စံးထီၣ်ပတြၢၤ 119:15 - Sgaw Karen Common Bible

¹⁵ ယမၤလိနတၢ်သိၣ်လီၤသီလီၤတဖၣ်, ဒီးယသမံသမိးကွၢ်နတၢ်သိၣ်လိသီလိတဖၣ်လီၤ.

စံးထီၣ်ပတြၢၤ 119:15 Iomraidhean Croise

လံာ်တၢ်ကဲထီၣ်အခီၣ်ထံး 24:63

ဒီးဖဲမုၢ်ဟါလီၤသီသီအကတီၢ်န့ၣ်အဝဲဟးထီၣ်ဒ်သိးကဟးကသုၣ် ကသီလၢစံာ်ပျီပူၤဒီးထံၣ်ဝဲကီၤလၤအူးတဖၣ်ဟဲဝဲန့ၣ်လီၤ.

စံးထီၣ်ပတြၢၤ 1:2

မုာ်လၤဝဲလၢတၢ်ဒိကနၣ်ယွၤအတၢ်သိၣ်တၢ်သီအပူၤ, ဒီးဆိကမိၣ်ဝဲယွၤအတၢ်သိၣ်တၢ်သီ, မုၢ်ဆါဆဲးလၢမုၢ်နၤန့ၣ်လီၤ.

စံးထီၣ်ပတြၢၤ 119:117

မၤစၢၤယၤတက့ၢ်. ဒီးယကတုၤလၢ တၢ်အုၣ်က့ၤခီၣ်က့ၤယၤလီၤ. ဒီးယကတိၢ်နီၣ်နတၢ်မၤလိာ်တဖၣ်တထံၣ်ဃီလီၤ.

စံးထီၣ်ပတြၢၤ 119:131

ယအဲးထီၣ်ယထးခိၣ်လၢ ယဆၢန့ၢ်တၢ်နးနးကလဲာ်န့ၣ်လီၤ. အဂ့ၢ်ဒ်အံၤ, ယဆၢန့ၢ်နတၢ်မၤလိာ်တဖၣ်လီၤ.

စံးထီၣ်ပတြၢၤ 119:148

ဒီနၤညါန့ၣ်ယဆိးသီယဲဒ်သိးယကဆိကမိၣ် တၢ်လၢ နကလုၢ်ကထါအဂ့ၢ်လီၤ.

စံးထီၣ်ပတြၢၤ 119:23

ပဒိၣ်ဖးဒိၣ်တဖၣ်ဒၣ်လဲာ်ဆ့ၣ်နီၤဒီးကူၣ်ထီဒါယၤလီၤ. မ့မ့ၢ်ယဲဒၣ်အံၤယကမၤလိ နတၢ်သိၣ်လိသီလိတဖၣ်န့ၣ်လီၤ.

စံးထီၣ်ပတြၢၤ 119:48

ယပာ်ကဲနတၢ်မၤလိာ်တဖၣ်လၢယအဲၣ်ဘၣ်အီၤအဃိ, ဒီးယကဆိကမိၣ်ထီၣ် နတၢ်သိၣ်တၢ်သီတဖၣ်န့ၣ်လီၤ.

စံးထီၣ်ပတြၢၤ 119:6

တုၤယဟ့ၣ်လီၤယတၢ်ဆိကမိၣ်လၢ နတၢ်မၤလိာ်ခဲလၢာ်ဒီး, ယတဘၣ်တၢ်မၤမဲာ်ဆှးယၤဘၣ်.

စံးထီၣ်ပတြၢၤ 119:78

မ်ပှၤပာ်ထီၣ်ထီအသးန့ၣ်ကဘၣ်တၢ်မၤမဲာ်ဆှးအီၤ မ့ၢ်လၢမၤအၢယၤလၢ တၢ်ကဘျံးကဘျၣ်အဃိန့ၣ်တက့ၢ်. မ့မ့ၢ်ယဲဒၣ်အံၤယကဆိကမိၣ်တၢ်လၢ နတၢ်မၤလိာ်တဖၣ်န့ၣ်လီၤ.

စံးထီၣ်ပတြၢၤ 119:97

ယအဲၣ်နတၢ်သိၣ်တၢ်သီဆံးဒိၣ်လဲၣ်. ယဆိကမိၣ်တၢ်လၢအဂ့ၢ်အကျိၤသ့သ့တနံၤလီၤ.

စံးထီၣ်ပတြၢၤ 119:99

ယအိၣ်ဒီးတၢ်နၢ်ပၢၢ်အါန့ၢ် ပှၤသိၣ်လိယၤခဲလၢာ်တက့ၢ်လီၤ. အဂ့ၢ်ဒ်အံၤ, ယဆိကမိၣ် နတၢ်အုၣ်နသးတဖၣ်အဂ့ၢ်အကျိၤလီၤ.

ယၤကိာ် 1:25

ဘၣ်ဆၣ်ဒီးပှၤတဂၤဂ့ၤတဂၤဂ့ၤလၢအကွၢ်ထံတၢ်သိၣ်တၢ်သီ အလၢအပှဲၤလၢအမၤထူၣ်ဖျဲးပှၤကညီ, လၢအကွၢ်ထံမၤလိဝဲ တထံၣ်ဃီ, ဒီးတမ့ၢ်ထဲအဒိကနၣ်ဝဲဒီးသးပ့ၤနီၣ်ကွံာ်အီၤန့ၣ်ဘၣ်, မ့မ့ၢ်အိၣ်မူမၤထွဲဝဲန့ၣ်, ကစၢ်ယွၤကဆိၣ်ဂ့ၤအီၤလၢအတၢ်ဖံး တၢ်မၤအပူၤန့ၣ်လီၤ.