စံးထီၣ်ပတြၢၤ 119:126 - Sgaw Karen Common Bible

¹²⁶ ဆၢကတီၢ်ဘၣ်လံလၢယွၤကမၤတၢ်လီၤ. အဂ့ၢ်ဒ်အံၤ, နတၢ်သိၣ်တၢ်သီတဖၣ် ဘၣ်တၢ်ဘိးကဒါကွံာ်အီၤလံ.

စံးထီၣ်ပတြၢၤ 119:126 Iomraidhean Croise

လံာ်တၢ်ကဲထီၣ်အခီၣ်ထံး 22:14

စီၤအၤဘြၤဟၣ်ယုၢ်တၢ်လီၢ်န့ၣ်အမံၤလၢ, “ယဟိဝၤယံၤရၤ” အခီပညီ, “ယွၤထံၣ်တၢ်ဟ့ၣ်တၢ်” လီၤ. ဒီးတုၤလီၤလၢမုၢ်မဆါတနံၤအံၤဒၣ်လဲာ်ပှၤဂီၢ်မုၢ်စံး, “လၢယွၤအကစၢၢ်ဒီခိၣ်န့ၣ်ယွၤအိၣ်ဖျါထီၣ်ဝဲလီၤ.”

လံာ်စီၤပၤအခီၣ်ထံးတဘ့ၣ် 19:10

အဝဲစံးဆၢဝဲ, “ယွၤ, သ့တၢ်လၢာ်ကစၢ်ယွၤဧၢ, ထီဘိယမၤတ့ၢ်နတၢ်မၤဒီးမၤဒၣ်ထဲတဂၤဧိၤအတၢ်မၤန့ၣ်လီၤ. မ့မ့ၢ်ကီၢ်အံၣ်စရ့လးအပှၤဂီၢ်မုၢ်မၤဟးဂီၤကွံာ်အတၢ်အၢၣ်လီၤ ဒီးနၤ, မၤလီၤပှီၢ်ကွံာ်နတၢ်လုၢ်လီၢ်တဖၣ်ဒီးမၤသံကွံာ်လံနဝံခဲလၢာ် န့ၣ်လီၤ. ယမ့ၢ်ပှၤထဲတဂၤဧိၤလၢအအိၣ်လီၤတဲာ်, ဒီးအဝဲသ့ၣ်ကျဲးစၢးမၤ သံယၤန့ၣ်လီၤ.”

စံးထီၣ်ပတြၢၤ 102:13

နကဂဲၤဆၢထၢၣ်ဒီးသူၣ်ကညီၤသးကညီၤစံယိၣ်လီၤ. အဂ့ၢ်ဒ်အံၤ, တၢ်ဆၢကတီၢ်လၢနသ့ၣ်ပာ်လၢ နကသူၣ်ကညီၤသးကညီၤအီၤန့ၣ်ဘၣ်လံ.

စံးထီၣ်ပတြၢၤ 102:14

မ့ၢ်ဘၣ်တၢ်မၤဟးဂီၤကွံာ်အီၤဒၣ်လဲာ် နခ့နပှၤတဖၣ်အဲၣ်အီၤ, မ့ၢ်အိၣ်လၢတၢ်ဟးဂီၤအပူၤဒၣ်လဲာ် အဝဲသ့ၣ်သးကညီၤဘၣ်အီၤလီၤ.

စံးထီၣ်ပတြၢၤ 9:19

ယွၤဧၢ, ဂဲၤဆၢထၢၣ်တက့ၢ်. မ်ပှၤကညီအသုတခီၣ်ဆၢနၤတဂ့ၤ. မ်ပှၤတဘူၣ်ထီၣ်ဘါထီၣ်နၤတဖၣ် ဘၣ်တၢ်စံၣ်ညီၣ်အီၤလၢနမဲာ်ညါတက့ၢ်.

လံာ်ယၡါယၤ 42:14

ကစၢ်ယွၤစံးဝဲ, “ယအိၣ်ဘှ့ၣ်အိၣ်ဘှီၣ်ယံာ်တ့ၢ်မးလံ ဒီးယတစံးဆၢယပှၤဂီၢ်မုၢ်ဘၣ်. ဘၣ်ဆၣ်ဒီးခဲအံၤန့ၣ်တၢ်ဆၢကတီၢ်လၢယကမၤတၢ်အဂီၢ်တုၤလံ. ယကိးထီၣ်ဒ်ပိာ်မုၣ်တဂၤလၢအဟုးဆါဒီးကဆံးစၢ်ဝဲအသိးလီၤ.

လံာ်ယံးရမံယၤ 8:8

သုစံးလၢသုကူၣ်တၢ်သ့ဒီးလၢသုသ့ၣ်ညါ ယတၢ်စူၢ်တၢ်နာ်အတၢ်သိၣ်တၢ်သီတဖၣ်သ့ဒ်လဲၣ်. ကွၢ်ကွၢ်, တၢ်စူၢ်တၢ်နာ်အတၢ်သိၣ်တၢ်သီတဖၣ်ဘၣ်တၢ် လဲလိာ်ကွံာ်အီၤလၢပှၤကွဲးလံာ်လၢအတတီတလိၤတဖၣ်န့ၣ်လီၤ.

လံာ်ဃဘးကူာ် 1:4

တၢ်သိၣ်တၢ်သီစၢ်လီၤဝဲဒီးတဂိာ်တသီၣ်လၢၤဘၣ်. ဒီးတၢ်စံၣ်ညီၣ်တီတမၤလၢၤအသးနီတစုဘၣ်. ပှၤတတီတလိၤ တဖၣ်မၤနၢၤပှၤတီပှၤလိၤတဖၣ်ဒီးတၢ်စံၣ်ညီၣ် တီဘၣ်တၢ်ဘိးကဒါကွံာ်အီၤလီၤ.

လံာ်မၤလကံ 2:8

မ့မ့ၢ်ခဲကနံၣ်အံၤ, သုဝဲပှၤလုၢ်တၢ်အခိၣ်တဖၣ်သုဃၣ် ကွံာ်တ့ၢ်သုသးလၢကျဲအတီအလိၤန့ၣ်လံ. သုတၢ်သိၣ်လိဆှၢပှၤအါဂၤလၢကမၤကမၣ်တၢ်န့ၣ်လီၤ. သုမၤဟးဂီၤကွံာ်တၢ်အၢၣ်လီၤအီလီၤလၢယမၤတ့ၢ်ဒီးသုလီၤ.

လံာ်မးသဲ 15:6

အလီၢ်တအိၣ်ဘၣ်လၢအကယူးယီၣ်အမိၢ်အပၢ်လၢၤဘၣ်န့ၣ်လီၤ. လၢကျဲဒ်အံၤ, သုမၤဟးဂီၤကွံာ်ယွၤအတၢ်မၤလိာ်, ဒ်သိးသုကမၤဘၣ်သုလုၢ်သုလၢ်ဒၣ်ဝဲန့ၣ်လီၤ.

ရိမ့ၤ 3:31

တၢ်အဝဲအံၤအခီပညီမ့ၢ်ပတၢၤကွံာ်တၢ်သိၣ်တၢ်သီလၢတၢ် စူၢ်တၢ်နာ်အံၤန့ၣ်ဧါ. တမ့ၢ်ဒ်န့ၣ်ဘၣ်. မ့မ့ၢ်ပပာ်ဂၢၢ်ပာ်ကျၢၤတၢ်သိၣ်တၢ်သီအံၤတခီန့ၣ်လီၤ.

ရိမ့ၤ 4:14

မ့ၢ်အဂ့ၢ်ဒ်လဲၣ်န့ၣ်, တၢ်လၢကစၢ်ယွၤအၢၣ်လီၤအီလီၤတဖၣ်မ့မ့ၢ်ဒၣ်ထဲလၢ ပှၤလၢအတိၢ်န့ၢ်တၢ်သိၣ်တၢ်သီတဖၣ်အဂီၢ်န့ၣ်ဒီး, ပှၤကညီအတၢ်စူၢ်တၢ်နာ်အခီပညီတအိၣ်နီတမံၤလၢၤဘၣ်, ဒီးကစၢ်ယွၤအတၢ်အၢၣ်လီၤအီလီၤကဲထီၣ်တၢ်ကလီကလီန့ၣ်လီၤ.

လံာ်သိၣ်လီၤသီလီၤတၢ် 32:36

ယွၤကမၤပူၤဖျဲးပှၤဂီၢ်မုၢ်, ဖဲအဝဲထံၣ်ဘၣ်လၢအဝဲသ့ၣ်အဂံၢ်အဘါလၢာ်ကွံာ်လံန့ၣ်လီၤ. အဝဲကအိၣ်ဒီးတၢ်သးကညီၤဘၣ်ပှၤတဖၣ်လၢ အမၤအတၢ်, ဖဲအဝဲထံၣ်ဘၣ်လၢအဝဲသ့ၣ်အတၢ်မၤစၢၤလၢာ်ကွံာ်ဝဲလံန့ၣ်လီၤ.