စံးထီၣ်ပတြၢၤ 119:16 - Sgaw Karen Common Bible

¹⁶ ယကမုာ်လၤသးခုလၢနတၢ်မၤလိာ်တဖၣ်အပူၤလီၤ. ယတသးပ့ၤနီၣ်ဘၣ်နကလုၢ်ကထါဘၣ်.

စံးထီၣ်ပတြၢၤ 119:16 Iomraidhean Croise

စံးထီၣ်ပတြၢၤ 1:2

မုာ်လၤဝဲလၢတၢ်ဒိကနၣ်ယွၤအတၢ်သိၣ်တၢ်သီအပူၤ, ဒီးဆိကမိၣ်ဝဲယွၤအတၢ်သိၣ်တၢ်သီ, မုၢ်ဆါဆဲးလၢမုၢ်နၤန့ၣ်လီၤ.

စံးထီၣ်ပတြၢၤ 119:109

ယအိၣ်ကတဲာ်ကတီၤယသးထီဘိလၢ တၢ်သံခ့သံပှၤအဂီၢ်လီၤ. ယတသးပ့ၤနီၣ်ဘၣ်နတၢ်သိၣ်တၢ်သီဘၣ်.

စံးထီၣ်ပတြၢၤ 119:11

ယပာ်ဖှိၣ်နကလုၢ်နကထါလၢယသးကံၢ်ပူၤ ဒ်သိးယသုတမၤကမၣ်ဘၣ်နၤတဂ့ၤလီၤ.

စံးထီၣ်ပတြၢၤ 119:14

ယမုာ်လၤသးခုလၢတၢ်ပိာ်ထွဲနတၢ်မၤလိာ်သ့ၣ်တဖၣ် ဒိၣ်န့ၢ်တၢ်အိၣ်ဒီးတၢ်စုလီၢ်ခီၣ်ခိၣ်လၢ အအါန့ၣ်လီၤ.

စံးထီၣ်ပတြၢၤ 119:141

ယမ့ၢ်ပှၤအဆံးဒီးပှၤတပာ်ကဲဘၣ်ယၤဘၣ်. ဘၣ်ဆၣ်ယတသးပ့ၤနီၣ်ဘၣ် နတၢ်မၤလိာ်တဖၣ်ဘၣ်.

စံးထီၣ်ပတြၢၤ 119:143

တၢ်နးတၢ်ဖှီၣ်ဒီးတၢ်ကိၢ်တၢ်ဂီၤန့ၣ်ဘၣ်လံယၤလံ. ဘၣ်ဆၣ်နတၢ်မၤလိာ်တဖၣ်န့ၣ် မ့ၢ်ယတၢ်သူၣ်ဖှံသးညီလီၤ.

စံးထီၣ်ပတြၢၤ 119:153

ကွၢ်ယတၢ်နးတၢ်ဖှီၣ်, ဒီးမၤပူၤဖျဲးလၢ်ယၤတက့ၢ်. အဂ့ၢ်ဒ်အံၤ, နတၢ်သိၣ်တၢ်သီန့ၣ် ယတသးပ့ၤနီၣ်ဘၣ်.

စံးထီၣ်ပတြၢၤ 119:174

ယွၤဧၢ, ယဆၢန့ၢ်ဘၣ်နတၢ်အုၣ်က့ၤခီၣ်က့ၤ ဒီးနတၢ်သိၣ်တၢ်သီန့ၣ်မ့ၢ်ယတၢ်သူၣ်ဖှံသးညီလီၤ.

စံးထီၣ်ပတြၢၤ 119:176

ယဟးဖျိးကျဲဒ်သိလၢအဟါမၢ်တဒုအသိးလီၤ. ဟဲဒီးဃုက့ၤနခ့နပှၤတက့ၢ်. အဂ့ၢ်ဒ်အံၤ, ယတသးပ့ၤနီၣ်ဘၣ် နတၢ်မၤလိာ်တဖၣ်ဘၣ်လီၤ.

စံးထီၣ်ပတြၢၤ 119:24

နတၢ်သိၣ်လီၤသီလီၤတဖၣ် ဟ့ၣ်ယၤတၢ်သူၣ်မံသးမုာ်လီၤ. မ့ၢ်တၢ်ဟ့ၣ်ကူၣ်ဟ့ၣ်ဖးယၤလီၤ.

စံးထီၣ်ပတြၢၤ 119:35

ဆှၢယၤလၢနတၢ်မၤလိာ်အကျဲန့ၣ်တက့ၢ်. အဂ့ၢ်ဒ်အံၤ, ယမုာ်လၤတၢ်လၢအပူၤလီၤ.

စံးထီၣ်ပတြၢၤ 119:47

အဂ့ၢ်ဒ်အံၤ, ယထံၣ်န့ၢ်ယတၢ်မုာ်တၢ်လၤလၢ နတၢ်မၤလိာ်တဖၣ် လၢယအဲၣ်ဘၣ်အီၤအပူၤန့ၣ်လီၤ.

စံးထီၣ်ပတြၢၤ 119:61

ပှၤတတီတလိၤအပျံၤသကွီၤဘၣ်တၢ်ပာ်လီၤအီၤ လၢကဖီၣ်န့ၢ်ယၤဒၣ်လဲာ်, ယတသးပ့ၤနီၣ်ဘၣ်နတၢ်သိၣ်တၢ်သီဘၣ်.

စံးထီၣ်ပတြၢၤ 119:70

ပှၤသ့ၣ်တဖၣ်အံၤတအိၣ်ဒီးတၢ်နၢ်ပၢၢ်ဘၣ်. ဘၣ်ဆၣ်ယထံၣ်န့ၢ်တၢ်မုာ်တၢ်လၤလၢ နတၢ်သိၣ်တၢ်သီအပူၤန့ၣ်လီၤ.

စံးထီၣ်ပတြၢၤ 119:77

မ်နတၢ်သူၣ်ကညီၤသးကညီၤလီၤဘၣ်ယၤ, ဒ်သိးယကမူတက့ၢ်. အဂ့ၢ်ဒ်အံၤ, နတၢ်သိၣ်တၢ်သီ မ့ၢ်ယတၢ်မုာ်လၤလီၤ.

စံးထီၣ်ပတြၢၤ 119:83

အဂ့ၢ်ဒ်အံၤ, ယမၤယသးဒ်ထံဒၢတၢ်ဖံးလၢ မ့ၣ်အူခုၣ်အပူၤအသိးန့ၣ်လီၤ. နာ်သက့ယတသးပ့ၤနီၣ် နတၢ်မၤလိာ်တဖၣ်န့ၣ်ဘၣ်.

စံးထီၣ်ပတြၢၤ 40:8

ယကစၢ်ယွၤဧၢ, ယသးခုမၤယဲနတၢ်ဘၣ်နသးန့ၣ်လီၤ. ယပၢၤဃာ်နတၢ်သိၣ်တၢ်သီလၢယသးပူၤလီၤ.’’

တၢ်ကတိၤဒိ. 21:15

ဖဲတၢ်စံၣ်ညီၣ်တီမၤအသးန့ၣ်, ပှၤအဂ့ၤတဖၣ်သးခုဝဲလီၤ. မ့မ့ၢ်, ပှၤအအၢအသီတဖၣ်အသးဟးဂီၤဝဲလီၤ.

တၢ်ကတိၤဒိ. 3:1

ယဖိခွါဧၢ, သးပ့ၤနီၣ်ယသိၣ်က့ၤသီက့ၤတၢ်တဂ့ၤ. တၢ်လၢယမၤလိာ်နၤဒ်သိးနကမၤအီၤန့ၣ်ဟံးဃာ်အီၤထီဘိ တက့ၢ်.

လံာ်ယံးရမံယၤ 15:16

နကတိၤတ့ၢ်တၢ်ဒီးယၤ, ဒီးယဒိကနၣ်နတၢ်ကတိၤကိးထံၣ်ဒဲး န့ၣ်လီၤ. ယွၤ, သ့တၢ်လၢာ်ကစၢ်ယွၤဧၢ, ယဘၣ်ဃးဒီးနၤသတးဒီးနတၢ် ကတိၤတဖၣ်မၤပှဲၤယသးဒီးတၢ်သးခုဒီးတၢ်သူၣ်ဖှံသးညီန့ၣ်လီၤ.

ရိမ့ၤ 7:22

လၢယသးကံၢ်ပူၤတခီ, ယသူၣ်ခုသးခုလၢကစၢ်ယွၤအတၢ်သိၣ်တၢ်သီအပူၤန့ၣ်လီၤ.