စံးထီၣ်ပတြၢၤ 119:19 - Sgaw Karen Common Bible

¹⁹ ယမ့ၢ်ဒၣ်ပှၤသမှံၤလၢဟီၣ်ခိၣ်ချၢအံၤလီၤ. သုတပာ်ခူသူၣ်နတၢ်မၤလိာ်တဖၣ်လၢယၤတဂ့ၤ.

စံးထီၣ်ပတြၢၤ 119:19 Iomraidhean Croise

လံာ်တၢ်ကဲထီၣ်အခီၣ်ထံး 47:9

စီၤယၤကိာ်စံးဆၢဝဲ, “ယတၢ်ဟးဝ့ၤဝီၤအတၢ်အိၣ်မူယံာ်ဝဲ အနံၣ်တကယၤသၢဆံလီၤ. ဒီးနံၣ်ဧိၤလါဧိၤတဖၣ်အံၤတဒ်သိးဘၣ် ယမိၢ်ပၢ်ဖံဖုလၢပျၢၤအတၢ်ဟးဝ့ၤဝီၤလၢအါနံၣ်အါလါအပူၤ ဘၣ်. စှၤဝဲဒီးကီခဲဒိၣ်မးလီၤ.”

လံာ်ကွဲးနီၣ်တၢ်အခီၣ်ထံးတဘ့ၣ် 29:15

အိ, ယွၤဧၢ, နသ့ၣ်ညါနဲလၢပလဲၤခီဖျိတၢ်အိၣ်မူလီၤဂာ်ဒ်ပှၤ ဘၣ်တၢ်စိာ်မၢကဲကုၢ်တဖၣ်ဒီးပှၤတမှံၤတဖၣ်အသိး, ဒ်ပမိၢ်ပၢ်ဖံဖုလၢပျၢၤတဖၣ်လဲၤခီဖျိတ့ၢ်ဝဲန့ၣ်လီၤ. ပမုၢ်နံၤတဖၣ်လီၤဂာ်ဒ်တၢ်ကဒုလၢအလဲၤပူၤကွံာ်အသိးဒီးပပူၤ ဖျဲးထီၣ်ကွံာ်လၢတၢ်သံတသ့ဘၣ်.

လံာ်စီၤယိၤဘး 39:17

အဂ့ၢ်ဒ်အံၤ, ကစၢ်ယွၤတဟ့ၣ်ဘၣ်အီၤလၢအတၢ်ကူၣ်သ့, ဒီးအတၢ်နီၤဟ့ၣ်ဘၣ်ဃးဒီးတၢ်ကူၣ်တၢ်ဆးန့ၣ်ဘၣ်.

စံးထီၣ်ပတြၢၤ 119:10

ယဃုနၤလၢယသးဒီဖျၢၣ်ညါလီၤ. မ်ယသုတဟးဖျိးကွံာ်လၢနတၢ်မၤလိာ်တဖၣ်န့ၣ်တဂ့ၤ.

စံးထီၣ်ပတြၢၤ 39:12

ကနၣ်ယတၢ်ထုကဖၣ်တက့ၢ်. ယွၤဧၢ, ဒိကနၣ်ယတၢ်ကိးထီၣ်လၢ တၢ်မၤစၢၤအဂီၢ်န့ၣ်တက့ၢ်. ဖဲလၢယအိၣ်ဒီးတၢ်မဲာ်ထံမဲာ်နိန့ၣ်, အိၣ်ဘှီၣ်နဲတဂ့ၤ. အဂ့ၢ်ဒ်အံၤ, ယမ့ၢ်ဒၣ်နပှၤသမှံၤလၢ အအိၣ်တစိၢ်တလီၢ်ဖိ, ဒ်ယမိၢ်ပၢ်ဖံဖုလၢပျၢၤတဖၣ်အသိးန့ၣ်လီၤ.

စံးထီၣ်ပတြၢၤ 39:13

တချုးယသးဟးထီၣ်ကွံာ်ဒီးတအိၣ်လၢၤဘၣ်န့ၣ်, ပျဲယၤလၢယကအိၣ်ဘၣ်ဒီး တၢ်သးခုတစဲးတက့ၢ်.

လံာ်ယၡါယၤ 63:17

ဘၣ်မနုၤအဃိနပျဲပဟးဖျိးကွံာ်လၢနကျဲတဖၣ်န့ၣ်လဲၣ်. ဘၣ်မနုၤအဃိနမၤကိၤပသးတုၤဒၣ်လဲာ်ပဃၣ်ကွံာ်ပသးလၢနၤ န့ၣ်လဲၣ်. လၢပှၤလၢအမၤနတၢ်မၤတဖၣ်, လၢပှၤဂီၢ်မုၢ်လၢထီဘိမ့ၢ်နတၢ်ဒၣ်နဲတဖၣ်အဃိ န့ၣ်ဟဲက့ၤကဒါက့ၤတက့ၢ်.

လံာ်လူၤကၣ် 24:45

တုၤနုၤတစုအဝဲဒၣ်အိးထီၣ်အဝဲသ့ၣ်အသးဒ်သိးအကနၢ် ပၢၢ်တၢ်ကွဲးအသးစီဆှံတဖၣ်

လံာ်လူၤကၣ် 9:45

ဘၣ်ဆၣ်ဒီးတၢ်ကတိၤတထံၣ်အံၤအခီပညီမ့ၢ်တၢ်ဒ်လဲၣ်န့ၣ်, အဝဲသ့ၣ်တသ့ၣ်ညါဝဲဘၣ်. အခီပညီဘၣ်တၢ်ပာ်တဒၢတ့ၢ်အီၤလၢအဝဲသ့ၣ်အမဲာ်ညါ ဒ်သိးအသုတနၢ်ပၢၢ်ဝဲတဂ့ၤအဂီၢ်လီၤ. ဒီးအဝဲသ့ၣ်ကသံကွၢ်အီၤဘၣ်ဃးတၢ်ဂ့ၢ်တမံၤအံၤန့ၣ်, သံကွၢ်ဝဲတဘူၣ်ဘၣ်.

၂ ကရံၣ်သူး 5:6

လၢတၢ်န့ၣ်အဃိပလၢပှဲၤဒီးတၢ်သူၣ်ဒူသးဒူထီဘိ လီၤ. ပသ့ၣ်ညါပဝဲလၢ, ဖဲပအိၣ်လၢပနီၢ်ခိအဟံၣ်ပူၤ န့ၣ်, ပအိၣ်ယံၤဒီးကစၢ်ယွၤအဟံၣ်န့ၣ်လီၤ.

၁ ပ့းတရူး 2:11

ယတံၤသကိးသ့ၣ်ဧၢ, ယဃ့ကညးသုဒ်ပှၤသမှံၤဒီးပှၤလီၤပြံလီၤပြါတဖၣ်လၢဟီၣ်ခိၣ် အံၤအပူၤအသိးန့ၣ်လီၤ. တဘၣ်ပျဲနီၢ်ခိဖံးညၣ်အတၢ်သးကွံတဖၣ်လၢအဒုးလိာ်ယၤလိာ် အသးဒီးသုသးသမူန့ၣ်, မၤနၢၤသုတဂ့ၤ.