စံးထီၣ်ပတြၢၤ 119:82 - Sgaw Karen Common Bible

⁸² ယမဲာ်ချံတဖၣ်ဘှံးဝဲလၢအခိးကွၢ်လၢ် နတၢ်အၢၣ်လီၤဖဲယစံး, “နကမၤစၢၤယၤအကတီၢ်ဖဲလဲၣ်” န့ၣ်လီၤ.

စံးထီၣ်ပတြၢၤ 119:82 Iomraidhean Croise

စံးထီၣ်ပတြၢၤ 119:123

ယမဲာ်ချံဘှံးဝဲလၢယခိးကွၢ်လၢ်နတၢ်မၤစၢၤလၢ တၢ်ပူၤဖျဲးအဂီၢ်န့ၣ်လီၤ. အဂ့ၢ်ဒ်အံၤ, နအၢၣ်လီၤတ့ၢ်ယၤလၢ တၢ်မၤပူၤဖျဲးအဂီၢ်လီၤ.

စံးထီၣ်ပတြၢၤ 69:3

တၢ်ဘှံးယသးလၢယကိးထီၣ်အဃိ, ဒီးယကိာ်ယူၢ်ဃ့ထီဝဲလီၤ. ယမဲာ်ယုာ်ဝဲလၢယကွၢ်လၢ်ယကစၢ်ကဟဲ ဒီးမၤစၢၤယၤအဂီၢ်အဃိန့ၣ်လီၤ.

စံးထီၣ်ပတြၢၤ 86:17

ယွၤဧၢ, ဒုးနဲၣ်နတၢ်ဂ့ၤအတၢ်ပနီၣ်လၢယၤ ဒ်သိးပှၤလၢအသးဟ့ယၤတဖၣ်ကထံၣ်ဝဲ ဒီးကဘၣ်တၢ်မၤမဲာ်ဆှးအီၤ, မ့ၢ်လၢနမၤစၢၤတ့ၢ်လံယၤဒီး မၤမုာ်ထီၣ်က့ၤယၤအဃိန့ၣ်တက့ၢ်.

တၢ်ကတိၤဒိ. 13:12

ဖဲတၢ်မုၢ်လၢ်ဘၣ်တၢ်မၤလီၤသဘှံးအီၤဒီး, သးလီၤသဘှံးဝဲလီၤ. မ့မ့ၢ်တုၤတၢ်ဆၢန့ၢ်တမံၤကဲထီၣ်လိၣ်ထီၣ်ဝဲန့ၣ်, မၤပှဲၤနၤဒီးတၢ်သးခုလီၤ.

လံာ်ယၡါယၤ 38:11

ယဆိကမိၣ်တ့ၢ်, လၢပှၤမူတဖၣ်အကီၢ်ပူၤအံၤ, ယတထံၣ်ဘၣ်ကဒီးယွၤမ့ၢ်ဂ့ၤ, ပှၤအမူတဂၤဂၤမ့ၢ်ဂ့ၤ, နီတစုလၢၤဘၣ်.

လံာ်သးသယုၢ်တၢ် 2:11

ယမဲာ်ချံတဖၣ်ဃ့ထီဝဲလၢမဲာ်ထံလၢာ်ကွံာ်အဃိဒီးယသးသမူအိၣ် လၢတၢ်ကိၢ်တၢ်ဂီၤအပူၤလီၤ. ယဂံၢ်ယဘါလၢာ်ကွံာ်ဝဲလၢတၢ်သးအုးဖဲယပှၤဂီၢ်မုၢ်ဘၣ်တၢ်မၤဟး ဂီၤကွံာ်အီၤန့ၣ်လီၤ. ဖိသၣ်တဖၣ်ဒီးဖိဆံးအီၣ်နုၢ်တဖၣ်သံတယူာ်ဝဲလၢဝ့ၢ်အကျဲတဖၣ် အပူၤန့ၣ်လီၤ.

လံာ်သိၣ်လီၤသီလီၤတၢ် 28:32

သုဖိခွါတဖၣ်ဒီးဖိမုၣ်တဖၣ်ကဘၣ်တၢ်ဟ့ၣ်လီၤကွံာ်အီၤဆူပှၤ ထံဂၤကီၢ်ဂၤတဖၣ်အစုပူၤဒ်ကုၢ်တဖၣ်အသိးဖဲသုကွၢ်အီၤအဖၢမုၢ်ဒၣ်လဲာ်လီၤ. ကိးမုၢ်နံၤဒဲးန့ၣ်သုမဲာ်ချံတဖၣ်ကလီၤဘှံးကွံာ်ကလီကလီလၢ တၢ်ခိးကွၢ်တၢ်ကလီကလီလၢသုဖိတဖၣ်အတၢ်ဟဲက့ၤကဒါက့ၤအဂီၢ် န့ၣ်လီၤ.