စံးထီၣ်ပတြၢၤ 119:74 - Sgaw Karen Common Bible

⁷⁴ ပှၤလၢအပျံၤနၤန့ၣ်ကထံၣ်ယၤဒီးအသးကခုလီၤ. အဂ့ၢ်ဒ်အံၤ, ယမုၢ်လၢ်တၢ်လၢ နကလုၢ်ကထါအပူၤလီၤ.

စံးထီၣ်ပတြၢၤ 119:74 Iomraidhean Croise

စံးထီၣ်ပတြၢၤ 108:7

ကစၢ်ယွၤအၢၣ်လီၤတ့ၢ်လံတၢ်လၢအတၢ်လီၢ်စီဆှံ အပူၤစံးဝဲ, လၢတၢ်မၤနၢၤအပူၤယကနီၤဖးၡက့ၣ်, ဒီးဟ့ၣ်လီၤစူးကိၤသးအတၢ်ပၢၤခိၣ် ဆူယပှၤဂီၢ်မုၢ်လီၤ.

စံးထီၣ်ပတြၢၤ 119:147

တချုးမုၢ်ဟဲထီၣ်ဒံးဘၣ်ဒီးယကိးထီၣ်နၤလၢ တၢ်မၤစၢၤအဂီၢ်လီၤ. ယမုၢ်လၢ်တၢ်လၢနကလုၢ်ကထါအပူၤန့ၣ်လီၤ.

စံးထီၣ်ပတြၢၤ 119:42

ဒီးယကအိၣ်ဒီးတၢ်စံးဆၢလၢ ပှၤလၢအဒုၣ်ဒွဲၣ်ယၤအဂီၢ်န့ၣ်လီၤ. အဂ့ၢ်ဒ်အံၤ, ယသန့ၤယသးလၢနကလုၢ်နကထါအပူၤလီၤ.

စံးထီၣ်ပတြၢၤ 119:43

ဒုးစံးဒုးကတိၤယၤတၢ်တီတၢ်လိၤ ကိးဆၢကတီၢ်ဒဲးန့ၣ်တက့ၢ်. အဂ့ၢ်ဒ်အံၤ, ယတၢ်မုၢ်လၢ်အိၣ်လၢ နတၢ်စံၣ်ညီၣ်တဖၣ်အပူၤန့ၣ်လီၤ.

စံးထီၣ်ပတြၢၤ 119:79

မ်ပှၤလၢအပျံၤနၤတဖၣ် ဒီးပှၤလၢအသ့ၣ်ညါနတၢ်မၤ လိာ်တဖၣ်ဃၣ်အသးဆူယအိၣ်တက့ၢ်.

စံးထီၣ်ပတြၢၤ 66:16

ပှၤလၢအပျံၤကစၢ်ယွၤခဲလၢာ်သ့ၣ်ဧၢ, ဟဲကနၣ်တက့ၢ်. ဒီးယကတဲတၢ်လၢအမၤတ့ၢ်ဝဲလၢယဂီၢ်န့ၣ်လီၤ.

လံာ်မၤလကံ 3:16

တုၤနုၤတစု, ပှၤလၢအပျံၤယွၤန့ၣ်စံးလိာ်အသးတဂၤဒီးတဂၤ, ဒီးယွၤဒိကနၣ်, ဒီးနၢ်ဟူတၢ်လၢအဝဲသ့ၣ်စံးဝဲဒၣ်န့ၣ်လီၤ. လၢအဝဲအမဲာ်ညါန့ၣ်, တၢ်ကွဲးနီၣ်အိၣ်ကွဲးလီၤအသးလၢလံာ်တဘ့ၣ် အပူၤဘၣ်ထွဲဒီးပှၤလၢအပျံၤယွၤဒီးယူးယီၣ်ပာ်ကဲအီၤန့ၣ်လီၤ.

လံာ်လူၤကၣ် 21:33

မူခိၣ်ဒီးဟီၣ်ခိၣ်ကလဲၤပူၤကွံာ်ဝဲလီၤ. ဘၣ်ဆၣ်ဒီး, ယကလုၢ်ကထါတဖၣ်တလဲၤပူၤကွံာ်ဝဲနီတစုဘၣ်.