စံးထီၣ်ပတြၢၤ 119:176 - Sgaw Karen Common Bible

¹⁷⁶ ယဟးဖျိးကျဲဒ်သိလၢအဟါမၢ်တဒုအသိးလီၤ. ဟဲဒီးဃုက့ၤနခ့နပှၤတက့ၢ်. အဂ့ၢ်ဒ်အံၤ, ယတသးပ့ၤနီၣ်ဘၣ် နတၢ်မၤလိာ်တဖၣ်ဘၣ်လီၤ.

စံးထီၣ်ပတြၢၤ 119:176 Iomraidhean Croise

စံးထီၣ်ပတြၢၤ 119:16

ယကမုာ်လၤသးခုလၢနတၢ်မၤလိာ်တဖၣ်အပူၤလီၤ. ယတသးပ့ၤနီၣ်ဘၣ်နကလုၢ်ကထါဘၣ်.

စံးထီၣ်ပတြၢၤ 119:61

ပှၤတတီတလိၤအပျံၤသကွီၤဘၣ်တၢ်ပာ်လီၤအီၤ လၢကဖီၣ်န့ၢ်ယၤဒၣ်လဲာ်, ယတသးပ့ၤနီၣ်ဘၣ်နတၢ်သိၣ်တၢ်သီဘၣ်.

စံးထီၣ်ပတြၢၤ 119:93

ယတသးပ့ၤနီၣ်ဘၣ်နတၢ်မၤလိာ်တဖၣ်နီတဘျီဘၣ်. အဂ့ၢ်ဒ်အံၤ, နမၤမူထီၣ်က့ၤယၤလၢအီၤလီၤ.

လံာ်တၢ်သးဝံၣ်တဖၣ်အတၢ်သးဝံၣ် 1:4

ကိးဃုာ်ယၤတက့ၢ်, ဒီးပကဃ့ၢ်ပိာ်လိာ်ပခံလီၤ. မ်နကဲထီၣ်ယစီၤပၤ, ဒီးကိးနုာ်ယၤဆူနဒၢးပူၤတက့ၢ်. ပကမုာ်လၤသးခုဒီးမၤလၢာ်ပဆၢကတီၢ်လၢတၢ်အဲၣ်ယိာ်အပူၤ အါန့ၢ်ဒံးလၢစပံးထံအပူၤတက့ၢ်လီၤ. ပှၤပိာ်မုၣ်ခဲလၢာ်အဲၣ်နၤန့ၣ်တလီၤကမၢကမၣ်ဘၣ်.

လံာ်ယၡါယၤ 53:6

ပဝဲခဲလၢာ်ပလီၤဂာ်ဒီးသိတဖၣ်လၢအဟးဖျိးကျဲ, တဂၤလဲၤလၢအကျဲဒၣ်ဝဲစုာ်စုာ်လီၤ. ဘၣ်ဆၣ်ဒီးယွၤဒုးလီၤဘၣ်တၢ်စံၣ်ညီၣ်လၢအလိၤ, တၢ်စံၣ်ညီၣ်လၢပဝဲခဲလၢာ်ပကြၢးဒိးဘၣ်ဝဲန့ၣ်လီၤ.

လံာ်ယံးရမံယၤ 31:18

ယနၢ်ဟူ ကီၢ်အံၣ်စရ့လး အပှၤဂီၢ်မုၢ် စံးကတိၤတၢ်လၢ တၢ်သူၣ်အုးသးအုးအပူၤ စံးဝဲ, ‘ယွၤဧၢ, ပလီၤဂာ်ဒီး ဆၣ်ဖိကီၢ်ဖိတဒုလၢတၢ်တမၤဘှါအီၤဘၣ်, ဘၣ်ဆၣ်ဒီး နသိၣ်လိတ့ၢ်ပှၤလၢ ပကစူၢ်တၢ်န့ၣ်လီၤ. ဟဲက့ၤစိာ်ကဒါက့ၤ ပှၤတက့ၢ်. ပအိၣ်ကတဲာ် ကတီၤလံပသးလၢ ပကဟဲက့ၤကဒါက့ၤဆူ နအိၣ်လံ, ယွၤပကစၢ်ယွၤဧၢ.

လံာ်ယံးရမံယၤ 50:6

ယပှၤဂီၢ်မုၢ်တဖၣ်န့ၣ်လီၤဂာ်ဒ်သိလၢ အပှၤကွၢ်သိတဖၣ် ပျဲအဝဲသ့ၣ်လီၤမၢ်ကွံာ်လၢ ကစၢၢ်ကလိတဖၣ်အကျါအသိး န့ၣ်လီၤ. အဝဲသ့ၣ်ဟးဝ့ၤဝီၤဒ်သိတဖၣ်အသိးလၢ ကစၢၢ်တဖျၢၣ်ဆူအဂၤတဖျၢၣ်, ဒီးအဝဲသ့ၣ်သးပ့ၤနီၣ်ကွံာ်အဟံၣ်အိၣ်ဖဲလဲၣ်န့ၣ်လီၤ.

လံာ်ယဃ့းစက့လး 34:16

ယကဃုက့ၤသိလၢအလီၤမၢ်တဖၣ်, ဟဲက့ၤစိာ်ကဒါက့ၤသိလၢ အဟးဖျိးကျဲတဖၣ်, ဘိၣ်ဘံထီၣ်သိလၢအဘၣ်ဒိဘၣ်ထံးတဖၣ် ဒီးမၤဘျါက့ၤသိလၢအဆူးအဆါတဖၣ်န့ၣ်လီၤ. ဘၣ်ဆၣ်သိ လၢအဘီၣ်ဒီးအဂံၢ်ဘါဆူၣ်တဖၣ်န့ၣ်ယကမၤဟးဂီၤကွံာ်အီၤန့ၣ်လီၤ. အဂ့ၢ်ဒ်အံၤ, ယမ့ၢ်ပှၤကွၢ်သိတဂၤလၢအမၤတၢ်အဘၣ်န့ၣ်လီၤ.

လံာ်ယဃ့းစက့လး 34:6

လၢတၢ်န့ၣ်အဃိ, ယသိတဖၣ်ဟးဝ့ၤဝီၤလၢတၢ်လူၢ်လၢအထီ တဖၣ်ဒီးကစၢၢ်ကလိတဖၣ်အလိၤန့ၣ်လီၤ. အဝဲသ့ၣ်လီၤပြံလီၤပြါ လၢဟီၣ်ခိၣ်အမဲာ်ဖံးခိၣ်ဒီးပှၤလၢကကွၢ်ဃုအဝဲသ့ၣ် မ့ၢ်ဂ့ၤဂုာ်ကျဲးစၢးလၢကဃုထံၣ်က့ၤအဝဲသ့ၣ်မ့ၢ်ဂ့ၤတအိၣ်နီ တဂၤဘၣ်.

လံာ်ဟိၤၡ့ 4:6

ယပှၤဂီၢ်မုၢ်ဘၣ်တၢ်စံၣ်ညီၣ်ဃါမနၤလီၤ. အဂ့ၢ်ဒ်အံၤ, အဝဲသ့ၣ်, တသ့ၣ်ညါအၢၣ်လီၤယၤဘၣ်. သုဝဲပှၤလုၢ်တၢ်အခိၣ်တဖၣ်ဂ့ၢ်လိာ်သ့ၣ်ညါအၢၣ်လီၤတ့ၢ်ယၤ, ဒီးညိကွံာ်တ့ၢ်ယတၢ်သိၣ်လိလီၤ. ဒီးလၢတၢ်န့ၣ်အဃိ, ယကညိကွံာ်သုဒီးတသ့ၣ်ညါအၢၣ်လီၤဘၣ်သုဖိခွါတဖၣ် ဒ်ပှၤလုၢ်တၢ်အခိၣ်တဖၣ်အသိးဘၣ်န့ၣ်လီၤ.

လံာ်မးသဲ 10:6

မ့မ့ၢ်လဲၤသုဝဲဆူပှၤအံၣ်စရ့လးဖိလၢအမ့ၢ်သိလၢအဟါမၢ် တဖၣ်အအိၣ်န့ၣ်တက့ၢ်.

လံာ်မးသဲ 15:24

ယ့ၣ်ၡူးစံးဆၢတၢ်ဒီးစံး, “ယဘၣ်တၢ်ဆှၢလီၤဒၣ်ယၤဆူသိဖိလၢအလီၤမၢ်လၢအမ့ၢ် ပှၤအံၣ်စရ့လးဖိအဒူၣ်အထၢတဖၣ်အအိၣ်လီၤ.”

လံာ်လူၤကၣ် 19:10

အဂ့ၢ်ဒ်အံၤ, ပှၤကညီဖိခွါဟဲဒ်သိးအကဃုန့ၢ်ဒီးအုၣ်က့ၤခီၣ်က့ၤ ပှၤလီၤမၢ်တဖၣ်လီၤ.”

လံာ်ယိၤဟၣ် 10:16

သိအိၣ်ဝဲအဂၤတဖၣ်လၢအဘၣ်ဃးဒီးယၤလၢ အတအိၣ်လၢသိကရၢၢ်အဝဲအံၤအပူၤဘၣ်. ဘၣ်ဆၣ်ဒီးယကဘၣ်ဆှၢအီၤစ့ၢ်ကီးလီၤ. ဒီးအဝဲသ့ၣ်ကဒိကနၣ်ယကလုၢ်ဒီးကကဲထီၣ်သိ တဖုဃီအိၣ်ဒီးပှၤကွၢ်သိတဂၤဃီလီၤ.

ကလၤတံ 4:9

မ့မ့ၢ်ခဲကနံၣ်အံၤ မ့ၢ်လၢသုသ့ၣ်ညါကစၢ်ယွၤလံ, မ့တမ့ၢ်, ယကြၢးစံး, ကစၢ်ယွၤသ့ၣ်ညါသုလံန့ၣ်, ဘၣ်မနုၤအဃိသုသးအိၣ်ဃၣ်ကဒါက့ၤသုသးဆူသး တဖၣ်လၢအဂံၢ်စၢ်ဘါစၢ်ဒီးဖှီၣ်ဝဲယာ်ဝဲအအိၣ်ဒီးသး အိၣ်ကဲက့ၤကဒီးကုၢ်လၢအဖီလာ်န့ၣ်လဲၣ်.

ဖံလံးပံၤ 2:13

အဂ့ၢ်ဒ်အံၤ, ကစၢ်ယွၤမၤတၢ်လၢသုပူၤထီဘိဒ်သိးသုကသးအိၣ် ဒီးဒိကနၣ်မၤထွဲအတၢ်တိာ်ပာ်ကသ့အဂီၢ်န့ၣ်လီၤ.

ယၤကိာ် 1:17

တၢ်ဟ့ၣ်အဂ့ၤဒီးတၢ်ဟ့ၣ်အလၢအပှဲၤကိးမံၤဒဲးန့ၣ်ဟဲလၢမူခိၣ်, လၢကစၢ်ယွၤလၢအတ့လီၤမူခိၣ်အတၢ်ကပီၤတဖၣ်အအိၣ် န့ၣ်လီၤ. ကစၢ်ယွၤတကဒံကဒါဒီးတဒုးအိၣ်ထီၣ်ဘၣ်တၢ်ခံး တၢ်နၤခီဖျိအဃၣ်ဒူချၢအသးန့ၣ်ဘၣ်.

၁ ပ့းတရူး 2:25

သုမၤသုသးဒ်သိလၢအဟးဖျိးကျဲတဖၣ်အသိး, ဘၣ်ဆၣ်ဒီးခဲအံၤသုဘၣ်တၢ်ဟဲက့ၤစိာ်က့ၤသုလၢသုကပိာ် ပှၤကွၢ်သိဒီးသုသးသမူအပှၤကွၢ်တၢ်တဂၤအခံအဂီၢ်န့ၣ်လီၤ.