢၤ 19:8

ယွၤအကလုၢ်ကထါန့ၣ်တီဝဲလိၤဝဲ, ဒီးမၤခုထီၣ်က့ၤပသးလီၤ. ယွၤအတၢ်မၤလိာ်န့ၣ်ကဆှီဝဲ ဒီးမၤကပီၤထီၣ်က့ၤပမဲာ်လီၤ.

စံးထီၣ်ပတြၢၤ 66:10

ကစၢ်ယွၤဧၢ, အဂ့ၢ်ဒ်အံၤ, နမၤကွၢ်တ့ၢ်လံပှၤလံ. နမၤပှံၢ်တ့ၢ်လံပှၤ ဒ်စ့ ဘၣ်တၢ်မၤပှံၢ်အီၤအသိးန့ၣ်လီၤ.

စံးထီၣ်ပတြၢၤ 76:10

ပှၤကညီအတၢ်သးထီၣ်န့ၣ် ကက တၢၢ်ဒၣ်လၢတၢ်စံးထီၣ်ပတြၢၤအါထီၣ်နၤဧိၤလီၤ. ဒီးပှၤလၢအအိၣ်မူတ့ၢ်ဒံး ဖဲတၢ်ဒုးတၢ်ယၤဝံၤတဖၣ်န့ၣ် ကတိၢ်န့ၢ်ဖံးဃာ်နဘူၣ်တဖၣ်လီၤ.

စံးထီၣ်ပတြၢၤ 9:13

သူၣ်ကညီၤသးကညီၤယၤယွၤဧၢ, ကွၢ်ယတၢ်နးတၢ်ဖှီၣ်လၢ ယဒုၣ်ယဒါမၤဘၣ်ယၤန့ၣ်တက့ၢ်. ယွၤဧၢ, ဒုးပူၤဖျဲးယၤလၢတၢ်သံ,

လံာ်တၢ်ဟးထီၣ်ကွံာ် 3:7

တုၤနုၤတစုယွၤစံးဝဲဒၣ်, “ယထံၣ်တ့ၢ်လံယပှၤဂီၢ်မုၢ်တဖၣ်ဘၣ် တၢ်မၤအၢမၤနးအီၤလၢကီၢ်အဲၤကူပတူးအပူၤန့ၣ်လီၤ. ယနၢ်ဟူတ့ၢ်အဝဲသ့ၣ်ကိးထီၣ်တၢ်မၤပူၤဖျဲးအီၤလၢကုၢ်ကစၢ်တဖၣ် အစုပူၤန့ၣ်လီၤ. ယသ့ၣ်ညါအဝဲသ့ၣ်အတၢ်တူၢ်ဘၣ်ခီၣ်ဘၣ်ခဲလၢာ်န့ၣ်လီၤ.

လံာ်တၢ်ဟးထီၣ်ကွံာ် 3:8

ဒီးယဟဲလီၤဒ်သိးယကမၤပူၤမၤဖျဲးက့ၤအဝဲသ့ၣ်လၢပှၤအဲၤကူ ပတူးဖိအစုပူၤ, ဒီးထုးထီၣ်ကွံာ်အဝဲသ့ၣ်လၢကီၢ်အဲၤကူပတူး အပူၤဒီးဆှၢအဝဲသ့ၣ်ဆူကီၢ်တဘ့ၣ်လၢဟီၣ်ခိၣ်ညၣ်ထ့ၣ်ဂ့ၤဒီးလဲၢ်ဝဲ, ကီၢ်လၢတၢ်နုၢ်ထံဒီးကနဲစီယွၤလီၤဝဲ, ဒီးမ့ၢ်ကီၢ်တဘ့ၣ်ဖဲပှၤကနၤဧၣ်ဖိ, ပှၤဃ့ၤသးဖိ, ပှၤအမိၢ်ဖိ, ပှၤပရးစၤဖိ, ပှၤဃံၤဝံဖိဒီးပှၤယဘူၣ်ဖိတဖၣ်အိၣ်ဝဲအလီၢ်န့ၣ်လီၤ.

လံာ်တၢ်ဟးထီၣ်ကွံာ် 6:1

ဒီးယွၤစံးဘၣ်စီၤမိၤၡ့, “ခဲကနံၣ်အံၤနကထံၣ်ဘၣ်တၢ်လၢ ယကမၤကီၢ်အဲၤကူပတူးအစီၤပၤဒ်လဲၣ်န့ၣ်လီၤ. အဂ့ၢ်ဒ်အံၤ, ယကမၢဆူၣ်အီၤဒ်သိးကပျၢ်ယပှၤဂီၢ်မုၢ်လီၤ. ယကမၢဆူၣ်အီၤဒ်သိးကဟီထီၣ်ကွံာ်အဝဲသ့ၣ်လၢ အကီၢ်ပူၤသပှၢ်ကတၢၢ်န့ၣ်လီၤ.”

တၢ်ကတိၤဒိ. 22:23

ယွၤကလိာ်ကွီၢ်တၢ်လၢအဝဲသ့ၣ်အဂီၢ်ဒီးပှၤတဂၤလၢ်လၢ်လၢ အမၤပျံၤမၤဖုးအဝဲသ့ၣ်တဖၣ်အသးသမူန့ၣ်, ယွၤကမၤပျံၤမၤဖုးက့ၤအသးသမူလီၤ.

တၢ်ကတိၤဒိ. 30:5

ယွၤမၤလၢပှဲၤအတၢ်အၢၣ်လီၤကိးထံၣ်ဒဲးလီၤ. အဝဲလီၤဂာ်ဒ်ကတီၤတဘ့ၣ်အသိးလၢပှၤဃုန့ၢ်အတၢ်ဒီဒၣ်အိၣ်ပှိၤ ကိးဂၤဒဲးအဂီၢ်လီၤ.

လံာ်ယၡါယၤ 14:22

ယွၤသ့တၢ်လၢာ်ကစၢ်စံးဝဲဒၣ်, “ယကဒုးတၢ်ထီဒါဘၤဘူၤ လိၣ်ဒီးမၤဟးဂီၤအီၤလီၤ. ယတပာ်လီၤတဲာ်တၢ်နီတမံၤ, ဒီးဖိသၣ်တဖၣ်မ့ၢ်ဂ့ၤ, ပှၤအိၣ်မူတ့ၢ်တဖၣ်မ့ၢ်ဂ့ၤ, နီတဂၤဘၣ်. ယၤ, ယွၤ, စံးတ့ၢ်လံတၢ်လံလီၤ.

လံာ်ယၡါယၤ 33:10

ယွၤစံးဘၣ်ပှၤကလုာ်တဖၣ်, “ခဲကနံၣ်အံၤ, ယကမၤတၢ်လီၤ. ယကဒုးနဲၣ်လၢယစိကမီၤဒိၣ်ထဲလဲၣ်ထဲလဲၣ်န့ၣ်လီၤ.