စံးထီၣ်ပတြၢၤ 119:95 - Sgaw Karen Common Bible

⁹⁵ ပှၤတတီတလိၤခိးယၤလၢကမၤဟးဂီၤယၤလီၤ. မ့မ့ၢ်ယဲဒၣ်အံၤယဆိကမိၣ်တၢ်လၢ နတၢ်အုၣ်နသးတဖၣ်အဂ့ၢ်လီၤ.

စံးထီၣ်ပတြၢၤ 119:95 Iomraidhean Croise

စံးထီၣ်ပတြၢၤ 119:111

နတၢ်အုၣ်နသးတဖၣ် မ့ၢ်ယတၢ်န့ၢ်သါလီၤထူလီၤယိာ်လီၤ. အဂ့ၢ်ဒ်အံၤ, အဝဲန့ၣ် မ့ၢ်ယသးအတၢ်သူၣ်ဖှံသးညီန့ၣ်လီၤ.

စံးထီၣ်ပတြၢၤ 119:125

ယဲဒၣ်အံၤယမ့ၢ်နခ့နပှၤလီၤ. ဒုးနၢ်ပၢၢ်ယၤဒ်သိးယကသ့ၣ်ညါ နတၢ်အုၣ်နသးတဖၣ်န့ၣ်တက့ၢ်.

စံးထီၣ်ပတြၢၤ 119:129

နတၢ်အုၣ်နသးတဖၣ်န့ၣ်လီၤလးဝဲလီၤ. မၤသးဒ်န့ၣ်ဒီးယတိၢ်န့ၢ်အီၤလၢ ယသူၣ်ယသးဒီဖျၢၣ်ညါလီၤ.

စံးထီၣ်ပတြၢၤ 119:167

နတၢ်အုၣ်နသးတဖၣ်န့ၣ် ယတိၢ်န့ၢ်ဖံးဃာ်လၢယသးဒီဖျၢၣ်ညါ, ဒီးယအဲၣ်အီၤဒိၣ်ဒိၣ်ကလဲာ်လီၤ.

စံးထီၣ်ပတြၢၤ 119:24

နတၢ်သိၣ်လီၤသီလီၤတဖၣ် ဟ့ၣ်ယၤတၢ်သူၣ်မံသးမုာ်လီၤ. မ့ၢ်တၢ်ဟ့ၣ်ကူၣ်ဟ့ၣ်ဖးယၤလီၤ.

စံးထီၣ်ပတြၢၤ 119:31

ယွၤဧၢ, ယအိၣ်စဲဘူးဒီးနတၢ်သိၣ်လိသီလိတဖၣ်လီၤ. မ်ယသုတဘၣ်တၢ်မဲာ်ဆှးတဂ့ၤ.

စံးထီၣ်ပတြၢၤ 119:61

ပှၤတတီတလိၤအပျံၤသကွီၤဘၣ်တၢ်ပာ်လီၤအီၤ လၢကဖီၣ်န့ၢ်ယၤဒၣ်လဲာ်, ယတသးပ့ၤနီၣ်ဘၣ်နတၢ်သိၣ်တၢ်သီဘၣ်.

စံးထီၣ်ပတြၢၤ 119:69

ပှၤပာ်အသးထီၣ်ထီတဖၣ်န့ၣ်, ကူၣ်ထီၣ်ဖးလီၤတၢ်ကတိၤကဘျံးကဘျၣ် ထီဒါယၤလီၤ. ဘၣ်ဆၣ် ယစူၢ်နတၢ်သိၣ်တၢ် သီတဖၣ်လၢယသးဒီဖျၢၣ်ညါလီၤ.

စံးထီၣ်ပတြၢၤ 27:2

တုၤပှၤအၢပှၤသီတဖၣ်ထီဒါယၤဒ်သိး အကအီၣ်ကွံာ်ယဖံးယညၣ်န့ၣ်ဒီး, အဝဲသ့ၣ်အခီၣ်ဘၣ်တိၢ်ဒီးလီၤဃံၤဝဲန့ၣ်လီၤ.

စံးထီၣ်ပတြၢၤ 37:32

ပှၤအၢပှၤသီကွၢ်ဟုၣ်ကွၢ်စုာ်ပှၤအဂ့ၤအဝါ ဒီးဃုမၤသံအီၤန့ၣ်လီၤ.

စံးထီၣ်ပတြၢၤ 38:12

ပှၤလၢအအဲၣ်ဒိးမၤသံယၤပာ်လီၤပျံၤသကွီၤလၢယဂီၢ်, ပှၤလၢအအဲၣ်ဒိးမၤဆါယၤကတိၤပျံၤကတိၤဖုးတၢ်လၢကမၤဟး ဂီၤယၤလီၤ. အဝဲသ့ၣ်ကူၣ်တၢ်အၢထီဒါယၤသ့သ့တနံၤလီၤ.

မၤတၢ် 12:11

တုၤနုၤတစုစီၤပ့းတရူးသ့ၣ်ညါတၢ်မၤအသးဒီးအီၤဒ်လဲၣ်အဂ့ၢ်ဒီးစံးဝဲ, “ခဲကနံၣ်အံၤယသ့ၣ်ညါလၢတၢ်တမံၤအံၤမၤအသးနီၢ်နီၢ်လီၤ. ကစၢ်ဆှၢလီၤအကလူး, ဒီးအဝဲဒၣ်အုၣ်က့ၤခီၣ်က့ၤယၤလၢစီၤပၤဟ့ၤရိာ်အတၢ်စိတၢ်က မီၤ, ဒီးလၢတၢ်ခဲလၢာ်လၢပှၤယူဒၤဖိမုၢ်လၢ်လၢအကမၤဝဲအပူၤန့ၣ် လီၤ.”

မၤတၢ် 23:21

ဘၣ်ဆၣ်ဒီးတဘၣ်ဒိကနၣ်အဝဲသ့ၣ်အကလုၢ်တဂ့ၤ. အဂ့ၢ်ဒ်အံၤ, ပှၤအိၣ်ဝဲဒၣ်အါန့ၢ်အဂၤလွံၢ်ဆံလၢအကအိၣ်ခိးခူသူၣ်အခိၣ်န့ၣ် လီၤ. အဝဲသ့ၣ်ဆိၣ်လီၤတ့ၢ်အသးလၢမ့ၢ်တမၤသံဘၣ်စီၤပီလူးန့ၣ် တအီၣ်တၢ်အီတၢ်နီတမံၤဘၣ်လီၤ. ခဲအံၤအဝဲသ့ၣ်အိၣ်ကတဲာ်ကတီၤအသးလၢအကမၤတၢ်တမံၤ အံၤဒီးအိၣ်ခိးဝဲဒ်သိးကနၢ်ဟူဘၣ်နကဟ့ၣ်တၢ်စံးဆၢဒ်လဲၣ် န့ၣ်လီၤ.”

မၤတၢ် 25:3

ဒ်သိးအကမၤစၢၤအဝဲသ့ၣ်ခီဖျိအဒုးဟဲစီၤပီလူးဆူဝ့ၢ်ယရူၤၡလ့ၣ်, အဂ့ၢ်မ့ၢ်လၢအဝဲသ့ၣ်ကူၣ်ထီၣ်တ့ၢ်ဝဲလၢအကမၤသံအီၤလၢကျဲ န့ၣ်လီၤ.