စံးထီၣ်ပတြၢၤ 119:165 - Sgaw Karen Common Bible

¹⁶⁵ ပှၤလၢအအဲၣ်နတၢ်သိၣ်တၢ်သီတဖၣ်န့ၣ် အိၣ်ဒီးတၢ်ဃူတၢ်ဖိးအါမးလီၤ. တၢ်မၤလီၤဃံၤအီၤတသ့ဘၣ်နီတမံၤဘၣ်.

စံးထီၣ်ပတြၢၤ 119:165 Iomraidhean Croise

စံးထီၣ်ပတြၢၤ 119:56

တၢ်ဆိၣ်ဂ့ၤသ့ၣ်တဖၣ်အံၤဟဲလီၤတ့ၢ်လံလၢ ယဖီခိၣ်မ့ၢ်လၢယတိၢ်န့ၢ်ဖံးဃာ် နတၢ်မၤလိာ်သ့ၣ်တဖၣ်အဃိန့ၣ်လီၤ.

တၢ်ကတိၤဒိ. 3:17

တၢ်ကူၣ်သ့မၤမုာ်မၤခုၣ်နတၢ်အိၣ်မူ, ဒီးဆှၢနၤလၢကျဲမုာ် ကျဲခုၣ်သ့ဝဲန့ၣ်လီၤ.

တၢ်ကတိၤဒိ. 3:23

နကလဲၤဘၣ်လၢနကျဲပူၤဒုၣ်ပူၤဒါ, ဒီးနခီၣ်တဘၣ်တိၢ်ဒၣ်လဲာ်ဘၣ် လီၤ.

လံာ်ယၡါယၤ 26:3

ယွၤဧၢ, နဟ့ၣ်တၢ်ဃူတၢ်ဖိးအလၢအပှဲၤ ဆူပှၤတဖၣ်လၢအဟံးဃာ်အတၢ်တိာ် ဂၢၢ်ဂၢၢ်ကျၢၤကျၢၤ ဒီးပာ်အတၢ်နာ်လၢနပူၤအအိၣ်န့ၣ်လီၤ.

လံာ်ယၡါယၤ 28:13

လၢတၢ်န့ၣ်အဃိ, ယွၤကသိၣ်လိသုလံာ်တဖျၢၣ်ဘၣ်တဖျၢၣ်, တကျိၤဘၣ်တကျိၤ, တၢ်မၤလိတခါဘၣ်တခါလီၤ. အန့ၣ်ဒီးသုခီၣ်ကဘၣ်တိၢ်လၢခီၣ်ကါလၢသုခါထီၣ်ကိးကါဒဲးလီၤ. သုကဘၣ်ဒိဘၣ်ထံး, ဘၣ်ပျံၤသကွီၤ, ဒီးဘၣ်တၢ်ဖီၣ်န့ၢ်ဒ်ပှၤဃိာ်ဖိအသိးလီၤ.

လံာ်ယၡါယၤ 32:17

မ့ၢ်လၢပှၤကိးဂၤဒဲးကမၤတၢ်အမ့ၢ်အတီအဃိ, တၢ်ဃူတၢ်ဖိးဒီးတၢ်ပူၤဖျဲးကအိၣ်လီၤထူလီၤယိာ်လီၤ.

လံာ်ယၡါယၤ 57:14

ယွၤစံးဝဲဒၣ်, “မ်ယပှၤဂီၢ်မုၢ်ဟဲက့ၤကဒါက့ၤဆူယအိၣ်တက့ၢ်. မ်တၢ်နိးတၢ်ဘျးကိးမံၤဒဲးလၢအကျဲသုးကွံာ်အသးတက့ၢ်. မ်ကျဲတဖၣ်ဘှီထီၣ်အသးဒီးအိၣ်ကတဲာ်ကတီၤအသးတက့ၢ်.

လံာ်ယၡါယၤ 57:21

ပှၤတၢ်ဒဲးဘးဖိတဖၣ်အဂီၢ်န့ၣ်, တၢ်ပူၤဖျဲးတအိၣ်ဘၣ်.” ယွၤစံးဝဲဒၣ်.

လံာ်မးသဲ 13:21

ဘၣ်ဆၣ်ဒီး, အဂံၢ်တယိာ်ဘၣ်သတးဒီး, တမူယံာ်ယံာ်ဘၣ်. တုၤတၢ်နးတၢ်ဖှီၣ်ဒီး တၢ်မၤအၢမၤနးအိၣ်ထီၣ်လၢတၢ်ကစီၣ် အဃိဒီး, အဝဲသ့ၣ်အသးဟးဂီၤတဘျီဃီလီၤ.

လံာ်မးသဲ 24:24

အဂ့ၢ်ဒ်အံၤ, ခရံာ်အဘျၣ်ဒီးဝံအဘျၣ်တဖၣ်ကပၢၢ်ထီၣ်, ဒီးကဒုးနဲၣ်တၢ်အပနီၣ် ဒီးတၢ်လီၤလးအဒိၣ်အမုၢ်တဖၣ်ဒ်သိးဒီး, မ့ၢ်သ့မ့ၢ်ဘၣ်န့ၣ်, ကလီန့ၢ်ပၢၢ်တုၤလၢကစၢ်ယွၤအပှၤဃုထၢဖိတဖၣ်ဒၣ်လဲာ်လီၤ.

လံာ်ယိၤဟၣ် 14:27

တၢ်လၢယပာ်လီၤတဲာ်န့ၢ်သုမ့ၢ်တၢ်ဃူတၢ်ဖိးလီၤ. မ့ၢ်ယတၢ်ဃူတၢ်ဖိးဒၣ်ယဲလၢယဟ့ၣ်လီၤသုလီၤ. ယတဟ့ၣ်လီၤအီၤဒ်ဟီၣ်ခိၣ်ဟ့ၣ်တၢ်အသိးဘၣ်. တဘၣ်သူၣ်ကိၢ်သးဂီၤဒီးသးဘၣ်တံာ်တာ်တဂ့ၤ, ဒီးတဘၣ်ပျံၤတၢ်တဂ့ၤ.

ဖံလံးပံၤ 4:7

ဒီးကစၢ်ယွၤအတၢ်ဃူတၢ်ဖိး, လၢပှၤဟီၣ်ခိၣ်ဖိနၢ်ပၢၢ်လၢအဂ့ၢ်တသ့ဘၣ်အံၤန့ၣ်, ကပၢၤဃာ်သုသူၣ်သုသးဒီးသုတၢ်ဆိကမိၣ်တဖၣ်လၢယ့ၣ်ၡူးခရံာ် အပူၤန့ၣ်လီၤ.

၁ ယိၤဟၣ် 2:10

ပှၤတဂၤဂ့ၤတဂၤဂ့ၤလၢအအဲၣ်အဒီပုၢ်ဝဲၢ်န့ၣ်အိၣ်မူလၢ တၢ်ကပီၤအပူၤ, ဒီးလၢအပူၤန့ၣ်တၢ်လီၤကမၣ်အလီၢ် တအိၣ်ဘၣ်နီတမံၤဘၣ်.