စံးထီၣ်ပတြၢၤ 119:170 - Sgaw Karen Common Bible

¹⁷⁰ မ်ယတၢ်ထုကဖၣ်ဟဲထီၣ်ဆူနအိၣ်တက့ၢ်. ဒီးမၤပူၤဖျဲးယၤဒ်နကလုၢ်ကထါအသိးန့ၣ်တက့ၢ်.

စံးထီၣ်ပတြၢၤ 119:170 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 7:25

ဒီးခဲအံၤ, ကစၢ်ယွၤဧၢ, မၤလၢထီၣ်ပှဲၤထီၣ်တၢ်အၢၣ်လီၤအီ လီၤလၢနမၤတ့ၢ်ဘၣ်ဃးယၤဒီးယစၢၤယသွဲၣ်တဖၣ်အဂ့ၢ်တဘိယူာ်ဃီ ဒီးမၤတၢ်လၢနစံးတ့ၢ်လၢနကမၤအီၤတဖၣ်န့ၣ်တက့ၢ်.

စံးထီၣ်ပတြၢၤ 119:41

ယွၤဧၢ, ဒုးနဲၣ်လၢ်ယၤလၢနအဲၣ်ယၤထဲလဲၣ်န့ၣ်တက့ၢ်. ဒီးအုၣ်က့ၤခီၣ်က့ၤယၤဒ် နတၢ်အၢၣ်လီၤအသိးန့ၣ်တက့ၢ်.

စံးထီၣ်ပတြၢၤ 119:94

ယမ့ၢ်နတၢ်လီၤ. အုၣ်က့ၤခီၣ်က့ၤယၤတက့ၢ်. အဂ့ၢ်ဒ်အံၤ, ယဃုနတၢ်မၤလိာ်တဖၣ်လီၤ.

စံးထီၣ်ပတြၢၤ 28:2

ဒိကနၣ်ယတၢ်ထုကဖၣ်အသီၣ်, ဖဲယကိးထီၣ်နၤလၢတၢ်မၤစၢၤအဂီၢ်, ဖဲယယူာ်ထီၣ်ယစုဆူ နတၢ်လီၢ်စီဆှံကတၢၢ်န့ၣ်တက့ၢ်.

စံးထီၣ်ပတြၢၤ 31:2

ဒိးနနၢ်လၢယၤ, မၤပူၤဖျဲးယၤခဲအံၤ, ကဲထီၣ်တၢ်အိၣ်သဒၢအလၢၢ်လၢယဂီၢ်, ယတၢ်တြီဆၢတၢ်လၢကမၤပူၤဖျဲးယၤန့ၣ်တက့ၢ်.

လံာ်ယံးရမံယၤ 37:20

ဒီးအခဲအံၤ, နဲဒၣ်တၢ်ဒိၣ်စီၤပၤဧၢ, ယဃ့ကညးနၤလၢ နကဒိကနၣ်ယၤဒီး မၤတၢ်လၢ ယဃ့နၤန့ၣ်လီၤ. ဝံသးစူၤတဘၣ်ဆှၢကဒါက့ၤ ယၤဆူဃိာ်လၢ စီၤယိၤနၤသၣ်အဟံၣ်န့ၣ်တဂ့ၤ. နမ့ၢ်မၤဒ်န့ၣ်ဒီး, ယကသံဖဲန့ၣ်သပှၢ်ကတၢၢ်လီၤ.”

လံာ်ယံးရမံယၤ 42:2

ဒီးစံးဘၣ်ယၤ, “ဝံသးစူၤမၤတၢ်လၢ ပမၢနၤန့ၣ်တက့ၢ်. ဃ့ထုကဖၣ်တၢ်လၢ ပဂီၢ်ဆူယွၤပကစၢ်အအိၣ်တက့ၢ်. ဃ့ထုကဖၣ်တၢ်လၢ ပဝဲလၢ အအိၣ်လီၤတဲာ်ခဲလၢာ်အဂီၢ်တက့ၢ်. တဘျီန့ၣ် ပအိၣ်အါဂၤလီၤ. ဒ်နထံၣ်နဲသ့အသိး, ခဲအံၤပအိၣ်လီၤတဲာ်ဒၣ်ထဲစှၤဂၤလီၤ.