စံးထီၣ်ပတြၢၤ 119:142 - Sgaw Karen Common Bible

¹⁴² နတၢ်တီတၢ်လိၤန့ၣ်ကအိၣ်ဝဲလီၤထူလီၤယိာ်, ဒီးနတၢ်သိၣ်တၢ်သီန့ၣ်မ့ၢ်တၢ်မ့ၢ်တၢ်တီလီၤ.

စံးထီၣ်ပတြၢၤ 119:142 Iomraidhean Croise

စံးထီၣ်ပတြၢၤ 119:144

နတၢ်အုၣ်နသးတဖၣ်န့ၣ် မ့ၢ်တၢ်တီတၢ်လိၤထီဘိလီၤ. ဒုးနၢ်ပၢၢ်ယၤတက့ၢ်, ဒီးယကမူလီၤ.

စံးထီၣ်ပတြၢၤ 119:151

ယွၤဧၢ, ဘၣ်ဆၣ်နအိၣ်ဘူးနဲဒီးယၤ ဒီးနတၢ်မၤလိာ်ခဲလၢာ်န့ၣ်မ့ၢ်အမ့ၢ်အတီလီၤ.

စံးထီၣ်ပတြၢၤ 119:160

နကလုၢ်ကထါအကံၢ်အလဲန့ၣ် မ့ၢ်တၢ်တီတၢ်လိၤလီၤ. ဒီးနတၢ်တီတၢ်လိၤအတၢ်စံၣ်ညီၣ်တဖၣ်န့ၣ် အိၣ်ဝဲလီၤစိၤလီၤထီကိးထံၣ်ဒဲးလီၤ.

စံးထီၣ်ပတြၢၤ 19:9

တၢ်ပျံၤယွၤန့ၣ်စီဝဲဆှံဝဲ, ဒီးအိၣ်ဝဲအစိၤစိၤအဃၣ်ဃၣ်လီၤ. ယွၤအတၢ်စံၣ်ညီၣ်တဖၣ်န့ၣ်မ့ၢ်အမ့ၢ်အတီ ဒီးလိၤဝဲတီဝဲခဲလၢာ်လီၤ.

စံးထီၣ်ပတြၢၤ 36:6

နတၢ်တီတၢ်လိၤန့ၣ်လီၤဂာ်ဒီးကစၢၢ်တဖၣ်လၢအအိၣ်ထီၣ်ထီ နတၢ်စံၣ်ညီၣ်တီတဖၣ်န့ၣ် လီၤဂာ်ဒီးပီၣ်လဲၣ်အတၢ်ပူၤယိာ်န့ၣ်လီၤ. ယွၤဧၢ, ပှၤကညီဒီးဆၣ်ဖိကီၢ်ဖိန့ၣ်နကဟုကယာ်အီၤလီၤ.

လံာ်ယၡါယၤ 51:6

ကွၢ်ထီၣ်တၢ်ဆူမူခိၣ်မူကပိာ်လိၤ, ကွၢ်တၢ်ဆူဟီၣ်ခိၣ်တက့ၢ်. မူခိၣ်မူကပိာ်လိၤကလီၤမၢ်ကွံာ်ဝဲဒ်မ့ၣ်အူလုၣ်အသိး, ဟီၣ်ခိၣ်ကလီၢ်လံၤဖီဃးကွံာ်ဝဲဒ်ဆ့ကၤလီၢ်လံၤ အသိးလီၤ. ဒီးအပှၤဂီၢ်မုၢ်ခဲလၢာ်ကသံဝဲဒ် သၣ်ဘုလါတဖၣ်အသိးလီၤ. ဘၣ်ဆၣ်ဒီးတၢ်မၤပူၤဖျဲးလၢယဟဲစိာ်န့ၣ် ကအိၣ်ဝဲလီၤထူလီၤယိာ် ဒီးယတၢ်မၤနၢၤအကတၢၢ်တအိၣ်ဝဲဘၣ်လီၤ.

လံာ်ယၡါယၤ 51:8

အဝဲသ့ၣ်ကဟါမၢ်ကွံာ်ဝဲဒ်တၢ် ကူတၢ်ကၤလၢအဃၢ်အီၣ်ကွံာ်အီၤအသိးလီၤ. မ့မ့ၢ်, တၢ်မၤပူၤဖျဲးလၢယဟဲစိာ်န့ၢ်သုန့ၣ်, ကအိၣ်ဂၢၢ်ဆိးကျၢၤဝဲလီၤထူလီၤယိာ်လီၤ. ယတၢ်မၤနၢၤကအိၣ်ဂၢၢ်အိၣ်ကျၢၤ ကိးဆၢကိးကတီၢ်ဒဲးလီၤ.”

လံာ်ဒၤနံးယ့လး 9:24

တၢ်အနံၣ်နွံဆံအဘျီနွံဝီအံၤမ့ၢ်တၢ်ဆၢကတီၢ်လၢကစၢ်ယွၤ ပာ်လီၤအီၤလၢတၢ်မၤထူၣ်ဖျဲးနပှၤဂီၢ်မုၢ်, ဒီးနဝ့ၢ်စီဆှံလၢတၢ် ဒဲးဘးဒီးတၢ်အၢတၢ်သီအပူၤလီၤ. တၢ်ဒဲးဘးကဘၣ်တၢ်ပျၢ်အီၤဒီး တၢ်စံၣ်ညီၣ်တီအထူအယိာ်ကဘၣ်တၢ်ဒုးအိၣ်ဂၢၢ်ကျၢၤအီၤ, ဒ်သိးတၢ်ထံၣ်လၢညါခီဒီးဝံအတၢ်စံးပာ်ကလၢထီၣ်ပှဲၤထီၣ်ဝဲ, ဒီးတၢ်လုၢ်ဟံၣ်စီဆှံကဘၣ်တၢ်ပာ်စီဆှံထီၣ်ကဒါက့ၤအီၤအဂီၢ်လီၤ.

လံာ်ယိၤဟၣ် 17:17

မၤစီဆှံထီၣ်အဝဲသ့ၣ်လၢနဂီၢ်ဒၣ်နဲခီဖျိတၢ်မ့ၢ်တၢ်တီ တက့ၢ်. နကလုၢ်နကထါန့ၣ်, မ့ၢ်တၢ်မ့ၢ်တၢ်တီလီၤ.

အ့းဖ့းစူး 4:21

သုနၢ်ဟူတ့ၢ်လံဒီးဒ်အပျဲၢ်အဘီၣ်တဖၣ်အသိးသုဘၣ် တၢ်သိၣ်လိသီလိတ့ၢ်သုလၢတၢ်မ့ၢ်တၢ်တီလၢအအိၣ်လၢ ယ့ၣ်ၡူးခရံာ်အပူၤန့ၣ်လီၤ.