စံးထီၣ်ပတြၢၤ 119:175 - Sgaw Karen Common Bible

¹⁷⁵ ဟ့ၣ်ယၤတၢ်မူဒ်သိးယကစံးထီၣ်ပတြၢၤနၤတက့ၢ်. ဒီးမ်နစံၣ်ညီၣ်တၢ်တဖၣ်န့ၣ်မၤစၢၤယၤတက့ၢ်.

စံးထီၣ်ပတြၢၤ 119:175 Iomraidhean Croise

စံးထီၣ်ပတြၢၤ 119:17

မၤဂ့ၤနခ့နပှၤ, ဒ်သိးယကမူ ဒီးတိၢ်န့ၢ်ဖံးဃာ်နတၢ်သိၣ်လိသီလိ တဖၣ်န့ၣ်တက့ၢ်.

စံးထီၣ်ပတြၢၤ 119:75

ယွၤဧၢ, ယသ့ၣ်ညါလၢ နတၢ်စံၣ်ညီၣ်တဖၣ်န့ၣ် မ့ၢ်အတီအလိၤ ဒီးလၢနတၢ်တီတၢ်လိၤအပူၤ နသိၣ်ဃီၣ်ယၤလီၤ.

စံးထီၣ်ပတြၢၤ 30:9

“ယမ့ၢ်လဲၤလီၤဆူတၢ်သံအကီၢ်ပူၤဒီး လၢယတၢ်သံအဃိန့ၣ် နကဒိးန့ၢ်ဘၣ် တၢ်ဘျုးမနုၤတမံၤလဲၣ်. ဟီၣ်ခိၣ်အကမူၣ် ကစံးထီၣ်ပတြၢၤနၤစ့ၢ်ကီးဧါ. ကတဲဖျါထီၣ်နတၢ်သးတီစ့ၢ်ကီးဧါ.

လံာ်ယၡါယၤ 38:19

ဒ်ယစံးထီၣ်ပတြၢၤနၤခဲအံၤအသိး, ပှၤလၢအစံးထီၣ်ပတြၢၤနၤမ့ၢ်ပှၤအမူန့ၣ်လီၤ. ပၢ်တဖၣ်စံးဘၣ်တဲဘၣ်အဖိတဖၣ်လၢနသူၣ်တီသးရၤထဲလဲၣ်အဂ့ၢ် န့ၣ်လီၤ.

လံာ်ယၡါယၤ 55:3

ဒိကနၣ်ခဲအံၤ, ယပှၤဂီၢ်မုၢ်သ့ၣ်ဧၢ, ဒီးဟဲဆူယအိၣ်တက့ၢ်. ဟဲဆူယအိၣ်ဒီးသုကန့ၢ်ဘၣ်တၢ်မူလီၤ. ယကမၤတၢ်အၢၣ်လီၤအီလီၤအထူအယိာ်ဒီးသု ဒီးဟ့ၣ်သုတၢ်ဆိၣ်ဂ့ၤတဖၣ်လၢယအၢၣ်လီၤတ့ၢ်စီၤဒၤဝံးန့ၣ်လီၤ.

ရိမ့ၤ 8:28

ဒီးပသ့ၣ်ညါလၢပှၤလၢအအဲၣ်ကစၢ်ယွၤ, ပှၤလၢအဘၣ်တၢ် ကိးထီၣ်အီၤဒ်အတၢ်ကူၣ်ပာ်အသိးန့ၣ်, ကစၢ်ယွၤမၤဃုာ်တၢ် ဒီးအီၤလၢတၢ်ခဲလၢာ်အပူၤလၢတၢ်ဂ့ၤအဂီၢ်လီၤ.

၂ ကရံၣ်သူး 4:17

ဒီးတၢ်ကီတၢ်ခဲတဆံးတက့ၢ်လၢပတူၢ်ဘၣ်အီၤတစိၢ် တလီၢ်အံၤကဟဲစိာ်န့ၢ်ပှၤတၢ်လၤကပီၤအဒိၣ်အမုၢ်အထူ အယိာ်လၢအဒိၣ်န့ၢ်တၢ်ကီတၢ်ခဲအဝဲအံၤန့ၣ်လီၤ.