စံးထီၣ်ပတြၢၤ 119:141 - Sgaw Karen Common Bible

¹⁴¹ ယမ့ၢ်ပှၤအဆံးဒီးပှၤတပာ်ကဲဘၣ်ယၤဘၣ်. ဘၣ်ဆၣ်ယတသးပ့ၤနီၣ်ဘၣ် နတၢ်မၤလိာ်တဖၣ်ဘၣ်.

စံးထီၣ်ပတြၢၤ 119:141 Iomraidhean Croise

စံးထီၣ်ပတြၢၤ 119:109

ယအိၣ်ကတဲာ်ကတီၤယသးထီဘိလၢ တၢ်သံခ့သံပှၤအဂီၢ်လီၤ. ယတသးပ့ၤနီၣ်ဘၣ်နတၢ်သိၣ်တၢ်သီဘၣ်.

စံးထီၣ်ပတြၢၤ 119:16

ယကမုာ်လၤသးခုလၢနတၢ်မၤလိာ်တဖၣ်အပူၤလီၤ. ယတသးပ့ၤနီၣ်ဘၣ်နကလုၢ်ကထါဘၣ်.

စံးထီၣ်ပတြၢၤ 119:176

ယဟးဖျိးကျဲဒ်သိလၢအဟါမၢ်တဒုအသိးလီၤ. ဟဲဒီးဃုက့ၤနခ့နပှၤတက့ၢ်. အဂ့ၢ်ဒ်အံၤ, ယတသးပ့ၤနီၣ်ဘၣ် နတၢ်မၤလိာ်တဖၣ်ဘၣ်လီၤ.

စံးထီၣ်ပတြၢၤ 22:6

မ့မ့ၢ်ယဲဒၣ်အံၤယတမ့ၢ်လၢၤပှၤကညီလၢၤဘၣ်. ယမ့ၢ်ဒၣ်ထိးကလဲာ်တဘိလၢ အဘၣ်တၢ်သးဘၣ်အၢအီၤ ဒီးဘၣ်တၢ်ဒုၣ်ဒွဲၣ်လၢပှၤကိးဂၤဒဲးန့ၣ်လီၤ.

စံးထီၣ်ပတြၢၤ 40:17

ယွၤဧၢ, ယဂံၢ်ယဘါစၢ်ဒီးယဖှီၣ်ယဲလီၤ. ဘၣ်ဆၣ်နတသးပ့ၤနီၣ်တ့ၢ်ယၤဘၣ်. နမ့ၢ်ပှၤလၢအမၤပူၤဖျဲးယၤဒီးယကစၢ်ယွၤလီၤ. မၤယံာ်နသးလၢနကမၤစၢၤယၤအဂီၢ်န့ၣ်တဂ့ၤ.

တၢ်ကတိၤဒိ. 15:16

ဂ့ၤတက့ၢ်လၢပဖှီၣ်ဒီးပျံၤယွၤဒိၣ်န့ၢ်ပထူးပတီၤဒီးအိၣ်လၢ တၢ်ကီတၢ်ခဲအပူၤန့ၣ်လီၤ.

တၢ်ကတိၤဒိ. 16:8

တၢ်အိၣ်ဒီးတၢ်တစဲးဖိလၢတၢ်မၤန့ၢ်အီၤလၢတၢ်တီတၢ်လိၤအပူၤ န့ၣ်, ဂ့ၤဒိၣ်န့ၢ်ဒံးတၢ်အိၣ်ဒီးတၢ်အါလၢတၢ်မၤန့ၢ်အီၤလၢတၢ်တတီ တလိၤအပူၤတက့ၢ်န့ၣ်လီၤ.

တၢ်ကတိၤဒိ. 19:1

တၢ်မ့ၢ်ပှၤဖှီၣ်ဖိတဂၤလၢအတီအလိၤန့ၣ်, ဂ့ၤဒိၣ်န့ၢ်ဒံးတၢ်မ့ၢ်ပှၤဟးဂီၤဖိတဂၤလၢအလီတၢ်န့ၣ်လီၤ.

တၢ်ကတိၤဒိ. 3:1

ယဖိခွါဧၢ, သးပ့ၤနီၣ်ယသိၣ်က့ၤသီက့ၤတၢ်တဂ့ၤ. တၢ်လၢယမၤလိာ်နၤဒ်သိးနကမၤအီၤန့ၣ်ဟံးဃာ်အီၤထီဘိ တက့ၢ်.

လံာ်ယၡါယၤ 53:3

ပသးဘၣ်အၢအီၤဒီးပညိကွံာ်အီၤလီၤ. အဝဲတူၢ်ဘၣ်တၢ်နးတၢ်ဖှီၣ်ဒီးတၢ်ဆူးတၢ်ဆါန့ၣ်လီၤ. ပှၤတကွၢ်ဃီၤအီၤဒၣ်လဲာ်နီတဂၤဘၣ်. ပကွၢ်ကပာ်ကွံာ်အီၤဒ်အဝဲတမ့ၢ်တၢ်နီတမံၤဘၣ်အသိးန့ၣ်လီၤ.

လံာ်လူၤကၣ် 6:20

ယ့ၣ်ၡူးကွၢ်ဃီၤအပျဲၢ်အဘီၣ်တဖၣ်ဒီးစံးဝဲ, “သုဝဲပှၤဖှီၣ်ဖိယာ်ဖိတဖၣ်အံၤ သုဘၣ်ဆိၣ်ဂ့ၤနီၢ်နီၢ်လီၤ. အဂ့ၢ်ဒ်အံၤ, ကစၢ်ယွၤအဘီအမုၢ်မ့ၢ်သုတၢ်လီၤ.

လံာ်လူၤကၣ် 9:58

ယ့ၣ်ၡူးစံးဘၣ်အီၤ, “ထွံၣ်ဟီၣ်ခိၣ်တဖၣ်အိၣ်ဒီးအပူၤတဖၣ်, ဒီးထိၣ်တဖၣ်အိၣ်ဒီးအသွံတဖၣ်လီၤ. မ့မ့ၢ်ပှၤကညီဖိခွါအံၤ ထဲအကမံလီၤဒီးအိၣ်ဘှံးအိၣ်သါအဂီၢ်ဒၣ်လဲာ်, တၢ်လီၢ်တၢ်ကျဲတအိၣ်နီတပူၤဘၣ်.”

၂ ကရံၣ်သူး 8:9

သုသ့ၣ်ညါပကစၢ်ယ့ၣ်ၡူးခရံာ်အဘျုးအဖှိၣ်လီၤ. အဝဲဒၣ်ထူးတီၤဆံးအါသနာ်က့, လၢသုဃိ, လၢသုဂီၢ်အဝဲဒၣ်မၤဖှီၣ်လီၤအသးဒ်သိးအကဒုး ထူးထီၣ်တီၤထီၣ်သုခီဖျိအဝဲအတၢ်ဖှီၣ်တၢ်ယာ်န့ၣ်လီၤ.

ယၤကိာ် 2:5

ယဒီပုၢ်ဝဲၢ်သးဘိသ့ၣ်ဧၢ, ဒိကနၣ်တက့ၢ်. ကစၢ်ယွၤဃုထၢပှၤအဖှီၣ်လၢဟီၣ်ခိၣ်အံၤဒ်သိး ကထူးဝဲတီၤဝဲလၢတၢ်စူၢ်တၢ်နာ်ဒီးမၤန့ၢ်ဘီမုၢ်လၢ အအၢၣ်လီၤတ့ၢ်ဝဲလၢပှၤလၢအအဲၣ်အီၤတဖၣ်အဂီၢ်န့ၣ်လီၤ.