စံးထီၣ်ပတြၢၤ 119:31 - Sgaw Karen Common Bible

³¹ ယွၤဧၢ, ယအိၣ်စဲဘူးဒီးနတၢ်သိၣ်လိသီလိတဖၣ်လီၤ. မ်ယသုတဘၣ်တၢ်မဲာ်ဆှးတဂ့ၤ.

စံးထီၣ်ပတြၢၤ 119:31 Iomraidhean Croise

စံးထီၣ်ပတြၢၤ 119:115

ပှၤမၤတၢ်အၢသ့ၣ်တဖၣ်ဧၢ, ဟးဖးဒီးယၤ, ဒ်သိးယကတိၢ်န့ၢ်ဟံးဃာ် ယကစၢ်အတၢ်မၤလိာ်တဖၣ်န့ၣ်တက့ၢ်.

စံးထီၣ်ပတြၢၤ 119:48

ယပာ်ကဲနတၢ်မၤလိာ်တဖၣ်လၢယအဲၣ်ဘၣ်အီၤအဃိ, ဒီးယကဆိကမိၣ်ထီၣ် နတၢ်သိၣ်တၢ်သီတဖၣ်န့ၣ်လီၤ.

စံးထီၣ်ပတြၢၤ 119:6

တုၤယဟ့ၣ်လီၤယတၢ်ဆိကမိၣ်လၢ နတၢ်မၤလိာ်ခဲလၢာ်ဒီး, ယတဘၣ်တၢ်မၤမဲာ်ဆှးယၤဘၣ်.

စံးထီၣ်ပတြၢၤ 119:80

မ်ယသးလၢထီၣ်ပှဲၤထီၣ်လၢ တၢ်ဒိကနၣ်နတၢ်မၤလိာ်အပူၤဒ်သိး ယသုတဘၣ်တၢ်မဲာ်ဆှးတဂ့ၤအဂီၢ်န့ၣ်တက့ၢ်.

စံးထီၣ်ပတြၢၤ 25:2

ယကစၢ်ယွၤဧၢ, ယနာ်နၤလီၤ. မ်ယသုတဘၣ်တၢ်မၤမဲာ်ဆှးယၤတဂ့ၤ. မ်ယဒုၣ်ယဒါအသုတသးခုလၢယဖီခိၣ်တဂ့ၤ.

စံးထီၣ်ပတြၢၤ 25:20

ကဟုဘံၣ်ကယာ်ဘၢယၤဒီးမၤပူၤဖျဲးယၤ, ဒီးဒုးမၤနၢၤယၤလၢယဒုၣ်ယဒါတဖၣ်န့ၣ်တက့ၢ်. အဂ့ၢ်ဒ်အံၤ, ယသန့ၤယသးလၢနၤလီၤ.

တၢ်ကတိၤဒိ. 23:23

တၢ်မ့ၢ်တၢ်တီ, တၢ်ကူၣ်သ့, တၢ်မၤလိမၤဒိး, တၢ်သ့ၣ်ညါတၢ်ဂ့ၤ, တၢ်သ့ၣ်တဖၣ်အံၤကၢကီၣ်ဝဲလၢတၢ်ကဟ့ၣ် အပှ့ၤလၢတၢ်မၤန့ၢ်အီၤအဂီၢ်လီၤ. ဘၣ်ဆၣ်လုၢ်ဒိၣ်ပှ့ၤဒိၣ်ကဲၣ်ဆိးလၢနကဆါကွံာ်အီၤန့ၣ်လီၤ.

လံာ်ယၡါယၤ 45:17

မ့မ့ၢ်ကီၢ်အံၣ်စရ့လးဘၣ်တၢ်အုၣ်က့ၤခီၣ်က့ၤအီၤလၢယွၤ ဒီးအတၢ်မၤနၢၤအိၣ်လီၤထူလီၤယိာ်လီၤ. အပှၤဂီၢ်မုၢ်တဘၣ်တၢ်မၤမဲာ်ဆှးအီၤနီတစုဘၣ်.”

လံာ်ယၡါယၤ 49:23

စီၤပၤတဖၣ်ကလီၤဂာ်ဒီးပၢ်တဖၣ်လၢသုဂီၢ်ဒီးနီၢ်ပၤမုၣ်တဖၣ် ကလီၤဂာ်ဒီးမိၢ်တဖၣ်လီၤ. အဝဲသ့ၣ်ကသကူးလီၤအသးလၢသုမဲာ်ညါဒီး မၤလၤကပီၤသုလီၤ. အဝဲသ့ၣ်ကပာ်ဖျါအတၢ်ယူးယီၣ်ပာ်ကဲသုလၢ တၢ်ဆီၣ်လီၤသးအပူၤလီၤ. အန့ၣ်ဒီးသုကသ့ၣ်ညါလၢယမ့ၢ်ယွၤလီၤ. ပှၤလၢအမုၢ်လၢ်ယတၢ်မၤစၢၤန့ၣ်, တသးဟးဂီၤဘၣ်နီတဂၤန့ၣ်ဘၣ်.”

လံာ်ယံးရမံယၤ 17:18

ပှၤတဖၣ်လၢအမၤအၢမၤနးယၤန့ၣ်, မၤမဲာ်ဆှးအီၤတက့ၢ်. ဘၣ်ဆၣ်ဒီးယွၤဧၢ, ဒုးပူၤဒုးဖျဲးယၤတက့ၢ်. မၤပှဲၤအဝဲသ့ၣ်ဒီး တၢ်ပျံၤတၢ်ဖုး, ဘၣ်ဆၣ်ဒီးမၤပျံၤမၤဖုးယၤတဂ့ၤ. ဒုးဘၣ်အဝဲသ့ၣ်လၢတၢ်တတၢးတနါဒီးမၤလီၤကလဲကွံာ်အဝဲသ့ၣ်ဆူ အက့က့အခီခီန့ၣ်တက့ၢ်.

လံာ်ယိၤဟၣ် 8:31

မၤသးဒ်န့ၣ်ဒီး, ယ့ၣ်ၡူးစံးဘၣ်ပှၤယူဒၤဖိလၢအစူၢ်က့ၤနာ်က့ၤအီၤ တဖၣ်, “သုမ့ၢ်စူၢ်ယတၢ်သိၣ်လိသီလိဒီးသုမ့ၢ်နီၢ်နီၢ်ယပျဲၢ် ယဘီၣ်တဖၣ်လီၤ.

မၤတၢ် 11:23

ဖဲအဝဲဒၣ်လဲၤတုၤဒီးထံၣ်ကစၢ်ယွၤအတၢ်ဆိၣ်ဂ့ၤဘၣ်ပှၤတဖၣ်အံၤန့ၣ်, အဝဲသူၣ်ခုသးခုဒီးသဆၣ်ထီၣ်အဝဲသ့ၣ်ခဲလၢာ်အခံဒ်သိးအသး ကတီဒီးကစၢ်လၢအသးဒီဖျၢၣ်ညါန့ၣ်လီၤ.

ရိမ့ၤ 5:5

တၢ်မုၢ်လၢ်အံၤတဒုးသးဟးဂီၤပှၤဘၣ်, မ့ၢ်လၢကစၢ်ယွၤလူလီၤဂၢ်လီၤအတၢ်အဲၣ်လၢပသးပူၤခီဖျိ သးစီဆှံ, လၢအမ့ၢ်ကစၢ်ယွၤအတၢ်ဟ့ၣ်ပှၤအဃိန့ၣ်လီၤ.

လံာ်သိၣ်လီၤသီလီၤတၢ် 10:20

အိၣ်ဒီးတၢ်ယူးယီၣ်ယွၤ, သုကစၢ်ယွၤဒီးဘူၣ်ထီၣ်ဘါထီၣ်ထဲ အဝဲဒၣ်တဂၤဧိၤန့ၣ်တက့ၢ်. အိၣ်ဒီးတၢ်သူၣ်တီသးရၤဒီးအီၤဒီးမၤသုတၢ်အၢၣ်လီၤအီလီၤ တဖၣ်ထဲလၢအဝဲအမံၤအပူၤန့ၣ်တက့ၢ်.

လံာ်သိၣ်လီၤသီလီၤတၢ် 11:22

စူၢ်ကယဲၢ်တၢ်ဘူၣ်တၢ်ဘါအတၢ်သိၣ်တၢ်သီတဖၣ်လၢယဟ့ၣ်လီၤတ့ၢ်သုန့ၣ် လၢတၢ်သူၣ်တီသးရၤအပူၤတက့ၢ်. အဲၣ်ယွၤသုကစၢ်ယွၤ, မၤတၢ်ကိးမံၤဒဲးလၢအဝဲမၤလိာ်ဝဲ, ဒီးအိၣ်ဒီးတၢ်သူၣ်တီသးရၤဒီးအီၤတက့ၢ်.

လံာ်သိၣ်လီၤသီလီၤတၢ် 4:4

မ့မ့ၢ်သုဝဲတဖၣ်လၢအသူၣ်တီသးရၤဒီးယွၤ, သုကစၢ်ယွၤန့ၣ်မူဒံးဝဲတုၤမဆါတနံၤအံၤန့ၣ်လီၤ.

၁ ယိၤဟၣ် 2:28

ဒီးခဲအံၤယဖိယလံၤသ့ၣ်ဧၢ, အိၣ်ဆိးလၢခရံာ်အပူၤဒ်သိး ပကလၢပှဲၤဒီးတၢ်သူၣ်ဒူသးဒူဖဲအဝဲအိၣ်ဖျါထီၣ်ဒီးဖဲအဟဲဝဲ အမုၢ်တနံၤန့ၣ်, ပသုတအိၣ်ခူသူၣ်ဘၣ်လၢတၢ်မဲာ်ဆှးအပူၤ တဂ့ၤန့ၣ်တက့ၢ်.