စံးထီၣ်ပတြၢၤ 119:32 - Sgaw Karen Common Bible

³² တုၤနဟ့ၣ်အါထီၣ်ယၤယတၢ်သ့ၣ်ညါနၢ်ပၢၢ်တၢ်န့ၣ်ဒီး ယကစူၢ်နတၢ်မၤလိာ်တဖၣ်လၢ တၢ်သးဆူၣ်အပူၤလီၤ.

စံးထီၣ်ပတြၢၤ 119:32 Iomraidhean Croise

လံာ်တၢ်ကဲထီၣ်အခီၣ်ထံး 26:22

ဒီးစီၤအံၤစဲးသုးယံၤကွံာ်အသးဖဲန့ၣ်ဒီးခူၣ်ထံပူၤအဂၤ တပူၤန့ၣ်လီၤ. ဒီးတၢ်ဂ့ၢ်လိာ်ဘီလိာ်တအိၣ်ဘၣ်လၢထံပူၤအံၤအဂ့ၢ်ဘၣ်လီၤ. ဒီးကိးဝဲထံပူၤအံၤအမံၤလၢ, “ရဃိဘိး” အခီပညီ, “တၢ်သဘျ့” န့ၣ်လီၤ. ဒီးစီၤအံၤစဲးစံးဝဲ, “ခဲကနံၣ်အံၤ, ယွၤဟ့ၣ်လံပှၤတၢ်သဘျ့လၢပကအိၣ်ကဆိးလၢကီၢ်အံၤအပူၤဒီး ပကဘီၣ်ထီၣ်ညီထီၣ်ဖဲအံၤန့ၣ်လီၤ.”

လံာ်စီၤပၤအခီၣ်ထံးတဘ့ၣ် 4:29

ကစၢ်ယွၤဟ့ၣ်လီၤစီၤၡလိၤမိၤလၢတၢ်ကူၣ်သ့ဒီးတၢ်နၢ်ပၢၢ်လီၤ တံၢ်လီၤဆဲးလၢပှၤတညီနုၢ်မၤန့ၢ်ဘၣ်, ဒီးတၢ်သ့ၣ်ညါလၢအဒိၣ်တုၤတၢ်ထိၣ်အီၤတဲာ်အီၤတသ့ဘၣ်န့ၣ်လီၤ.

စံးထီၣ်ပတြၢၤ 119:45

ဒီးယကလဲၤတၢ်လၢတၢ်သဘျ့အလၢအပှဲၤအပူၤလီၤ. အဂ့ၢ်ဒ်အံၤ, ယဃုတ့ၢ်လံ နတၢ်သိၣ်တၢ်သီတဖၣ်န့ၣ်လံ.

စံးထီၣ်ပတြၢၤ 18:36

နမၤလဲၢ်ထီၣ်ယခီၣ်ထွဲတၢ်အလီၢ်, ဒီးယခီၣ်တလီၤတလံာ်နီတဘျီဘၣ်.

လံာ်တၢ်သးဝံၣ်တဖၣ်အတၢ်သးဝံၣ် 1:4

ကိးဃုာ်ယၤတက့ၢ်, ဒီးပကဃ့ၢ်ပိာ်လိာ်ပခံလီၤ. မ်နကဲထီၣ်ယစီၤပၤ, ဒီးကိးနုာ်ယၤဆူနဒၢးပူၤတက့ၢ်. ပကမုာ်လၤသးခုဒီးမၤလၢာ်ပဆၢကတီၢ်လၢတၢ်အဲၣ်ယိာ်အပူၤ အါန့ၢ်ဒံးလၢစပံးထံအပူၤတက့ၢ်လီၤ. ပှၤပိာ်မုၣ်ခဲလၢာ်အဲၣ်နၤန့ၣ်တလီၤကမၢကမၣ်ဘၣ်.

လံာ်ယၡါယၤ 40:31

မ့မ့ၢ်ပှၤလၢအနာ်ယွၤ, လၢတၢ်မၤစၢၤအဂီၢ်တဖၣ်န့ၣ်ကထံၣ်ဝဲလၢ အတၢ်ဂံၢ်တၢ်ဘါဘၣ်တၢ်မၤသီထီၣ်က့ၤအီၤန့ၣ်လီၤ. ကယူာ်ထီၣ်အဒံးဆ့တဖၣ်ဒ်လံာ်ဧိၤတြၤဧိၤအသိးလီၤ. ကဃ့ၢ်ဝဲဒီးအသးတလီၤစၢ်လီၤဘှါဘၣ်. အဝဲသ့ၣ်ကလဲၤတၢ်ဒီးအဂံၢ်အဘါတလီၤစၢ်ဝဲဘၣ်.

လံာ်ယၡါယၤ 60:5

နကထံၣ်ဘၣ်တၢ်အံၤဒီးနသးပူၤကပှဲၤဒီးတၢ်သးခု, နကကနိးကစုာ်လၢတၢ်သူၣ်ဟူးသးဂဲၤအပူၤလီၤ. ပှၤကလုာ်တဖၣ်အတၢ်ထူးတၢ်တီၤ ကဘၣ်တၢ်ဟဲစိာ်အီၤဆူနအိၣ်, အတၢ်ထူးတၢ်တီၤတဖၣ်ကဟဲခီဂာ်ပီၣ်လဲၣ်န့ၣ်လီၤ.

လံာ်ယၡါယၤ 61:1

ယွၤပၢဘၣ်တၢ်ခဲလၢာ်ကစၢ် မၤပှဲၤတ့ၢ်ယၤဒီးအသးဒၣ်ဝဲလီၤ. အဝဲဃုထၢတ့ၢ်ယၤဒီးမၢလီၤတ့ၢ်ယၤ ဒ်သိးယကစံၣ်တဲၤတဲလီၤတၢ်သးခုကစီၣ်လၢ ပှၤဖှီၣ်ဖိယာ်ဖိ, ဒ်သိးယကမၤဘျါက့ၤပှၤအသူၣ်ကၢ်သးလီၤ, ဒ်သိးယကဘိးဘၣ်သ့ၣ်ညါတၢ်ပျၢ်ဖျဲးလၢ ပှၤဘၣ်တၢ်မၢကဲကုၢ်အီၤတဖၣ်အဂီၢ် ဒီးတၢ်သဘျ့လၢပှၤအိၣ်လၢဃိာ်ပူၤတဖၣ်အဂီၢ်လီၤ.

လံာ်ယိၤဟၣ် 8:32

သုကသ့ၣ်ညါတၢ်မ့ၢ်တၢ်တီ, ဒီးတၢ်မ့ၢ်တၢ်တီန့ၣ်ကမၤထူၣ်ဖျဲးသုလီၤ.”

လံာ်ယိၤဟၣ် 8:36

ဖိခွါမ့ၢ်မၤထူၣ်ဖျဲးသုဒီးသုကထူၣ်ဖျဲးနီၢ်နီၢ်လီၤ.

၂ ကရံၣ်သူး 3:17

ခဲကနံၣ်အံၤ, “ကစၢ်” လၢတၢ်ကွဲးတတီၤအံၤအပူၤန့ၣ်မ့ၢ်ဝဲယွၤ အသးစီဆှံလီၤ. ဒီးဖဲယွၤအသးစီဆှံအိၣ်ဝဲအလီၢ်န့ၣ်တၢ်သဘျ့ အိၣ်ဝဲလီၤ.

၂ ကရံၣ်သူး 6:11

တံၤသကိးသးဘိလၢဝ့ၢ်ကရံၣ်သူးသ့ၣ်ဧၢ, ပကတိၤတၢ်လိၤလိၤဘျၢဘျၢဒီးသုလီၤ. ပအိးထီၣ်လံ ပသးလဲၢ်လဲၢ်လံ.

ဧ့ၤဘြံၤ 12:1

မၤသးဒ်န့ၣ်ဒီး, ပအိၣ်ဒီးပှၤအုၣ်အသးအါမးဝးတရံးပှၤသတးဒီး မ်ပပာ်လီၤကွံာ်ကယဲၢ်တၢ်အဃၢတမံၤလၢ်လၢ်ဒီးတၢ်ဒဲးဘးလၢ အအိၣ်စဲဘူးဒီးပှၤ, ဝံၤတၢ်ဃ့ၢ်လၢအအိၣ်လၢပမဲာ်ညါန့ၣ်, မ်ပဃ့ၢ်သကိးလၢတၢ်သးစူၤအပူၤန့ၣ်တက့ၢ်.

၁ ပ့းတရူး 2:16

အိၣ်မူဒ်ပှၤလၢအသဘျ့တဖၣ်အသိးတက့ၢ်. ဘၣ်ဆၣ်ဒီး, တဘၣ်သူသုတၢ်သဘျ့လၢတၢ်ကးဘၢတၢ်အၢတၢ်သီတမံၤဂ့ၤ တမံၤဂ့ၤအဂီၢ်န့ၣ်တဂ့ၤ. အိၣ်မူဒ်ကစၢ်ယွၤအကုၢ်တဖၣ်အသိးန့ၣ်တက့ၢ်.