စံးထီၣ်ပတြၢၤ 119:14 - Sgaw Karen Common Bible

¹⁴ ယမုာ်လၤသးခုလၢတၢ်ပိာ်ထွဲနတၢ်မၤလိာ်သ့ၣ်တဖၣ် ဒိၣ်န့ၢ်တၢ်အိၣ်ဒီးတၢ်စုလီၢ်ခီၣ်ခိၣ်လၢ အအါန့ၣ်လီၤ.

စံးထီၣ်ပတြၢၤ 119:14 Iomraidhean Croise

လံာ်စီၤယိၤဘး 23:12

တၢ်လၢကစၢ်ယွၤမၤလိာ်ဝဲတဖၣ်န့ၣ်ယမၤယဲထီဘိလီၤ. ယပိာ်ထွဲယဲတၢ်ဘၣ်အသး, တမ့ၢ်ဘၣ်ယသးအတၢ်ဆၢန့ၢ် တဖၣ်န့ၣ်ဘၣ်.

စံးထီၣ်ပတြၢၤ 112:1

စံးထီၣ်ပတြၢၤယွၤတက့ၢ်. ပှၤလၢအပျံၤယွၤ, ပှၤလၢအသးခုဒိၣ်ဒိၣ်ကလဲာ်လၢတၢ်စူၢ် အတၢ်မၤလိာ်အပူၤန့ၣ်ဘၣ်ဆိၣ်ဂ့ၤဝဲလီၤ.

စံးထီၣ်ပတြၢၤ 119:111

နတၢ်အုၣ်နသးတဖၣ် မ့ၢ်ယတၢ်န့ၢ်သါလီၤထူလီၤယိာ်လီၤ. အဂ့ၢ်ဒ်အံၤ, အဝဲန့ၣ် မ့ၢ်ယသးအတၢ်သူၣ်ဖှံသးညီန့ၣ်လီၤ.

စံးထီၣ်ပတြၢၤ 119:127

မၤသးဒ်န့ၣ်ဒီးယအဲၣ်နတၢ်မၤလိာ်တဖၣ် အါန့ၢ်ထူဧိၤလွဲဧိၤ, ဒီးထူစီတက့ၢ်လီၤ.

စံးထီၣ်ပတြၢၤ 119:162

ယသူၣ်ဖှံသးညီလၢနတၢ်အၢၣ်လီၤအီလီၤတဖၣ်အပူၤ ဒ်ပှၤလၢအထံၣ်န့ၢ်တၢ်ထူးတၢ်တီလုၢ်ဒိၣ်ပှၤဒိၣ် အါအါကလဲာ်အသိးန့ၣ်လီၤ.

စံးထီၣ်ပတြၢၤ 119:47

အဂ့ၢ်ဒ်အံၤ, ယထံၣ်န့ၢ်ယတၢ်မုာ်တၢ်လၤလၢ နတၢ်မၤလိာ်တဖၣ် လၢယအဲၣ်ဘၣ်အီၤအပူၤန့ၣ်လီၤ.

စံးထီၣ်ပတြၢၤ 119:72

နတၢ်သိၣ်တၢ်သီလၢနထးခိၣ်အံၤ ဂ့ၤဝဲလၢယဂီၢ်ဒိၣ်န့ၢ်ဒံးထူဧိၤလွဲဧိၤ ဒီး ကျိၣ်ဧိၤစ့ဧိၤအကထိတဖၣ်တက့ၢ်န့ၣ်လီၤ.

စံးထီၣ်ပတြၢၤ 119:77

မ်နတၢ်သူၣ်ကညီၤသးကညီၤလီၤဘၣ်ယၤ, ဒ်သိးယကမူတက့ၢ်. အဂ့ၢ်ဒ်အံၤ, နတၢ်သိၣ်တၢ်သီ မ့ၢ်ယတၢ်မုာ်လၤလီၤ.

လံာ်ယံးရမံယၤ 15:16

နကတိၤတ့ၢ်တၢ်ဒီးယၤ, ဒီးယဒိကနၣ်နတၢ်ကတိၤကိးထံၣ်ဒဲး န့ၣ်လီၤ. ယွၤ, သ့တၢ်လၢာ်ကစၢ်ယွၤဧၢ, ယဘၣ်ဃးဒီးနၤသတးဒီးနတၢ် ကတိၤတဖၣ်မၤပှဲၤယသးဒီးတၢ်သးခုဒီးတၢ်သူၣ်ဖှံသးညီန့ၣ်လီၤ.

လံာ်မးသဲ 13:44

မူခိၣ်အဘီအမုၢ်န့ၣ်လီၤဂာ်ဒီးတၢ်လုၢ်ဒိၣ်ပှ့ၤဒိၣ်လၢ အဘၣ်တၢ်ပာ်ခူသူၣ်အီၤလၢစံာ်ပျီတဘ့ၣ်အပူၤလီၤ. ပှၤလၢအထံၣ်န့ၢ်ဝဲတဂၤန့ၣ်, မၤဘံၣ်မၤဘၢအီၤဝံၤဒီး လၢတၢ်သးခုအပူၤ, လဲၤဒီးဆါကွံာ်တၢ်လၢအအိၣ်ဒီးအီၤခဲ လၢာ်, ဒီးဟဲက့ၤပှ့ၤစံာ်ပျီအဝဲန့ၣ်လီၤ.