စံးထီၣ်ပတြၢၤ 12:2 - Sgaw Karen Common Bible

² အဝဲသ့ၣ်ခဲလၢာ်လီလိာ်အသးတဂၤဒီးတဂၤ, လီန့ၢ်လွဲန့ၢ်လိာ်အသးလၢ တၢ်ကတိၤအူသဖှိတၢ်န့ၣ်လီၤ.

စံးထီၣ်ပတြၢၤ 12:2 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 12:33

လၢပှၤစဘူလိၣ်ဖိအဒူၣ်ပူၤန့ၣ်, ပှၤလၢအသးတီဒီးတၢ်နာ်န့ၢ်အီၤသ့အိၣ်ယဲၢ်ကလးန့ၣ်လီၤ. အဝဲသ့ၣ်မ့ၢ်ပှၤအိၣ်ကတဲာ်ကတီၤအသးလၢကဒုးတၢ်ဒီးဘၣ်တၢ်သိၣ်လိ တ့ၢ်အီၤလၢကသူတၢ်စုတၢ်ကဝဲၤကိးကလုာ်ဒဲးန့ၣ်လီၤ.

စံးထီၣ်ပတြၢၤ 10:7

အထးခိၣ်ပှဲၤဒီးတၢ်ဆိၣ်အၢ, တၢ်လီတၢ်ဝ့ၤဒီးတၢ်ကတိၤပျံၤကတိၤဖုးတၢ်လီၤ. တၢ်ကတိၤမၤဟးဂီၤတၢ်ဒီးတၢ်ကတိၤအအၢအသီန့ၣ် ကတိၤဝဲချ့သဒံးလီၤ.

စံးထီၣ်ပတြၢၤ 116:11

ဒီးဖဲယပျံၤတၢ်ဒီးစံး, “ပနာ်န့ၢ်ပှၤတသ့နီတဂၤဘၣ်” အခါဒၣ်လဲာ်န့ၣ်လီၤ.

စံးထီၣ်ပတြၢၤ 144:11

အုၣ်က့ၤခီၣ်က့ၤယၤလၢယဒုၣ်ယဒါအအၢအသီတဖၣ်, မၤပူၤဖျဲးယၤလၢပှၤတခီဘီမုၢ်ဖိအစိအကမီၤ, ပှၤတဖၣ်လၢ တတဲတၢ်မ့ၢ်တၢ်တီနီတစုဒီး မၤကဘျံးကဘျၣ်ဒၣ်လဲာ်တၢ်လၢ အမၤတၢ် ဆိၣ်အပူၤန့ၣ်တက့ၢ်.

စံးထီၣ်ပတြၢၤ 144:8

အဝဲသ့ၣ်တတဲတၢ်မ့ၢ်တၢ်တီနီတစုဘၣ်. မၤကဘျံးကဘျၣ်တၢ်လၢ အဆိၣ်တၢ်အပူၤဒၣ်လဲာ်န့ၣ်လီၤ.

စံးထီၣ်ပတြၢၤ 28:3

တဘၣ်စံၣ်ညီၣ်ယၤဃုာ်ဒီးပှၤတတီတလိၤ, ပှၤမၤတၢ်အၢ, ပှၤလၢအထးခိၣ်ကတိၤတၢ်ဃူတၢ်ဖိး ဒီးပှၤလၢအဃၢၤ ဘၣ်ဆၣ်အိၣ်ဒီးတၢ်သးက့ၣ်လၢအပူၤ သ့ၣ်တဖၣ်န့ၣ်တဂ့ၤ.

စံးထီၣ်ပတြၢၤ 38:12

ပှၤလၢအအဲၣ်ဒိးမၤသံယၤပာ်လီၤပျံၤသကွီၤလၢယဂီၢ်, ပှၤလၢအအဲၣ်ဒိးမၤဆါယၤကတိၤပျံၤကတိၤဖုးတၢ်လၢကမၤဟး ဂီၤယၤလီၤ. အဝဲသ့ၣ်ကူၣ်တၢ်အၢထီဒါယၤသ့သ့တနံၤလီၤ.

စံးထီၣ်ပတြၢၤ 41:6

ပှၤလၢအဟဲထံၣ်ယၤသ့ၣ်တဖၣ်အံၤ တအိၣ်ဒီးတၢ်သးတီဘၣ်. အဝဲသ့ၣ်ပာ်ဖှိၣ်တၢ်ကစီၣ်လၢအတဂ့ၤတဖၣ် လၢအဘၣ်ဃးဒီးယၤ, ဝံၤဟးထီၣ်ဒီးတဲတၢ်အံၤလၢ တၢ်လီၢ်ကိးတီၤဒဲးန့ၣ်လီၤ.

စံးထီၣ်ပတြၢၤ 5:9

အဂ့ၢ်ဒ်အံၤ, တၢ်ကတိၤအမ့ၢ်အတီ တအိၣ်ဘၣ်လၢအထးခိၣ်နီတထံၣ်ဘၣ်. လၢအသးကံၢ်ပူၤန့ၣ်အိၣ်ထဲ တၢ်သးအိၣ်မၤဟးဂီၤတၢ်န့ၣ်လီၤ. အကိာ်ပူၤန့ၣ်လီၤဂာ်ဒီးတၢ်သွၣ်ခိၣ်အပူၤ အိၣ်အိးထီၣ်အသး, အပျ့ၤတဖၣ်ပှဲၤဒီးတၢ်ကတိၤအူသဖှိထီၣ်တၢ်လၢ ကလီန့ၢ်ပှၤအဂီၢ်လီၤ.

စံးထီၣ်ပတြၢၤ 55:21

အတၢ်စံးတၢ်ကတိၤဘျ့န့ၢ်တၢ်နုၢ်ထံအသိတက့ၢ်လီၤ. မ့မ့ၢ်တၢ်ဒုးသုးအသးန့ၣ်အိၣ်လၢအပူၤလီၤ. အတၢ်ကတိၤတဖၣ်စၢ်န့ၢ်သိတက့ၢ်လီၤ, ဘၣ်ဆၣ်မ့ၢ်နးလၢအဘီၣ်ထီၣ်အသးတဖၣ်လီၤ.

စံးထီၣ်ပတြၢၤ 59:12

တၢ်ဒဲးဘးအိၣ်လၢအထးခိၣ်တဖၣ်အလိၤ, အတၢ်ကတိၤခဲလၢာ်မ့ၢ်တၢ်ဒဲးဘးန့ၣ်လီၤ. မ်အဝဲသ့ၣ်ဘၣ်တၢ်ဖီၣ်န့ၢ်အီၤလၢ အတၢ်ပာ်ထီၣ်ထီအသးဒၣ်ဝဲအပူၤန့ၣ်တက့ၢ်. အဂ့ၢ်ဒ်အံၤ, အဝဲသ့ၣ်ဆိၣ်တၢ်ဒီးလီတၢ်လီၤ.

စံးထီၣ်ပတြၢၤ 62:4

သုသးအိၣ်ဒၣ်ထဲလၢသုကပာ်လီၤအီၤလၢ တၢ်လၤကပီၤအလီၢ်, သုမုာ်လၤလၢတၢ်လီတၢ်ဝ့ၤတဖၣ်အပူၤလီၤ. သုဆိၣ်ဂ့ၤတၢ်လၢသုတၢ်ကတိၤတဖၣ်, ဘၣ်ဆၣ်သုဆိၣ်အၢအီၤလၢသုသးပူၤလီၤ. စ့လၤ

တၢ်ကတိၤဒိ. 20:19

တၢ်သီၣ်ဝံသဲကလၤတမံၤန့ၣ်ပၢၤဃာ်တၢ်ခူသူၣ်တမံၤတန့ၢ်နီတစု ဘၣ်. အိၣ်ယံၤဒီးပှၤလၢအတၢ်ကတိၤအါကဲာ်ဆိးတဖၣ်န့ၣ်တက့ၢ်.

တၢ်ကတိၤဒိ. 20:6

ပှၤကိးဂၤကတိၤတၢ်ဘၣ်ဃးအဝဲမ့ၢ်ပှၤအသးတီဒီးတၢ်နာ်န့ၢ်အီၤ သ့ထဲလဲၣ်ထဲလဲၣ်အဂ့ၢ်လီၤ. ဘၣ်ဆၣ်ကျဲးစၢးဃုကွၢ်ဒၣ်ကလိာ်ပှၤတဂၤဂၤလၢအမ့ၢ်တၢ်ဒ်အစံးဝဲ အံၤအသိးန့ၣ်တက့ၢ်.

တၢ်ကတိၤဒိ. 29:5

နမ့ၢ်ကတိၤပတြၢၤမုာ်နၢ်နတံၤသကိးတဖၣ်ဒီး, နဆဲထီၣ်ထုတခါလၢနဂီၢ်ဒၣ်နဲလီၤ.

လံာ်ယံးရမံယၤ 7:28

နကတဲဘၣ်အဝဲသ့ၣ်လၢအဝဲသ့ၣ်အပှၤကလုာ်တစူၢ်ယၤ, ယွၤ, အဝဲသ့ၣ်အကစၢ်ယွၤမ့ၢ်ဂ့ၤ, တမၤလိန့ၢ်တၢ်လၢတၢ်စံၣ်ညီၣ်လၢအဘၣ်အီၤမ့ၢ်ဂ့ၤန့ၣ်လီၤ. တၢ်သူၣ်ထီသးရၤသံလံဝဲလံ. တၢ်တကတိၤလၢအဂ့ၢ်ဒၣ်လဲာ်လၢၤဘၣ်.

လံာ်ယံးရမံယၤ 9:8

အဝဲသ့ၣ်အပျ့ၤတဖၣ်လီၤဂာ်ဒ်ပျၢ်ခးသံတၢ် တဖၣ်အသိးန့ၣ်လီၤ. အဝဲသ့ၣ်တဲလီတၢ်ဝ့ၤတၢ်ထီဘိတထံၣ်ဃီလီၤ. ပှၤကိးဂၤဒဲးကတိၤတၢ်ဃူတၢ်ဖိးအတၢ်ကတိၤ တဖၣ်ဒီးပှၤလၢအဃၢၤ, ဘၣ်ဆၣ်လၢအသးပူၤတခီအဝဲပာ် လီၤထုတခါလၢအဂီၢ်န့ၣ်လီၤ.

လံာ်ယဃ့းစက့လး 12:24

လၢကီၢ်အံၣ်စရ့လးအပှၤဂီၢ်မုၢ်အကျါန့ၣ်, တၢ်ထံၣ်လၢညါခီလၢအတတီတဖၣ်မ့ၢ်ဂ့ၤ, ဝံအတၢ်စံးပာ်လၢအဆှၢကမၣ်တၢ်တဖၣ်မ့ၢ်ဂ့ၤ, တအိၣ်လၢၤနီတမံၤဘၣ်န့ၣ်လီၤ.

လံာ်မံကၤ 7:2

ပှၤသူၣ်လိၤသးဘျၢတဂၤဒၣ်လဲာ်တအိၣ်လၢၤဘၣ် လၢကီၢ်ပူၤဘၣ်. ပှၤတတီဒီးယွၤနီတဂၤဘၣ်. ပှၤကိးဂၤအိၣ်ခိးဝဲတၢ်ခွဲးတၢ်ယာ်လၢကမၤသံမၤဝီတၢ်လီၤ. ပှၤကိးဂၤဒဲးလူၤဃုဖီၣ်န့ၢ်အထံဖိကီၢ်ဖိကဒဲကဒဲလီၤ.

ရိမ့ၤ 16:18

အဂ့ၢ်ဒ်လဲၣ်န့ၣ်, ပှၤလၢအမၤတၢ်ဒ်အံၤတဖၣ်တမၤပကစၢ် ခရံာ်အတၢ်မၤဘၣ်, မ့မ့ၢ်မၤတၢ်လၢအဟၢဖၢဒၣ်ဝဲအဂီၢ်န့ၣ်လီၤ. ခီဖျိလၢအတၢ်ကတိၤအမုာ်အဆၢတဖၣ်ဒီးအတၢ်ကတိၤအူ သဖှိထီၣ်တၢ်န့ၣ်, အဝဲသ့ၣ်လီန့ၢ်ပှၤလၢအသးဂ့ၤအသးညီ တဖၣ်န့ၣ်လီၤ.

၁ သ့းစၤလနံ 2:5

သုသ့ၣ်ညါသုဝဲဂ့ၤဂ့ၤလၢပတဟဲဆူသုအိၣ်, အိၣ်ဒီးတၢ်စံးပတြၢၤထးခိၣ်ဖံးလာ်သုဘၣ်. တၢ်ကတိၤလၢပစံးကတိၤအီၤန့ၣ်, တမ့ၢ်စ့ၢ်ကီးလၢအကကးဘၢတၢ်သူၣ်လီသးကွံအဂီၢ်န့ၣ်ဘၣ်. ကစၢ်ယွၤမ့ၢ်ပှၤအုၣ်အသးလၢပဂီၢ်လီၤ.

ယၤကိာ် 1:8

အဂ့ၢ်ဒ်လဲၣ်န့ၣ်လၢတၢ်ခဲလၢာ်လၢအဝဲမၤဝဲအပူၤန့ၣ်, အသးတဂၢၢ်ဘၣ်ဒီးစံၣ်ညီၣ်တဲာ်တၢ်တသ့ဘၣ်အဃိ န့ၣ်လီၤ.