စံးထီၣ်ပတြၢၤ 119:9 - Sgaw Karen Common Bible

⁹ ပှၤဖိၣ်သၣ်ခွါကမၤကဆှီအကျဲဒ်လဲၣ်. မ့ၢ်အဘၣ်ပလီၢ်အသးဒ် နကလုၢ်ကထါအသိးန့ၣ်လီၤ.

စံးထီၣ်ပတြၢၤ 119:9 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 6:16

ခဲကနံၣ်အံၤယွၤ, အံၣ်စရ့လးအကစၢ်ယွၤဧၢ, ဟံးဃာ်ဂၢၢ်ကျၢၤတၢ်အၢၣ်လီၤအီလီၤအဂၤတမံၤလၢနမၤတ့ၢ်ဒီးယ ပၢ်, ဖဲနတဲဘၣ်တ့ၢ်အီၤလၢ, ထီဘိအဝဲအစၢၤအသွဲၣ်တဖၣ်အကျါတဂၤကအိၣ် ဝဲလၢကပၢတၢ်ဒ်အံၣ်စရ့လးအစီၤပၤ, ဖဲအဝဲသ့ၣ်မ့ၢ်စူၢ်နတၢ်သိၣ်တၢ်သီလၢနဟ့ၣ်လီၤပှၤယူဒၤဖိ လီၤတံၢ်လီၤဆဲးဒ်နမၤတ့ၢ်ဝဲအသိးန့ၣ်တက့ၢ်.

လံာ်စီၤယိၤဘး 1:5

မုၢ်တဂီၤဖဲတၢ်အီၣ်တၢ်အီအမူးဝံၤဝဲတဘျီလၢ်လၢ်န့ၣ်, စီၤယိၤဘးဂဲၤထၢၣ်ဂီၤဂီၤဒီးကိးဖှိၣ်အဖိတဖၣ်ဒီးလုၢ်တၢ် လုၢ်မ့ၣ်အူလၢအဖိတဂၤစုာ်စုာ်အဂီၢ်ဒ်သိးကမၤကဆှီထီၣ်က့ၤ အဝဲသ့ၣ်အဂီၢ်န့ၣ်လီၤ. အဂ့ၢ်ဒ်အံၤစီၤယိၤဘးဆိကမိၣ်ဝဲလၢဘၣ် တဘၣ်အဖိခွါတဂၤဂၤလၢတၢ်တပာ်သူၣ်ပာ်သးအပူၤမၤတ့ၢ် လံတၢ်ဒဲးဘးခီဖျိတၢ်ကတိၤတရီတပါကစၢ်ယွၤလၢအသးကံၢ်ပူၤ လံ. တၢ်န့ၣ်အဃိစီၤယိၤဘးမၤတၢ်အံၤတထံၣ်ဃီလီၤ.

လံာ်စီၤယိၤဘး 13:26

နဟ့ၣ်လီၤတၢ်စံၣ်ညီၣ်အကလုၢ်ထီဒါယၤန့ၣ် မ့ၢ်တၢ်လၢအနး ဒိၣ်မးတုၤဒၣ်လဲာ်လၢတၢ်လၢယမၤတ့ၢ်အီၤဖဲယသးစၢ်အခါ အဂီၢ်န့ၣ်လီၤ.

စံးထီၣ်ပတြၢၤ 119:11

ယပာ်ဖှိၣ်နကလုၢ်နကထါလၢယသးကံၢ်ပူၤ ဒ်သိးယသုတမၤကမၣ်ဘၣ်နၤတဂ့ၤလီၤ.

စံးထီၣ်ပတြၢၤ 17:4

ယတကတိၤတၢ်အၢတၢ်သီ, ဒ်ပှၤဂၤစံးကတိၤအသိးန့ၣ်ဘၣ်. ယဒိကနၣ်တ့ၢ်နတၢ်မၤလိာ် ဒီးတလူၤပိာ်ထွဲယဲ တၢ်စုဆူၣ်ခီၣ်တကးအကျဲန့ၣ်ဘၣ်.

စံးထီၣ်ပတြၢၤ 25:7

ယသးစၢ်အတၢ်ဒဲးဘးဒီးအတၢ်ကမၣ်သ့ၣ်တဖၣ်န့ၣ်ပျၢ်လၢ်ဘၣ်တက့ၢ်. ယွၤဧၢ, လၢနတၢ်အဲၣ်ဂၢၢ်ကျၢၤဒီး နတၢ်ဂ့ၤတၢ်ဝါအပူၤန့ၣ်, သ့ၣ်နီၣ်ထီၣ်က့ၤယၤတက့ၢ်.

စံးထီၣ်ပတြၢၤ 34:11

ဟဲ, ဖိသ့ၣ်လံၤသ့ၣ်ဧၢ, ဒိကနၣ်ယကလုၢ်တက့ၢ်. ယကသိၣ်လိသုလၢတၢ်ပျံၤယွၤန့ၣ်လီၤ.

တၢ်ကတိၤဒိ. 1:10

ယဖိခွါဧၢ, ဖဲပှၤတၢ်ဒဲးဘးဖိလ့ပစီနၤဒီးဟ့ၣ်လီၤနသးတဂ့ၤ.

တၢ်ကတိၤဒိ. 1:4

တၢ်န့ၣ်တဖၣ်ဒုးကဲထီၣ်ပှၤလၢအတၢ်လဲၤခီဖျိစှၤတဂၤလၢပှၤကူၣ်သ့ဒီးသိၣ်လိပှၤသးစၢ်တဖၣ် ဒ်သိးကဘၣ်အိၣ်လၢအိၣ်ပှဲၤဒီး တၤလၣ်တဖၣ်ဒ်လဲၣ်ဒ်လဲၣ်သ့ဝဲန့ၣ်လီၤ.

တၢ်ကတိၤဒိ. 2:11

နတၢ်ထံၣ်တၢ်လၢသးအမဲာ်ဒီးနတၢ်သူၣ်ဆးသးဆးကအိၣ်ပှိၤနၤ,

တၢ်ကတိၤဒိ. 4:1

ယဖိခွါသ့ၣ်ဧၢ, ဒိကနၣ်တၢ်လၢသုပၢ်သိၣ်လိသီလိသုတက့ၢ်. ပာ်သူၣ်ပာ်သးသပှၢ်ပှၢ်ဒီးသုကအိၣ်ဒီးတၢ်သ့ၣ်ညါနၢ်ပၢၢ်လီၤ.

တၢ်ကတိၤဒိ. 7:7

ဒီးယထံၣ်ဘၣ်တ့ၢ်ပှၤပိာ်ခွါသးစၢ်အါဂၤလၢအတၢ်လဲၤခီ ဖျိစှၤဝဲလီၤ. ဘၣ်ဆၣ်ဒီးယပာ်သူၣ်ပာ်သးဘၣ်လၢပှၤအမၢးလီၤဆီ တဂၤန့ၣ်လီၤ.

လံာ်ပှၤစံၣ်တဲၤတဲလီၤတၢ် 11:9

ပှၤသးစၢ်သ့ၣ်ဧၢ, မုာ်လၤလၢနတၢ်မ့ၢ်ပှၤသးစၢ်အဃိတက့ၢ်. ဖဲနသးစၢ်ဒံးအခါအံၤန့ၣ်, သူၣ်ဖှံသးညီတက့ၢ်. မၤတၢ်လၢနအဲၣ်ဒိးမၤဒီးလူၤထွဲနသးအတၢ်ဆၢန့ၢ်ဘၣ်တက့ၢ်. ဘၣ်ဆၣ်သ့ၣ်နီၣ်ထီၣ်က့ၤလၢကစၢ်ယွၤကစံၣ်ညီၣ်နၤလၢတၢ်လၢနမၤ အီၤတမံၤဂ့ၤတမံၤဂ့ၤအဃိတက့ၢ်.

လံာ်လူၤကၣ် 15:13

စှၤသီအလီၢ်ခံန့ၣ်, ဖိခွါလၢအသးစၢ်တဂၤဆါကွံာ်အတၢ်စုလီၢ်ခီၣ်ခိၣ် လၢအန့ၢ်ဘၣ်သါဝဲတဖၣ်, ဒီးစိာ်ထီၣ်စ့လၢအဒိးန့ၢ်ဝဲဒီးဟးထီၣ်ကွံာ်လၢအဟံၣ်လီၤ. အဝဲဒၣ်လဲၤဆူထံကီၢ်လၢအစီၤစုၤယံၤတဘ့ၣ်, ဒီးဖဲန့ၣ်အဝဲဒၣ်မၤလၢာ်ဂီၤကွံာ်အကျိၣ်အစ့လၢတၢ်လုၣ်ကိလုၣ် ကပာ်အပူၤလီၤ.

လံာ်ယိၤဟၣ် 15:3

သုဘၣ်တၢ်မၤကဆှီထီၣ်တ့ၢ်လံသုလၢယကလုၢ် ကထါလၢယဟ့ၣ်လီၤတ့ၢ်သုန့ၣ်လီၤ.

လံာ်သိၣ်လီၤသီလီၤတၢ် 17:18

ဖဲအဝဲကဲစီၤပၤန့ၣ်, အဝဲကဘၣ်အိၣ်ဒီးကစၢ်ယွၤအတၢ်ဘူၣ်တၢ်ဘါ အတၢ်သိၣ်တၢ်သီတဖၣ်အလံာ်ကွဲးဆဲတဘ့ၣ်ဒီးတၢ်သိၣ်လိတဖၣ်လၢ အဟံးန့ၢ်ဝဲလၢလံာ်အဂံၢ်ထံးတဘ့ၣ်အပူၤလၢအဘၣ်တၢ်ပၢၤဃာ်အီၤ လၢပှၤလ့ၤဝံဖိပှၤလုၢ်တၢ်အခိၣ်တဖၣ်န့ၣ်လီၤ.

၂ တံၤမသ့း 2:22

ဟးဆှဲးပှၤသးစၢ်အတၢ်သူၣ်လီသးကွံတဖၣ်ဒီးဂဲၤပျုၢ် လၢတၢ်တီတၢ်လိၤ, တၢ်စူၢ်တၢ်နာ်, တၢ်အဲၣ်တၢ်ကွံ, ဒီးတၢ်ဃူတၢ်ဖိးအဂီၢ်, ဃုာ်ဒီးပှၤသ့ၣ်တဖၣ်လၢ အကိးထီၣ်ကစၢ်လၢတၢ်မၤစၢၤအဂီၢ်လၢတၢ်သးကဆှီ အပူၤန့ၣ်တက့ၢ်.

လံာ်စီၤယိၤၡူ 1:7

ထဲပာ်ဆူၣ်နသးဒီးအိၣ်ဒီးတၢ်သးဒူတက့ၢ်. ဒီးမၤလီၤတံၢ်နသးလၢနစူၢ်တၢ်သိၣ်တၢ်သီခဲလၢာ်လၢယခ့ယပှၤစီၤမိၤၡ့ ဟ့ၣ်လီၤနၤန့ၣ်တက့ၢ်. ဆူစုထွဲမ့ၢ်ဂ့ၤ, စုစ့ၣ်မ့ၢ်ဂ့ၤတဘၣ်ဃၣ်ကပၤကွံာ်နသးလၢအီၤ တဂ့ၤ. ဒီးဖဲနလဲၤတၢ်တပူၤလၢ်လၢ်န့ၣ်နကဘီၣ်ထီၣ်ညီထီၣ်လီၤ.