စံးထီၣ်ပတြၢၤ 12:4 - Sgaw Karen Common Bible

⁴ “လၢပတၢ်ကတိၤတဖၣ်အဃိ ပဒိးန့ၢ်ဘၣ်တၢ်လၢပလိၣ်ဘၣ်လီၤ. ပကစံးတၢ်လၢပသးအိၣ်စံး ဒီးပှၤတြီပှၤတသ့နီတဂၤဘၣ်လီၤ.”

စံးထီၣ်ပတြၢၤ 12:4 Iomraidhean Croise

လံာ်တၢ်ကဲထီၣ်အခီၣ်ထံး 3:5

ကစၢ်ယွၤစံးတၢ်ဒ်န့ၣ်မ့ၢ်လၢအဝဲသ့ၣ်ညါလၢ, တုၤသုအီၣ်တၤသၣ်န့ၣ်ဒီးသုကလီၤဂာ်ဒီးကစၢ်ယွၤဒီးသုကသ့ၣ် ညါတၢ်ဂ့ၤဒီးတၢ်အတဂ့ၤအဃိန့ၣ်လီၤ.”

စံးထီၣ်ပတြၢၤ 140:12

ယွၤဧၢ, ယသ့ၣ်ညါလၢ နဒီဒၣ်အိၣ်ပှိၤပှၤဖှီၣ်ဖိယာ်ဖိ အတၢ်ဂ့ၢ်တၢ်ကျိၤ, ဒီးပှၤလိၣ်ဘၣ်တၢ်မၤစၢၤ အတၢ်ခွဲးတၢ်ယာ်တဖၣ်န့ၣ်လီၤ.

လံာ်တၢ်ဟးထီၣ်ကွံာ် 5:2

ဒီးစီၤပၤစံးဝဲဒၣ်, “ယွၤမ့ၢ်မတၤတဂၤလၢယကဘၣ်ဒိကနၣ်အကလုၢ်ဒီးပျၢ်ပှၤအံၣ်စရ့ လးဖိန့ၣ်လဲၣ်. ယတသ့ၣ်ညါဘၣ်ယွၤဘၣ်. ဒီးယတပျၢ်စ့ၢ်ကီးပှၤအံၣ်စရ့လးဖိဘၣ်.”

တၢ်ကတိၤဒိ. 10:31

ပှၤအတီအလိၤကတိၤတၢ်ကူၣ်သ့လီၤ. မ့မ့ၢ်, ပျ့ၤလၢအကတိၤတၢ်အၢ တၢ်သီန့ၣ်ကဘၣ်တၢ်ဒီၣ်တဲာ်ကွံာ်အီၤလီၤ.

လံာ်ယံးရမံယၤ 18:18

အန့ၣ်ဒီးပှၤဂီၢ်မုၢ်စံးဝဲဒၣ်, “မ်ပမၤတၢ်တမံၤမံၤဘၣ်ဃး စီၤယံးရမံယၤတက့ၢ်. ထီဘိန့ၣ်ပှၤလုၢ်တၢ်အခိၣ်တဖၣ်လၢ ကသိၣ်လိပှၤမ့ၢ်ဂ့ၤ, ပှၤကူၣ်တၢ်သ့တဖၣ်လၢကဟ့ၣ်ကူၣ်ဟ့ၣ်ဖးပှၤမ့ၢ်ဂ့ၤ, ဒီးဝံတဖၣ်လၢကစံးဘၣ်တဲဘၣ်ပှၤလၢကစၢ်ယွၤအတၢ်ကစီၣ် မ့ၢ်ဂ့ၤန့ၣ်ကအိၣ်ဝဲလီၤ. မ်ပလိာ်ကွီၢ်ထီဒါအီၤဒီးတၢ်လၢ အစံးဝဲန့ၣ်, မ်ပသုတဒိကနၣ်တဂ့ၤ.”

လံာ်ယံးရမံယၤ 2:31

ကီၢ်အံၣ်စရ့လးအပှၤဂီၢ်မုၢ်သ့ၣ်ဧၢ, ဒိကနၣ်တၢ်လၢယစံးဘၣ် တဲဘၣ်သုတက့ၢ်. မ့ၢ်ယလီၤဂာ်ဒီးမဲးမုၢ်ခိၣ်တတီၤလၢသုဂီၢ်, လီၤဂာ်ဒီးကီၢ်တဘ့ၣ်လၢအခံးဒီးလီၤပျံၤန့ၣ်ဧါ. ဘၣ်မနုၤအဃိ သုစံးလၢသုကမၤဖဲဒၣ်သုသး, ဒီးတဟဲက့ၤကဒါက့ၤလၢၤဘၣ် ဆူယအိၣ်နီတစုဘၣ်န့ၣ်လဲၣ်.

လံာ်ဒၤနံးယ့လး 3:15

ခဲကနံၣ်အံၤ, တုၤသုနၢ်ဟူကွဲၤ, ပံ, တနၢ်, တနၢ်သၢနၢၣ်, သီတူၢ်ဒီးတၢ်ဒ့တၢ်အူအဂၤခဲလၢာ်သီၣ်ထီၣ်န့ၣ်သုကဘၣ်ချံး ခီၣ်တီၤလီၤဒီးဘူၣ်ထီၣ်ဘါထီၣ်တၢ်ဂီၤန့ၣ်လီၤ. ဘၣ်ဆၣ်ဒီးသုမ့ၢ်တဘူၣ်ထီၣ်ဘါထီၣ်န့ၣ်သုကဘၣ်တၢ်တ့ၢ်လီၤ ကွံာ်သုတဘျီဃီဆူမ့ၣ်အူကဲၤကဖးအဖၣ်ကပူၤအပူၤန့ၣ်လီၤ. ကစၢ်လၢအမၤပူၤဖျဲးသုလၢယစုပူၤကန့ၢ်အိၣ်ဝဲတဂၤဂၤဧါ.”

၂ သ့းစၤလနံ 2:4

အဝဲဒၣ်ကထီဒါကယဲၢ်တၢ်လၢပှၤကိးအီၤလၢယွၤဒီးတၢ်လၢ ပှၤကညီဘါထီၣ်ဝဲဒီးကပာ်ဖျါထီၣ်အသးဒ်အဒိၣ်န့ၢ် အဝဲသ့ၣ်ခဲလၢာ်န့ၣ်လီၤ. အဝဲဒၣ်ကလဲၤနုာ်ဒီးဆ့ၣ်နီၤဒၣ်လဲာ်လၢကစၢ်ယွၤ အတၢ်လုၢ်ဟံၣ်အပူၤဒီးစံးလီၤအသးလၢအမ့ၢ်ကစၢ်ယွၤ န့ၣ်လီၤ.