စံးထီၣ်ပတြၢၤ 119:149 - Sgaw Karen Common Bible

¹⁴⁹ ယွၤဧၢ, ဒိကနၣ်လၢ်ယကလုၢ်လၢနတၢ်အဲၣ် ဂၢၢ်ကျၢၤအပူၤန့ၣ်တက့ၢ်. လၢနစံၣ်ညီၣ်တၢ်အပူၤန့ၣ်ပာ်မူယၤတက့ၢ်.

စံးထီၣ်ပတြၢၤ 119:149 Iomraidhean Croise

စံးထီၣ်ပတြၢၤ 109:21

ဘၣ်ဆၣ်နဲဒၣ်ယယွၤ, စီၤပၤဖးဒိၣ်ဧၢ, မၤစၢၤယၤဒ်နအၢၣ်လီၤတ့ၢ်နဲအသိး ဒီးမၤပူၤဖျဲးယၤလၢ နတၢ်အဲၣ်အတၢ်ဂ့ၤတၢ်ဝါ အဃိန့ၣ်တက့ၢ်.

စံးထီၣ်ပတြၢၤ 119:154

အိၣ်ပှိၤယကွီၢ်, ဒီးမၤပူၤဖျဲးယၤတက့ၢ်. ဒ်နတၢ်အၢၣ်လီၤအသိးန့ၣ်ဟ့ၣ်လၢ်ယၤ တၢ်မူန့ၣ်တက့ၢ်.

စံးထီၣ်ပတြၢၤ 119:156

ယွၤဧၢ, နတၢ်သူၣ်ကညီၤသးကညီၤန့ၣ်ဒိၣ်နီၢ်မးလီၤ. ဟ့ၣ်လၢ်ယၤတၢ်မူဒ် နတၢ်စံၣ်ညီၣ်အသိးန့ၣ်တက့ၢ်.

စံးထီၣ်ပတြၢၤ 119:25

ယသးစဲဘူးဒီးဟီၣ်ခိၣ်အကမူၣ်လီၤ. ယဘၣ်တၢ်ဆီၣ်လီၤယၤလၢ ဖၣ်ဆါအကျါလီၤ. မၤမူထီၣ်က့ၤယၤဒ်နကလုၢ်နကထါအသိးန့ၣ်တက့ၢ်.

စံးထီၣ်ပတြၢၤ 119:40

ကွၢ်ကွၢ်, ယဆၢတိၢ်န့ၢ်ဘၣ်နတၢ်သိၣ်တၢ်သီတဖၣ်လီၤ. ဟ့ၣ်လၢ်ယၤတၢ်အိၣ်မူအသီလၢ နတၢ်တီတၢ်လိၤအပူၤန့ၣ်တက့ၢ်.

စံးထီၣ်ပတြၢၤ 119:88

လၢနတၢ်အဲၣ်ဂၢၢ်ကျၢၤအပူၤပာ်မူယၤ ဒ်သိး ယကတိၢ်န့ၢ်ဟံးဃာ် နထးခိၣ်အတၢ်အုၣ်အသးန့ၣ်တက့ၢ်.

စံးထီၣ်ပတြၢၤ 51:1

ကစၢ်ယွၤဧၢ, သူၣ်ကညီၤသးကညီၤလၢ်ယၤ, ဒ်နတၢ်အဲၣ်ဂၢၢ်ကျၢၤအိၣ်ဝဲအသိး, ဒီးဒ်နတၢ်သးကညီၤအိၣ်အါအါကလဲာ်အသိးန့ၣ် တြူာ်ကွံာ်ယတၢ်မၤကမၣ်တၢ်တဖၣ်န့ၣ်တက့ၢ်.

စံးထီၣ်ပတြၢၤ 55:2

ဒိကနၣ်ယကလုၢ်, ဒီးစံးဆၢလၢ်ယၤတက့ၢ်. ယဘၣ်တၢ်မၤနၢၤယၤလၢယတၢ်ကိၢ်တၢ်ဂီၤ တဖၣ်န့ၣ်လီၤ.

စံးထီၣ်ပတြၢၤ 64:1

ကစၢ်ယွၤဧၢ, ဒိကနၣ်လၢ်ယတၢ်ထုကဖၣ်န့ၣ်တက့ၢ်. ယအိၣ်လၢတၢ်ကိၢ်တၢ်ဂီၤအပူၤလီၤ. ယပျံၤယဲယဒုၣ်ယဒါသ့ၣ်တဖၣ်လီၤ. မၤပူၤဖျဲးယသးသမူန့ၣ်တက့ၢ်.

စံးထီၣ်ပတြၢၤ 69:16

ယွၤဧၢ, စံးဆၢလၢ်ယၤတက့ၢ်. အဂ့ၢ်ဒ်အံၤ, နတၢ်အဲၣ်ဂၢၢ်ကျၢၤမ့ၢ်တၢ်ဂ့ၤလီၤ. ဃၣ်နသးဆူယအိၣ်ဒ်နတၢ်သးကညီၤ အလၢအပှဲၤအသိးန့ၣ်တက့ၢ်.

လံာ်ယၡါယၤ 63:7

ယကတဲဖျါယွၤအတၢ်အဲၣ်လၢအတလီၤတူၢ်လီၤကာ်အဂ့ၢ်န့ၣ်လီၤ. ယစံးထီၣ်ပတြၢၤအီၤလၢတၢ်လၢအမၤတ့ၢ်ဝဲလၢပဂီၢ် ခဲလၢာ်အဃိန့ၣ်လီၤ. အဝဲဆိၣ်ဂ့ၤတ့ၢ်အံၣ်စရ့လးအပှၤဂီၢ်မုၢ်ထူးထူးတီၤတီၤလၢ အတၢ်သးကညီၤဒီးအတၢ်အဲၣ်တထံၣ်ဃီ အဃိန့ၣ်လီၤ.