စံးထီၣ်ပတြၢၤ 119:77 - Sgaw Karen Common Bible

⁷⁷ မ်နတၢ်သူၣ်ကညီၤသးကညီၤလီၤဘၣ်ယၤ, ဒ်သိးယကမူတက့ၢ်. အဂ့ၢ်ဒ်အံၤ, နတၢ်သိၣ်တၢ်သီ မ့ၢ်ယတၢ်မုာ်လၤလီၤ.

စံးထီၣ်ပတြၢၤ 119:77 Iomraidhean Croise

စံးထီၣ်ပတြၢၤ 1:2

မုာ်လၤဝဲလၢတၢ်ဒိကနၣ်ယွၤအတၢ်သိၣ်တၢ်သီအပူၤ, ဒီးဆိကမိၣ်ဝဲယွၤအတၢ်သိၣ်တၢ်သီ, မုၢ်ဆါဆဲးလၢမုၢ်နၤန့ၣ်လီၤ.

စံးထီၣ်ပတြၢၤ 119:16

ယကမုာ်လၤသးခုလၢနတၢ်မၤလိာ်တဖၣ်အပူၤလီၤ. ယတသးပ့ၤနီၣ်ဘၣ်နကလုၢ်ကထါဘၣ်.

စံးထီၣ်ပတြၢၤ 119:17

မၤဂ့ၤနခ့နပှၤ, ဒ်သိးယကမူ ဒီးတိၢ်န့ၢ်ဖံးဃာ်နတၢ်သိၣ်လိသီလိ တဖၣ်န့ၣ်တက့ၢ်.

စံးထီၣ်ပတြၢၤ 119:174

ယွၤဧၢ, ယဆၢန့ၢ်ဘၣ်နတၢ်အုၣ်က့ၤခီၣ်က့ၤ ဒီးနတၢ်သိၣ်တၢ်သီန့ၣ်မ့ၢ်ယတၢ်သူၣ်ဖှံသးညီလီၤ.

စံးထီၣ်ပတြၢၤ 119:24

နတၢ်သိၣ်လီၤသီလီၤတဖၣ် ဟ့ၣ်ယၤတၢ်သူၣ်မံသးမုာ်လီၤ. မ့ၢ်တၢ်ဟ့ၣ်ကူၣ်ဟ့ၣ်ဖးယၤလီၤ.

စံးထီၣ်ပတြၢၤ 119:41

ယွၤဧၢ, ဒုးနဲၣ်လၢ်ယၤလၢနအဲၣ်ယၤထဲလဲၣ်န့ၣ်တက့ၢ်. ဒီးအုၣ်က့ၤခီၣ်က့ၤယၤဒ် နတၢ်အၢၣ်လီၤအသိးန့ၣ်တက့ၢ်.

စံးထီၣ်ပတြၢၤ 119:47

အဂ့ၢ်ဒ်အံၤ, ယထံၣ်န့ၢ်ယတၢ်မုာ်တၢ်လၤလၢ နတၢ်မၤလိာ်တဖၣ် လၢယအဲၣ်ဘၣ်အီၤအပူၤန့ၣ်လီၤ.

လံာ်ဒၤနံးယ့လး 9:18

အိကစၢ်ယွၤဧၢ, ဒိကနၣ်လၢ်ပှၤတက့ၢ်. ကွၢ်လီၤပှၤဒီးထံၣ်လီၤ ပတၢ်ကိၢ်တၢ်ဂီၤလၢအအိၣ်လၢပပူၤဒီးဝ့ၢ်တဝ့ၢ်လၢအအိၣ်ဒီး နမံၤအတၢ်ဘၣ်နးဘၣ်ဖှီၣ်န့ၣ်တက့ၢ်. ပဘါထုကဖၣ်တၢ်ဆူနအိၣ်န့ၣ်မ့ၢ် လၢနလၢပှဲၤဒီးတၢ်သးကညီၤအဃိလီၤ. တမ့ၢ်ဘၣ်လၢပမၤ တ့ၢ်တၢ်လိၤတၢ်ဘၣ်အဃိဘၣ်.