စံးထီၣ်ပတြၢၤ 119:34 - Sgaw Karen Common Bible

³⁴ ဟ့ၣ်လၢ်ယၤတၢ်နၢ်ပၢၢ်ဒ်သိး ယကတိၢ်န့ၢ်ဟံးဃာ်နတၢ်သိၣ်တၢ်သီ ဒီးမၤထွဲအီၤလၢယသးဒီဖျၢၣ်ညါန့ၣ်တက့ၢ်.

စံးထီၣ်ပတြၢၤ 119:34 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 22:12

ဒီးမ်ယွၤ, နကစၢ်ယွၤဟ့ၣ်နၤသးအတၢ်ထံၣ်ဒီးတၢ်ကူၣ်သ့ ဒ်သိးနကပၢကီၢ်အံၣ်စရ့လးဒ်အဝဲအတၢ်သိၣ်တၢ်သီလၢအဟ့ၣ်လီၤပှၤ ယူဒၤဖိအသိးန့ၣ်တက့ၢ်.

လံာ်စီၤယိၤဘး 28:28

ဒီးကစၢ်ယွၤစံးဘၣ်ပှၤကညီ, ကွၢ်ကွၢ်တၢ်ပျံၤယွၤန့ၣ်မ့ၢ်တၢ် ကူၣ်သ့ဒီးတၢ်ဟးဆှဲးကွံာ်လၢတၢ်အၢန့ၣ်မ့ၢ်တၢ်သ့ၣ်ညါနၢ်ပၢၢ် န့ၣ်လီၤ.

စံးထီၣ်ပတြၢၤ 111:10

တၢ်ကူၣ်သ့အခီၣ်ထံးန့ၣ် မ့ၢ်တၢ်ပျံၤယွၤလီၤ. ကယဲၢ်ပှၤလၢအတိၢ်န့ၢ်ဝဲခဲလၢာ်န့ၣ် အိၣ်ဒီးအသးလၢအနၢ်ပၢၢ်တၢ်ဂ့ၤဂ့ၤလီၤ. အတၢ်စံးထီၣ်ပတြၢၤန့ၣ် အိၣ်ဂၢၢ်ဆိးကျၢၤ လီၤစိၤလီၤထီလီၤ.

စံးထီၣ်ပတြၢၤ 119:10

ယဃုနၤလၢယသးဒီဖျၢၣ်ညါလီၤ. မ်ယသုတဟးဖျိးကွံာ်လၢနတၢ်မၤလိာ်တဖၣ်န့ၣ်တဂ့ၤ.

စံးထီၣ်ပတြၢၤ 119:100

ယနၢ်ပၢၢ်တၢ်အါန့ၢ်ပှၤလၢအသးပှၢ်တက့ၢ်လီၤ. အဂ့ၢ်ဒ်အံၤ, ယတိၢ်န့ၢ်ဖံးဃာ် နတၢ်မၤလိာ်တဖၣ်လီၤ.

စံးထီၣ်ပတြၢၤ 119:104

ယဒိးန့ၢ်တၢ်ကူၣ်သ့ခီဖျိ နတၢ်သိၣ်တၢ်သီတဖၣ်န့ၣ်လီၤ. မၤသးဒ်န့ၣ်ဒီးယသးဟ့တၢ်ကတိၤ ကဘျံးကဘျၣ်အကျဲခဲလၢာ်န့ၣ်လီၤ.

စံးထီၣ်ပတြၢၤ 119:125

ယဲဒၣ်အံၤယမ့ၢ်နခ့နပှၤလီၤ. ဒုးနၢ်ပၢၢ်ယၤဒ်သိးယကသ့ၣ်ညါ နတၢ်အုၣ်နသးတဖၣ်န့ၣ်တက့ၢ်.

စံးထီၣ်ပတြၢၤ 119:130

တၢ်ဒုးနဲၣ်ဖျါထီၣ်နကလုၢ်နကထါန့ၣ် ဟ့ၣ်ထီၣ်တၢ်ကပီၤ, ဒီးဒုးနၢ်ပၢၢ်ပှၤလၢအတမၤလိဘၣ်တၢ်ဘၣ်လီၤ.

စံးထီၣ်ပတြၢၤ 119:144

နတၢ်အုၣ်နသးတဖၣ်န့ၣ် မ့ၢ်တၢ်တီတၢ်လိၤထီဘိလီၤ. ဒုးနၢ်ပၢၢ်ယၤတက့ၢ်, ဒီးယကမူလီၤ.

စံးထီၣ်ပတြၢၤ 119:169

ယွၤဧၢ, မ်ယတၢ်ကိးထီၣ်လၢတၢ်မၤစၢၤအဂီၢ် ဟဲထီၣ်ဆူနအိၣ်တက့ၢ်. ဒုးနၢ်ပၢၢ်လၢ်ယၤဒ်နကလုၢ်ကထါအသိးန့ၣ်တက့ၢ်.

စံးထီၣ်ပတြၢၤ 119:2

ပှၤလၢအတိၢ်န့ၢ်ဖံးဃာ်အတၢ်အုၣ်အသး ဒီးဃုယွၤလၢအသးဒီဖျၢၣ်ညါန့ၣ်, ဘၣ်ဆိၣ်ဂ့ၤဝဲလီၤ.

စံးထီၣ်ပတြၢၤ 119:58

ယဃ့ကညးနၤလၢယသးဒီဖျၢၣ်ညါ, လၢနကသူၣ်ကညီၤသးကညီၤလၢ်ယၤ ဒ်နတၢ်အၢၣ်လီၤအသိးန့ၣ်တက့ၢ်.

စံးထီၣ်ပတြၢၤ 119:66

ဟ့ၣ်လီၤယၤလၢတၢ်ကူၣ်သ့အဂ့ၤ, ဒီးတၢ်သ့ၣ်ညါန့ၣ်တက့ၢ်. အဂ့ၢ်ဒ်အံၤ, ယသန့ၤယသးလၢ နတၢ်မၤလိာ်တဖၣ်န့ၣ်လီၤ.

စံးထီၣ်ပတြၢၤ 119:69

ပှၤပာ်အသးထီၣ်ထီတဖၣ်န့ၣ်, ကူၣ်ထီၣ်ဖးလီၤတၢ်ကတိၤကဘျံးကဘျၣ် ထီဒါယၤလီၤ. ဘၣ်ဆၣ် ယစူၢ်နတၢ်သိၣ်တၢ် သီတဖၣ်လၢယသးဒီဖျၢၣ်ညါလီၤ.

စံးထီၣ်ပတြၢၤ 119:73

နတ့လီၤပာ်လီၤယၤဒီး ပၢၤဃာ်ယၤပူၤပူၤဖျဲးဖျဲးလီၤ. ဟ့ၣ်ယၤတၢ်နၢ်ပၢၢ်ဒ်သိး ယကမၤလိနတၢ်မၤလိာ်တဖၣ်န့ၣ်တက့ၢ်.

စံးထီၣ်ပတြၢၤ 39:2

ယအိၣ်တအုၣ်, ယတကတိၤတၢ်နီတဘီဘၣ်. ယအိၣ်ဘှီၣ်ကလာ်ဘၣ်ဆၣ်အဘျုးတအိၣ်ဘၣ်. ယတၢ်နးတၢ်ဖှီၣ်ဒိၣ်ထီၣ်အါထီၣ်တခီန့ၣ်လီၤ.

လံာ်မးသဲ 5:19

လၢတၢ်န့ၣ်အဃိ, ပှၤတဂၤလၢ်လၢ်လၢအလုၣ်သ့ၣ်ခါပတာ်တၢ်မၤလိာ်အဆံးကတၢၢ်တဘီဒၣ် လဲာ်ဒီးသိၣ်လိပှၤဂၤဒ်သိးပှၤသုတပာ်ကဲတၢ်သိၣ်တၢ်သီတဂ့ၤန့ၣ်, ကမ့ၢ်မးပှၤအဆံးကတၢၢ်တဂၤလၢမူခိၣ်ဘီမုၢ်အပူၤလီၤ. ဘၣ်ဆၣ်ဒီးပှၤလၢအအိၣ်မူဒ်တၢ်သိၣ်တၢ်သီအသိးဒီးသိၣ်လိပှၤ ဂၤလၢကပာ်ကဲတၢ်သိၣ်တၢ်သီန့ၣ်, ကမ့ၢ်ပှၤလၢအဒိၣ်လၢမူခိၣ်ဘီမုၢ်အပူၤလီၤ.

လံာ်မးသဲ 7:24

လၢတၢ်န့ၣ်အဃိ, ပှၤတဂၤလၢ်လၢ်လၢအနၢ်ဟူ ယတၢ်ကတိၤတဖၣ်အံၤဒီးစူၢ်ဝဲန့ၣ်, လီၤဂာ်ဒ်ပှၤကူၣ်ဘၣ်ကူၣ်သ့လၢ အဘှီထီၣ်အဟံၣ်လၢလၢၢ်အလိၤအသိးန့ၣ်လီၤ.

လံာ်ယိၤဟၣ် 7:17

ပှၤတဂၤဂ့ၤတဂၤဂ့ၤအသးမ့ၢ်အိၣ်လၢကမၤဘၣ်ကစၢ်ယွၤ အတၢ်ဘၣ်အသးဒီး, အဝဲကသ့ၣ်ညါဝဲလၢယတၢ်သိၣ်လိသီလိအံၤဟဲလၢ ကစၢ်ယွၤအအိၣ်ဧါ, မ့တမ့ၢ်ဒီးလၢယကတိၤဒၣ်တၢ်လၢယစိကမီၤဒၣ်ယဲလဲၣ်န့ၣ်လီၤ.

လံာ်သိၣ်လီၤသီလီၤတၢ် 4:6

စူၢ်အီၤလၢတၢ်သူၣ်တီသးရၤအပူၤ, ဒီးတၢ်အံၤကဒုးနဲၣ်ပှၤ ကလုာ်ဂၤအပှၤဂီၢ်မုၢ်တဖၣ်လၢသုကူၣ်တၢ်သ့ဆံးအါလဲၣ်န့ၣ်လီၤ. ဖဲအဝဲသ့ၣ်နၢ်ဟူဘၣ်ကယဲၢ်တၢ်ဘူၣ်တၢ်ဘါအတၢ်သိၣ်တၢ်သီ တဖၣ်အံၤအဂ့ၢ်န့ၣ်အဝဲသ့ၣ်ကစံးဝဲ, (တၢ်ကူၣ်သ့ဒီးတၢ်သ့ၣ်ညါ နၢ်ပၢၢ်လၢအအိၣ်ဒီးပှၤကလုာ်ဖးဒိၣ်တကလုာ်အံၤ, မ့ၢ်တၢ်လၢအဒိၣ်နီၢ်မးလဲၣ်.)

ယၤကိာ် 1:25

ဘၣ်ဆၣ်ဒီးပှၤတဂၤဂ့ၤတဂၤဂ့ၤလၢအကွၢ်ထံတၢ်သိၣ်တၢ်သီ အလၢအပှဲၤလၢအမၤထူၣ်ဖျဲးပှၤကညီ, လၢအကွၢ်ထံမၤလိဝဲ တထံၣ်ဃီ, ဒီးတမ့ၢ်ထဲအဒိကနၣ်ဝဲဒီးသးပ့ၤနီၣ်ကွံာ်အီၤန့ၣ်ဘၣ်, မ့မ့ၢ်အိၣ်မူမၤထွဲဝဲန့ၣ်, ကစၢ်ယွၤကဆိၣ်ဂ့ၤအီၤလၢအတၢ်ဖံး တၢ်မၤအပူၤန့ၣ်လီၤ.

ယၤကိာ် 1:5

ဘၣ်ဆၣ်ဒီး, “သုဝဲသ့ၣ်အကျါတဂၤဂၤမ့ၢ်လိၣ်ဘၣ်တၢ်ကူၣ် သ့န့ၣ်, အဝဲကြၢးဃ့ထုကဖၣ်ကစၢ်ယွၤဒီးကဟ့ၣ်လီၤအီၤ န့ၣ်လီၤ. အဂ့ၢ်မ့ၢ်လၢကစၢ်ယွၤဟ့ၣ်တၢ်ညီဒီးဟ့ၣ်တၢ်လၢတၢ်သူၣ် ကညီၤသးကညီၤလၢပှၤခဲလၢာ်အဂီၢ်အဃိန့ၣ်လီၤ.

ယၤကိာ် 4:11

ယဒီပုၢ်ဝဲၢ်သ့ၣ်ဧၢ, တဘၣ်ကတိၤအၢကတိၤသီလိာ်သုသး တဂၤဒီးတဂၤတဂ့ၤ. ပှၤတဂၤဂ့ၤတဂၤဂ့ၤလၢအကတိၤအၢ ကတိၤသီ, မ့တမ့ၢ်စံၣ်ညီၣ်အဒီပုၢ်ဝဲၢ်ပှၤခရံာ်ဖိန့ၣ်, မ့ၢ်အကတိၤအၢ ကတိၤသီဒီးစံၣ်ညီၣ်တၢ်သိၣ်တၢ်သီန့ၣ်လီၤ. သုမ့ၢ်စံၣ်ညီၣ် တၢ်သိၣ်တၢ်သီဒီး, သုတမ့ၢ်လၢၤပှၤလၢ အစူၢ်တၢ်သိၣ်တၢ်သီဘၣ်, မ့မ့ၢ်သုမ့ၢ်ပှၤလၢအစံၣ်ညီၣ် အီၤန့ၣ်လီၤ.