စံးထီၣ်ပတြၢၤ 119:12 - Sgaw Karen Common Bible

¹² ယွၤဧၢ, မ်နဘၣ်တၢ်စံးထီၣ်ပတြၢၤနၤတက့ၢ်. သိၣ်လိယၤလၢနတၢ်မၤလိာ်န့ၣ်တက့ၢ်.

စံးထီၣ်ပတြၢၤ 119:12 Iomraidhean Croise

စံးထီၣ်ပတြၢၤ 119:108

ယွၤဧၢ, တူၢ်လိာ်ဘၣ်ယတၢ်စံးထီၣ်ပတြၢၤ အတၢ်ထုကဖၣ်န့ၣ်တက့ၢ်. ဒီးသိၣ်လိယၤလၢနတၢ်မၤလိာ်တဖၣ်န့ၣ်တက့ၢ်.

စံးထီၣ်ပတြၢၤ 119:124

မၤနခ့နပှၤဒ်နတၢ်အဲၣ်ဂၢၢ်ကျၢၤအသိး, ဒီးသိၣ်လိယၤလၢနတၢ်မၤလိာ်တဖၣ်န့ၣ်တက့ၢ်.

စံးထီၣ်ပတြၢၤ 119:135

ဒုးကပီၤထီၣ်နမဲာ်လၢနခ့နပှၤအလိၤ, ဒီးသိၣ်လိယၤလၢနတၢ်မၤလိာ်တဖၣ်န့ၣ်တက့ၢ်.

စံးထီၣ်ပတြၢၤ 119:33

ယွၤဧၢ, သိၣ်လိယၤလၢနတၢ်သိၣ်တၢ်သီ အကျဲန့ၣ်တက့ၢ်. ဒီးယကတိၢ်န့ၢ်ဖံးဃာ်အီၤတုၤအကတၢၢ်လီၤ.

စံးထီၣ်ပတြၢၤ 119:64

ယွၤဧၢ, ဟီၣ်ခိၣ်အံၤပှဲၤဝဲဒီးနတၢ်အဲၣ်ဂၢၢ်ကျၢၤန့ၣ်လီၤ. သိၣ်လိယၤလၢနတၢ်သိၣ်တၢ်သီတဖၣ်န့ၣ်တက့ၢ်.

စံးထီၣ်ပတြၢၤ 119:66

ဟ့ၣ်လီၤယၤလၢတၢ်ကူၣ်သ့အဂ့ၤ, ဒီးတၢ်သ့ၣ်ညါန့ၣ်တက့ၢ်. အဂ့ၢ်ဒ်အံၤ, ယသန့ၤယသးလၢ နတၢ်မၤလိာ်တဖၣ်န့ၣ်လီၤ.

စံးထီၣ်ပတြၢၤ 119:68

နမ့ၢ်တၢ်ဂ့ၤဒီးနမၤဂ့ၤတၢ်လီၤ. သိၣ်လိယၤလၢ နတၢ်သိၣ်တၢ်သီတဖၣ်န့ၣ်တက့ၢ်.

စံးထီၣ်ပတြၢၤ 143:10

သိၣ်လိယၤဒ်သိးယကမၤတၢ်ဘၣ်နသးတက့ၢ်. အဂ့ၢ်ဒ်အံၤ, နမ့ၢ်ယကစၢ်ယွၤလီၤ. မ်နသးလၢအဂ့ၤန့ၣ်ဆှၢယၤလၢကျဲလၢ အမုာ်အပၢၤန့ၣ်တက့ၢ်.

စံးထီၣ်ပတြၢၤ 86:11

ယွၤဧၢ, နဲၣ်လိယၤလၢနကျဲဒ်သိး ယကလဲၤတၢ်လၢနတၢ်မ့ၢ်တၢ်တီအပူၤ, ဒီးဟ့ၣ်ယၤတၢ်သးစၢၢ်ဆၢပံၢ်ကလာ် လၢယကပျံၤနမံၤအဂီၢ်တက့ၢ်.

လံာ်လူၤကၣ် 24:45

တုၤနုၤတစုအဝဲဒၣ်အိးထီၣ်အဝဲသ့ၣ်အသးဒ်သိးအကနၢ် ပၢၢ်တၢ်ကွဲးအသးစီဆှံတဖၣ်

လံာ်ယိၤဟၣ် 14:26

မ့မ့ၢ်, ပှၤမၤစၢၤတၢ်သးစီဆှံလၢပၢ်ကမၢလီၤအီၤလၢယမံၤ အပူၤန့ၣ်, ကသိၣ်လိသီလိသုတၢ်ခဲလၢာ်ဒီးကဒုးသ့ၣ်နီၣ်ထီၣ် သုတၢ်လၢယစံးဘၣ်တ့ၢ်သုခဲလၢာ်န့ၣ်လီၤ.

၁ တံၤမသ့း 1:11

တၢ်သိၣ်လိသီလိအံၤဘၣ်တၢ်ထံၣ်န့ၢ်အီၤလၢတၢ်သးခု ကစီၣ်အပူၤ, လၢတၢ်ဟ့ၣ်လီၤအီၤလၢယစုပူၤဒ်သိးယကတဲ ဖျါထီၣ်အီၤအဂီၢ်, ဒီးမ့ၢ်တၢ်သးခုကစီၣ်လၢအဟဲလၢကစၢ်ယွၤလၢအအိၣ်ဒီး အလၤကပီၤဒီးဘၣ်တၢ်စံးထီၣ်ပတြၢၤအီၤတဂၤအအိၣ် န့ၣ်လီၤ.

၁ တံၤမသ့း 6:15

အတၢ်ဟဲအံၤကဘၣ်တၢ်ဒုးအိၣ်ဖျါထီၣ်အီၤဘၣ်ဆၢဘၣ် ကတီၢ်လၢကစၢ်ယွၤ, လၢအဘၣ်ဆိၣ်ဂ့ၤဒီးပၢတၢ်ထဲတဂၤဧိၤ, စီၤပၤတဖၣ်အစီၤပၤဒီးကစၢ်တဖၣ်အကစၢ်န့ၣ်လီၤ.

၁ ယိၤဟၣ် 2:27

မ့မ့ၢ်သုဝဲတခီ, ခရံာ်လူလီၤဂၢ်လီၤတ့ၢ်အသးလၢသုလိၤလံ. ဖဲအသးစီဆှံအိၣ်ဒံးဒီးသုန့ၣ်, သုတလိၣ်ဘၣ်ပှၤနီတဂၤလၢကသိၣ်လိသုအဂီၢ်ဘၣ်. အဂ့ၢ်ဒ်လဲၣ်န့ၣ်, ယွၤအသးသိၣ်လိသုဘၣ်ဃးတၢ်ခဲ လၢာ်ဒီးတၢ်လၢအဝဲသိၣ်လိန့ၣ်, မ့ၢ်တၢ်မ့ၢ်တၢ်တီဒီး တမ့ၢ်တၢ်လီတၢ်ဝ့ၤဘၣ်. မ့မ့ၢ်ဒ်န့ၣ်ဒီး, စူၢ်ယွၤအသး အတၢ်သိၣ်လိသုဒီးအိၣ်ဆိးလၢခရံာ်အပူၤန့ၣ်တက့ၢ်.