စံးထီၣ်ပတြၢၤ 119:78 - Sgaw Karen Common Bible

⁷⁸ မ်ပှၤပာ်ထီၣ်ထီအသးန့ၣ်ကဘၣ်တၢ်မၤမဲာ်ဆှးအီၤ မ့ၢ်လၢမၤအၢယၤလၢ တၢ်ကဘျံးကဘျၣ်အဃိန့ၣ်တက့ၢ်. မ့မ့ၢ်ယဲဒၣ်အံၤယကဆိကမိၣ်တၢ်လၢ နတၢ်မၤလိာ်တဖၣ်န့ၣ်လီၤ.

စံးထီၣ်ပတြၢၤ 119:78 Iomraidhean Croise

စံးထီၣ်ပတြၢၤ 1:2

မုာ်လၤဝဲလၢတၢ်ဒိကနၣ်ယွၤအတၢ်သိၣ်တၢ်သီအပူၤ, ဒီးဆိကမိၣ်ဝဲယွၤအတၢ်သိၣ်တၢ်သီ, မုၢ်ဆါဆဲးလၢမုၢ်နၤန့ၣ်လီၤ.

စံးထီၣ်ပတြၢၤ 109:3

အဝဲသ့ၣ်ကတိၤအၢကတိၤသီတၢ်လၢ ယဂ့ၢ်ယကျိၤ ဒီးထီဒါယၤလၢ တၢ်ဂ့ၢ်တအိၣ်နီတမံၤဘၣ်အပူၤန့ၣ်လီၤ.

စံးထီၣ်ပတြၢၤ 119:15

ယမၤလိနတၢ်သိၣ်လီၤသီလီၤတဖၣ်, ဒီးယသမံသမိးကွၢ်နတၢ်သိၣ်လိသီလိတဖၣ်လီၤ.

စံးထီၣ်ပတြၢၤ 119:21

ပှၤလၢအပာ်ထီၣ်ထီအသး, လၢအဘၣ်တၢ်ဆိၣ်အၢလၢ အဟးဖျိးလၢ နတၢ်မၤလိာ်တဖၣ်အကျဲန့ၣ်, နသိၣ်ဃီၣ်လံအီၤလံ.

စံးထီၣ်ပတြၢၤ 119:23

ပဒိၣ်ဖးဒိၣ်တဖၣ်ဒၣ်လဲာ်ဆ့ၣ်နီၤဒီးကူၣ်ထီဒါယၤလီၤ. မ့မ့ၢ်ယဲဒၣ်အံၤယကမၤလိ နတၢ်သိၣ်လိသီလိတဖၣ်န့ၣ်လီၤ.

စံးထီၣ်ပတြၢၤ 119:51

ပှၤပာ်ထီၣ်ထီအသးတဖၣ်န့ၣ်ဒုၣ်ဒွဲၣ်ယၤ နးမးတထံၣ်ဃီလီၤ. ဘၣ်ဆၣ်ယတဟးဖးဒီး နတၢ်သိၣ်တၢ်သီန့ၣ်ဘၣ်.

စံးထီၣ်ပတြၢၤ 25:3

ပှၤလၢအနာ်နၤသ့ၣ်တဖၣ်တဘၣ်တၢ်မၤနၢၤအီၤဘၣ်. မ့မ့ၢ်ဘၣ်ဒၣ်ထဲပှၤလၢအချ့ဝဲလၢ တၢ်ပူထီၣ်နၤအပူၤတဖၣ်န့ၣ်လီၤ.

စံးထီၣ်ပတြၢၤ 35:26

ပှၤလၢအသူၣ်ခုသးခုဝဲလၢယတၢ်နးတၢ်ဖှီၣ်အဃိန့ၣ်, မ်ကဘၣ်တၢ်မၤမဲာ်ဆှးဒီးတၢ်မၤနၢၤကွံာ်အီၤ လၢာ်လၢာ်ဆ့ဆ့န့ၣ်တက့ၢ်. ပှၤလၢအပာ်ဒိၣ်အသးထီဒါယၤတဖၣ်န့ၣ်, မ်အဘၣ်တၢ်ဒုးကူဒုးသိးအီၤလၢတၢ်မဲာ်ဆှးဒီး တၢ်မၤဟးဂီၤအလၤကပီၤန့ၣ်တက့ၢ်.

စံးထီၣ်ပတြၢၤ 35:7

အဂ့ၢ်ဒ်အံၤ, လၢတၢ်ဂ့ၢ်တအိၣ်ဘၣ်နီတမံၤအပူၤန့ၣ်အဝဲသ့ၣ်ပာ်လီၤခူသူၣ် ပျံၤသကွီၤလၢယဂီၢ်, ဒီးခူၣ်တၢ်ပူၤယိာ်လၢယဂီၢ်လီၤ.

စံးထီၣ်ပတြၢၤ 69:4

ပှၤလၢအသးဟ့ယၤကလီကလီတဖၣ်န့ၣ် အိၣ်ဝဲအါန့ၢ်ယခိၣ်သူအဘိတက့ၢ်လီၤ. ပှၤလၢကမၤဟးဂီၤယၤ, ပှၤလၢအထီဒါယၤ လၢတၢ်လီတၢ်ဝ့ၤအပူၤတဖၣ်န့ၣ် အိၣ်ဝဲအါမးန့ၣ်လီၤ. အဝဲသ့ၣ်မၢ ယဟ့ၣ်ကဒါက့ၤတၢ်လၢ ယတဟုၣ်န့ၢ်အီၤဘၣ်လီၤ.

လံာ်ယံးရမံယၤ 50:32

နပှၤကလုာ်လၢ အပာ်ထီၣ်ထီအသးန့ၣ် အခီၣ်ကဘၣ်တိၢ်ဒီး ကလီၤဃံၤဝဲလီၤ. ဒီးပှၤလၢကဝံၣ်ဆၢထၢၣ်က့ၤအီၤတအိၣ် နီတဂၤဘၣ်. ယကဒွဲၣ်အူထီၣ်နဝ့ၢ်တဖၣ်လၢ မ့ၣ်အူဒီး တၢ်အိၣ်ဝးတရံးနၤခဲလၢာ်ကဘၣ်တၢ်မၤဟးဂီၤအီၤန့ၣ်လီၤ.”

လံာ်ယိၤဟၣ် 15:25

ဘၣ်ဆၣ်ဒီး, တၢ်အံၤကဘၣ်မၤအသးဒ်သိးတၢ်လၢ အဘၣ်တၢ်ကွဲးဃာ်အီၤလၢအဝဲသ့ၣ်အတၢ်သိၣ်တၢ်သီ အပူၤကလၢထီၣ်ပှဲၤထီၣ်ဝဲအဂီၢ်လီၤ. တၢ်ကွဲးဃာ် အသးလၢအစံးဝဲ, ‘အဝဲသ့ၣ်သးဟ့ယၤလၢတၢ်အဂ့ၢ် အခၢးတအိၣ်နီတမံၤဘၣ်အပူၤန့ၣ်လီၤ’ (စံး ၆၉:၄).

၁ ပ့းတရူး 2:20

သုမ့ၢ်တူၢ်တၢ်ဒိတၢ်တီၢ်သုလၢသုကြၢးတူၢ်ဝဲမ့ၢ်လၢသုမၤ ကမၣ်တၢ်အဃိန့ၣ်, တၢ်ဘျုးမနုၤအိၣ်န့ၣ်လဲၣ်. ဘၣ်ဆၣ်ဒီးသုမ့ၢ်တူၢ်တၢ်နးတၢ်ဖှီၣ်လၢတၢ်သးစူၤအပူၤဖဲသု မၤတၢ်အဘၣ်အခါဒၣ်လဲာ်န့ၣ်, ကစၢ်ယွၤကဆိၣ်ဂ့ၤသုလၢ တၢ်အံၤအဃိလီၤ.

လံာ်စီၤၡမူၤအ့လးအခီၣ်ထံးတဘ့ၣ် 24:17

အန့ၣ်ဝံၤဒီးအဝဲစံးဘၣ်စီၤဒၤဝံး, “နတၢ်ဘၣ်ဒီးယတၢ်ကမၣ် လီၤ. နဂ့ၤလၢယဖီခိၣ်ဒိၣ်မး, ဖဲယမၤတ့ၢ်တၢ်ကမၣ်လၢနဖီခိၣ်ဒ်န့ၣ် အသိးအခါလီၤ.

လံာ်စီၤၡမူၤအ့လးအခီၣ်ထံးတဘ့ၣ် 26:18

ဒီးစံးဝဲဆူညါ, “တၢ်ဒိၣ်ဧၢ, ဘၣ်မနုၤလၢနလူၤဖီၣ်န့ၢ်ဒံးယၤ, နခ့နပှၤယၤအံၤအဖၢမုၢ်လဲၣ်. ယမၤတ့ၢ်တၢ်မနုၤလဲၣ်. တၢ်ကမၣ်ထီဒါတၢ်သိၣ်တၢ်သီန့ၣ်ယမၤကမၣ်မနုၤတမံၤလဲၣ်.