စံးထီၣ်ပတြၢၤ 119:163 - Sgaw Karen Common Bible

¹⁶³ တၢ်ကတိၤကဘျံးကဘျၣ်န့ၣ်ယသးဟ့အီၤ, ဒီးယသးဘၣ်အၢအီၤလီၤ. မ့မ့ၢ်နတၢ်သိၣ်တၢ်သီန့ၣ်ယအဲၣ်အီၤလီၤ.

စံးထီၣ်ပတြၢၤ 119:163 Iomraidhean Croise

စံးထီၣ်ပတြၢၤ 101:7

ပှၤလၢအလီတၢ်န့ၣ် တအိၣ်တဆိးဘၣ်လၢ ယနူၢ်ပူၤစီၤပူၤဘၣ်. ပှၤလၢအပာ်မၤအသးတဖၣ်န့ၣ် တအိၣ်တဆိးဘၣ်လၢယမဲာ်ညါနီတဂၤဘၣ်.

စံးထီၣ်ပတြၢၤ 119:104

ယဒိးန့ၢ်တၢ်ကူၣ်သ့ခီဖျိ နတၢ်သိၣ်တၢ်သီတဖၣ်န့ၣ်လီၤ. မၤသးဒ်န့ၣ်ဒီးယသးဟ့တၢ်ကတိၤ ကဘျံးကဘျၣ်အကျဲခဲလၢာ်န့ၣ်လီၤ.

စံးထီၣ်ပတြၢၤ 119:113

ပှၤလၢအသးခံဖျၢၣ်တဖၣ်န့ၣ်ယသးဟ့အီၤလီၤ. မ့မ့ၢ်နတၢ်သိၣ်တၢ်သီန့ၣ်ယအဲၣ်အီၤလီၤ.

စံးထီၣ်ပတြၢၤ 119:128

ဒီးယပိာ်ထွဲနတၢ်မၤလိာ်ခဲလၢာ်အခံလီၤ. ကယဲၢ်ကျဲဘၣ်ဃးဒီးတၢ်ကဘျံးကဘျၣ်န့ၣ် ယသးဟ့အီၤကိးဘိဒဲးလီၤ.

စံးထီၣ်ပတြၢၤ 119:29

ပၢၤဃးယၤလၢတၢ်ကဘျံးကဘျၣ်အကျဲတဖၣ်, ဒီးမၤဘျုးမၤဖှိၣ်ယၤခီဖျိ နတၢ်သိၣ်တၢ်သီန့ၣ်တက့ၢ်.

စံးထီၣ်ပတြၢၤ 119:47

အဂ့ၢ်ဒ်အံၤ, ယထံၣ်န့ၢ်ယတၢ်မုာ်တၢ်လၤလၢ နတၢ်မၤလိာ်တဖၣ် လၢယအဲၣ်ဘၣ်အီၤအပူၤန့ၣ်လီၤ.

တၢ်ကတိၤဒိ. 13:5

ပှၤအတီအလိၤသးဟ့တၢ်လီတၢ်ဝ့ၤတဖၣ်လီၤ. မ့မ့ၢ်ပှၤအၢပှၤသီအတၢ်ကတိၤတဖၣ်လီၤမဲာ်ဆှးဒီးအလၤကပီၤ တအိၣ်ဘၣ်န့ၣ်လီၤ.

တၢ်ကတိၤဒိ. 30:8

တြီယၤလၢတၢ်လီတၢ်ဝ့ၤတက့ၢ်. ဒီးပျဲလၢယကထူးတီၤမ့ၢ်ဂ့ၤ, ယကဖှီၣ်ယာ်မ့ၢ်ဂ့ၤန့ၣ်တဂ့ၤ. အဃိဒီး, ဟ့ၣ်လီၤယၤတၢ်အီၣ်ထဲဒၣ်လၢယလိၣ်ဘၣ်အီၤအဂီၢ်န့ၣ်တက့ၢ်.

လံာ်ဧၤမိၣ် 5:15

သးဟ့တၢ်အၢဒီးအဲၣ်တၢ်ဂ့ၤ, ဒီးဒုးအိၣ်ဂၢၢ်ဆိးကျၢၤတၢ်စံၣ် ညီၣ်တီလၢကွီၢ်ဘျီၣ်တဖၣ်အပူၤတက့ၢ်. ဘၣ်တဘၣ်ယွၤတၢ်သုးမုၢ်ဂီၢ်မုၢ်အကစၢ်ကသးကညီၤအပှၤဂီၢ်မုၢ် တဖၣ်လၢအအိၣ်မူတ့ၢ်ဒံးအပူၤန့ၣ်လီၤ.

ရိမ့ၤ 12:9

တၢ်အဲၣ်တၢ်ကွံကဘၣ်မ့ၢ်တၢ်လၢအပူၤဖျဲးဒီးတၢ်ပာ်မၤ အသးန့ၣ်လီၤ. သးဟ့တၢ်လၢအအၢ, ဒီးဟံးဃာ်တၢ် လၢအဂ့ၤန့ၣ်တက့ၢ်.

အ့းဖ့းစူး 4:25

လၢတၢ်န့ၣ်အဃိ, တဘၣ်လီလၢၤတၢ်တဂ့ၤ. ပှၤကိးဂၤဒဲးကဘၣ်ကတိၤလိာ်သကိးအသးလၢတၢ်မ့ၢ်တၢ် တီ, မ့ၢ်လၢပဝဲခဲလၢာ်ပမ့ၢ်ခရံာ်အနီၢ်ခိအက့ၢ်အဂီၤသကိး သကိးအဃိန့ၣ်လီၤ.

လံာ်လီၣ်ဖျါ 22:15

မ့မ့ၢ်, ဖဲဝ့ၢ်အချၢန့ၣ်, ပှၤလၢအဘၣ်တၢ်ဘိးဃၣ်အီၤဆူတၢ် အၢတၢ်သီတဖၣ်, ဒီးပှၤသ့ၣ်တဖၣ်လၢအဟိၣ်တၢ်ယီတၢ်, ပှၤမၤကမၣ်မုၣ်ကမၣ်ခွါဒီးပှၤမၤသံမၤဝီတၢ်တဖၣ်, ပှၤလၢအဘါတၢ်ဂီၤတၢ်ဖီၣ်တဖၣ်ဒီးပှၤသ့ၣ်တဖၣ်လၢ အလီတၢ်, လၢတၢ်စံးတၢ်ကတိၤ, ဒီးတၢ်ဖံးတၢ်မၤခံမံၤလၢာ်န့ၣ်, အိၣ်ဝဲဒၣ်လီၤ.