စံးထီၣ်ပတြၢၤ 119:112 - Sgaw Karen Common Bible

¹¹² ယပာ်လီၤယသးလၢ ယကတိၢ်န့ၢ်နတၢ်မၤလိာ်တဖၣ် တုၤမုၢ်တနံၤလၢယသံန့ၣ်လီၤ.

စံးထီၣ်ပတြၢၤ 119:112 Iomraidhean Croise

လံာ်စီၤပၤအခီၣ်ထံးတဘ့ၣ် 8:58

မ်အဝဲဘိးဃၣ်ပသးဆူအအိၣ်လၢပကစူၢ်အီၤ, ဒ်သိးပကအိၣ်မူထီဘိဒ်အဝဲဘၣ်အသးလၢပကအိၣ်မူဝဲအသိး, တိၢ်န့ၢ်ဖံးဃာ်ကယဲၢ်ယွၤအတၢ်သိၣ်တၢ်သီတဖၣ်ဒီးတၢ်မၤလိာ်တဖၣ် လၢအဟ့ၣ်လီၤတ့ၢ်ပမိၢ်ပၢ်ဖံဖုလၢပျၢၤတဖၣ်န့ၣ်တက့ၢ်.

လံာ်ကွဲးနီၣ်တၢ်ခံဘ့ၣ်တဘ့ၣ် 19:3

ဘၣ်ဆၣ်ဒီးလၢနပူၤန့ၣ်တၢ်အဂ့ၤအိၣ်ဒံးဝဲတနီၤန့ၣ်လီၤ. နသုးကွံာ်တ့ၢ်ကယဲၢ်ကစၢ်မုၣ်အၡ့ရၤအတၢ်ပနီၣ်တဖၣ်လၢပှၤဂီၢ်မုၢ် ဘူၣ်ထီၣ်ဘါထီၣ်ဝဲ, ဒီးနဂုာ်ကျဲးစၢးပိာ်ထွဲတ့ၢ်ကစၢ်ယွၤအတၢ်ဘၣ်အသးအခံန့ၣ် လီၤ.”

လံာ်စီၤဧ့စြၤ 7:10

စီၤဧ့စြၤမ့ၢ်ပှၤဟ့ၣ်လီၤအးလီၤတ့ၢ်အသးဒ်သိးကမၤလိယွၤအတၢ် သိၣ်တၢ်သီလၢပှၤယူဒၤဖိအဂီၢ်, ဒ်သိးကမၤထွဲအီၤဒီးဒ်သိးကသိၣ်လိန့ၢ်အံၣ်စရ့လးအပှၤဂီၢ် မုၢ်လၢကယဲၢ်တၢ်စူၢ်တၢ်နာ်အတၢ်သိၣ်တၢ်သီတဖၣ်ဒီးအတၢ်ဘျၢတဖၣ် န့ၣ်လီၤ.

စံးထီၣ်ပတြၢၤ 119:33

ယွၤဧၢ, သိၣ်လိယၤလၢနတၢ်သိၣ်တၢ်သီ အကျဲန့ၣ်တက့ၢ်. ဒီးယကတိၢ်န့ၢ်ဖံးဃာ်အီၤတုၤအကတၢၢ်လီၤ.

စံးထီၣ်ပတြၢၤ 119:36

ဘိးဃၣ်ယသးဆူနတၢ်သိၣ်တၢ်သီတဖၣ်, ဒီးသုတမ့ၢ်ဆူတၢ်သးကွံန့ၣ်တဂ့ၤ.

စံးထီၣ်ပတြၢၤ 119:44

ယကတိၢ်န့ၢ်ဟံးဃာ်နတၢ်သိၣ်တၢ်သီတထံၣ်ဃီ အစိၤစိၤအဃၣ်ဃၣ်န့ၣ်လီၤ.

စံးထီၣ်ပတြၢၤ 141:4

သုတဘိးဃၣ်ယသးဆူတၢ်အၢဒ်သိးယကလဲၤတၢ် ဒီးပှၤမၤတၢ်အၢလၢအတၢ်မၤ တၢ်အၢတၢ်သီအပူၤန့ၣ်တဂ့ၤ. ဒီးမ်ယသုတအီၣ်အတၢ်အီၣ်ဝံၣ်တဖၣ်တဂ့ၤ.

စံးထီၣ်ပတြၢၤ 18:22

ယတိၢ်န့ၢ်အတၢ်သိၣ်တၢ်သီခဲလၢာ်, ယတလုၢ်သ့ၣ်ခါပတာ် အတၢ်မၤလိာ်တဖၣ်န့ၣ်ဘၣ်.

တၢ်ကတိၤဒိ. 2:2

ဒိကနၣ်တၢ်ကူၣ်သ့ဒီးကျဲးစၢးနၢ်ပၢၢ်အီၤတက့ၢ်.

ဖံလံးပံၤ 2:13

အဂ့ၢ်ဒ်အံၤ, ကစၢ်ယွၤမၤတၢ်လၢသုပူၤထီဘိဒ်သိးသုကသးအိၣ် ဒီးဒိကနၣ်မၤထွဲအတၢ်တိာ်ပာ်ကသ့အဂီၢ်န့ၣ်လီၤ.

လံာ်စီၤယိၤၡူ 24:23

အဝဲစံးဝဲ, “မ့မ့ၢ်ဒ်န့ၣ်ဒီး, မၤဟးဂီၤကွံာ်ကစၢ်အဂၤတဖၣ်လၢအအိၣ်ဒီး သုဒီးအၢၣ်လီၤသုတၢ်သးတီဒီးယွၤ, အံၣ်စရ့လးအကစၢ်ယွၤန့ၣ်တက့ၢ်.”

၁ ပ့းတရူး 1:13

လၢတၢ်န့ၣ်အဃိ, ကတဲာ်ကတီၤသုသးလၢတၢ်မၤအဂီၢ် တက့ၢ်. ကီၤသုသးဒီးပာ်လီၤသုတၢ်မုၢ်လၢ်လၢာ်လၢာ်ဆ့ဆ့ လၢတၢ်ဘျုးတၢ်ဖှိၣ်အဖီခိၣ်, လၢတၢ်ကဟ့ၣ်လီၤသုဖဲယ့ၣ်ၡူးခရံာ်ဘၣ်တၢ်လီၣ်ဖျါထီၣ်အီၤ အဆၢကတီၢ်န့ၣ်တက့ၢ်.

လံာ်လီၣ်ဖျါ 2:10

တၢ်လၢနကတူၢ်ဘၣ်အီၤခဲကနံၣ်အံၤန့ၣ်တဘၣ်ပျံၤအီၤနီ တမံၤတဂ့ၤ. ဒိကနၣ်တက့ၢ်. မုၣ်ကီၤလံၢ်ကမၤကွၢ်သုခီဖျိအဒုးဃာ်သုဝဲတနီၤလၢဃိာ်ပူၤ, ဒီးသုကဘၣ်ကီဘၣ်ခဲလၢအသီတဆံအတီၢ်ပူၤလီၤ. နမ့ၢ်ဘၣ်သံဒၣ်လဲာ်န့ၣ်, သးတီဒီးယၤတက့ၢ်, ဒီးယကဟ့ၣ်နၤလၢတၢ်မူဒ်နတၢ်မၤနၢၤအခိၣ်ဖးန့ၣ်လီၤ.