စံးထီၣ်ပတြၢၤ 119:58 - Sgaw Karen Common Bible

⁵⁸ ယဃ့ကညးနၤလၢယသးဒီဖျၢၣ်ညါ, လၢနကသူၣ်ကညီၤသးကညီၤလၢ်ယၤ ဒ်နတၢ်အၢၣ်လီၤအသိးန့ၣ်တက့ၢ်.

စံးထီၣ်ပတြၢၤ 119:58 Iomraidhean Croise

လံာ်စီၤပၤအခီၣ်ထံးတဘ့ၣ် 13:6

စီၤပၤရၤယၤဘၣ်စံးဘၣ်ဝဲ, “ဝံသးစူၤဘါထုကဖၣ်န့ၢ်တၢ်လၢ ယဂီၢ်ဆူယွၤ, နကစၢ်ယွၤအအိၣ်ဒီးဃ့လၢအဝဲကမၤဘျါက့ၤယစုန့ၣ်တက့ၢ်.” ဝံဃ့ဘါထုကဖၣ်တၢ်ဆူယွၤအအိၣ်ဒီးစီၤပၤအစုဘျါက့ၤဝဲဒၣ် န့ၣ်လီၤ.

လံာ်စီၤယိၤဘး 11:19

နတပျံၤဘၣ်နဒုၣ်နဒါတဖၣ်လၢၤဘၣ်. ပှၤအါဂၤကဃ့နၤလၢတၢ်မၤ စၢၤန့ၣ်လီၤ.

စံးထီၣ်ပတြၢၤ 119:10

ယဃုနၤလၢယသးဒီဖျၢၣ်ညါလီၤ. မ်ယသုတဟးဖျိးကွံာ်လၢနတၢ်မၤလိာ်တဖၣ်န့ၣ်တဂ့ၤ.

စံးထီၣ်ပတြၢၤ 119:145

ယွၤဧၢ, ယဃ့ကညးတၢ်လၢယသးဒီဖျၢၣ်ညါလီၤ. စံးဆၢလၢ်ယၤတက့ၢ်. ယကတိၢ်န့ၢ်နတၢ်မၤလိာ်တဖၣ်လီၤ.

စံးထီၣ်ပတြၢၤ 119:170

မ်ယတၢ်ထုကဖၣ်ဟဲထီၣ်ဆူနအိၣ်တက့ၢ်. ဒီးမၤပူၤဖျဲးယၤဒ်နကလုၢ်ကထါအသိးန့ၣ်တက့ၢ်.

စံးထီၣ်ပတြၢၤ 119:41

ယွၤဧၢ, ဒုးနဲၣ်လၢ်ယၤလၢနအဲၣ်ယၤထဲလဲၣ်န့ၣ်တက့ၢ်. ဒီးအုၣ်က့ၤခီၣ်က့ၤယၤဒ် နတၢ်အၢၣ်လီၤအသိးန့ၣ်တက့ၢ်.

စံးထီၣ်ပတြၢၤ 119:65

ယွၤဧၢ, ဒ်နကလုၢ်နကထါအသိးန့ၣ်, နမၤဂ့ၤတ့ၢ်လံနခ့နပှၤလံန့ၣ်လီၤ.

စံးထီၣ်ပတြၢၤ 119:76

မ်နတၢ်အဲၣ်ဂၢၢ်ကျၢၤမၤမုာ်ထီၣ်က့ၤယၤ ဒ်နအၢၣ်လီၤနခ့နပှၤအသိးန့ၣ်တက့ၢ်.

စံးထီၣ်ပတြၢၤ 138:2

ယဃၣ်ဃီၤယမဲာ်နတၢ်လုၢ်ဟံၣ်စီဆှံအအိၣ်, ဆုးလီၤယခိၣ် ဒီးစံးထီၣ်ပတြၢၤနမံၤ လၢနတၢ်အဲၣ်ဂၢၢ်ကျၢၤ ဒီးနတၢ်မ့ၢ်တၢ်တီအဃိန့ၣ်လီၤ. အဂ့ၢ်ဒ်အံၤ, နပာ်ထီၣ်ထီနမံၤဒီး နကလုၢ်ကထါ လၢတၢ်ခဲလၢာ်အဖီခိၣ်န့ၣ်လီၤ.

စံးထီၣ်ပတြၢၤ 27:8

တုၤနစံး, “ဃုယမဲာ်တက့ၢ်.” န့ၣ်ဒီး, ယစံးဆၢယဲ, “ယွၤဧၢ, နမဲာ်န့ၣ်ယဃုယဲလီၤ.”

စံးထီၣ်ပတြၢၤ 4:6

ပှၤအိၣ်ဝဲအါဂၤလၢအစံး, “အိ, မ့ၢ်မတၤကဒုးထံၣ်ပှၤ လၢတၢ်အဂ့ၤန့ၣ်လဲၣ်. ယွၤဧၢ, ကွၢ်လီၤပှၤလၢ တၢ်သူၣ်ကညီၤသးကညီၤအပူၤတက့ၢ်.”

စံးထီၣ်ပတြၢၤ 56:10

ယွၤတဂၤလၢယစံးထီၣ်တြၢၤ အတၢ်အၢၣ်လီၤအီလီၤတဖၣ်န့ၣ်လီၤ.

စံးထီၣ်ပတြၢၤ 56:4

ယသန့ၤယသးလၢကစၢ်ယွၤအပူၤ ယတအိၣ်ဘၣ်ဒီးတၢ်ပျံၤဘၣ်န့ၣ်လီၤ. ယစံးထီၣ်ပတြၢၤအီၤလၢ အတၢ်အၢၣ်လီၤအီလီၤအဃိ, ပှၤကညီမၤယၤကသ့ဒ်လဲၣ်.

လံာ်ဟိၤၡ့ 7:14

အဝဲသ့ၣ်တဃ့ဘါထုကဖၣ်ဆူယအိၣ်နီၢ်နီၢ်လၢတၢ်သးတီအပူၤဘၣ်. မ့မ့ၢ်လၢတၢ်န့ၣ်အလီၢ်, အဝဲသ့ၣ်ကွံာ်လီၤအသးဒီးဟီၣ်တၢ်ယၢၤတၢ်ဒ်ပှၤဘါတၢ်ဂီၤတဖၣ် မၤဝဲအသိးန့ၣ်လီၤ. ဖဲအဝဲသ့ၣ်ဘါထုကဖၣ်တၢ်လၢဘုခ့ဒီးစပံးထံ အဂီၢ်န့ၣ်, အဝဲသ့ၣ်ဂဲာ်လီၤကူးလီၤအသးဒ်ပှၤဘါတၢ်ဂီၤတၢ်ဖီၣ်တဖၣ် အသိးန့ၣ်လီၤ. အဝဲသ့ၣ်တဖၣ်မ့ၢ်ပှၤပူထီၣ်တၢ်တဖၣ်လီၤ.

လံာ်မးသဲ 24:35

မူခိၣ်ဒီးဟီၣ်ခိၣ်ကလဲၤပူၤကွံာ်ဝဲ, မ့မ့ၢ်ယကလုၢ်ယကထါတဖၣ်တလဲၤပူၤကွံာ်နီတဘျီဘၣ်.

ဧ့ၤဘြံၤ 10:22

မ်ပသုးဘူးပသးဆူကစၢ်ယွၤအအိၣ်လၢသးလၢအမ့ၢ်အတီ အပူၤအိၣ်ဒီးတၢ်နာ်အဂၢၢ်အကျၢၤ, သးလၢအဘၣ်တၢ်မၤ ကဆှီထီၣ်အီၤလၢတၢ်ပာ်ဒ့ၣ်ပာ်ကမၢ်လီၤက့ၤအသး, ဒီးနီၢ်ခိလၢအဘၣ်တၢ်သ့စီအီၤလၢထံအဆှံန့ၣ်တက့ၢ်.