စံးထီၣ်ပတြၢၤ 119:10 - Sgaw Karen Common Bible

¹⁰ ယဃုနၤလၢယသးဒီဖျၢၣ်ညါလီၤ. မ်ယသုတဟးဖျိးကွံာ်လၢနတၢ်မၤလိာ်တဖၣ်န့ၣ်တဂ့ၤ.

စံးထီၣ်ပတြၢၤ 119:10 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 15:15

ကယဲၢ်ပှၤဂီၢ်မုၢ်လၢကီၢ်ယူဒၤအပူၤသူၣ်ဖှံသးညီဝဲမ့ၢ်လၢ အဝဲသ့ၣ်မၤတ့ၢ်တၢ်အၢၣ်လီၤအီလီၤအံၤလၢအသူၣ်ဒီဖျၢၣ်သးဒီ ဖျၢၣ်အဃိန့ၣ်လီၤ. အဝဲအိၣ်ဒီးတၢ်သူၣ်မုာ်သးမုာ်လၢတၢ်ဘူၣ်ထီၣ်ဘါထီၣ်ယွၤအပူၤ, ဒီးယွၤတူာ်လိာ်အဝဲသ့ၣ်ဒီးဟ့ၣ်လီၤအဝဲသ့ၣ်လၢတၢ်ဃူတၢ်ဖိး လၢတၢ်ကိးကပၤဒဲးအပူၤန့ၣ်လီၤ.

စံးထီၣ်ပတြၢၤ 119:118

ကယဲၢ်ပှၤလၢအဟးဖျိးလၢ နတၢ်မၤလိာ်အကျဲခဲလၢာ်တဖၣ်န့ၣ်, နညိကွံာ်အီၤလီၤ. အတၢ်လီတၢ်န့ၣ်မ့ၢ်တၢ်ကလီကလီလီၤ.

စံးထီၣ်ပတြၢၤ 119:133

ဒုးထွဲယခီၣ်လၢနကလုၢ်ကထါအပူၤဒ်နအၢၣ်လီၤတ့ၢ်အသိး န့ၣ်တက့ၢ်. ဒီးမ်တၢ်အၢတၢ်သီအသုတပၢယၤနီတမံၤတဂ့ၤ.

စံးထီၣ်ပတြၢၤ 119:176

ယဟးဖျိးကျဲဒ်သိလၢအဟါမၢ်တဒုအသိးလီၤ. ဟဲဒီးဃုက့ၤနခ့နပှၤတက့ၢ်. အဂ့ၢ်ဒ်အံၤ, ယတသးပ့ၤနီၣ်ဘၣ် နတၢ်မၤလိာ်တဖၣ်ဘၣ်လီၤ.

စံးထီၣ်ပတြၢၤ 119:2

ပှၤလၢအတိၢ်န့ၢ်ဖံးဃာ်အတၢ်အုၣ်အသး ဒီးဃုယွၤလၢအသးဒီဖျၢၣ်ညါန့ၣ်, ဘၣ်ဆိၣ်ဂ့ၤဝဲလီၤ.

စံးထီၣ်ပတြၢၤ 119:21

ပှၤလၢအပာ်ထီၣ်ထီအသး, လၢအဘၣ်တၢ်ဆိၣ်အၢလၢ အဟးဖျိးလၢ နတၢ်မၤလိာ်တဖၣ်အကျဲန့ၣ်, နသိၣ်ဃီၣ်လံအီၤလံ.

စံးထီၣ်ပတြၢၤ 119:34

ဟ့ၣ်လၢ်ယၤတၢ်နၢ်ပၢၢ်ဒ်သိး ယကတိၢ်န့ၢ်ဟံးဃာ်နတၢ်သိၣ်တၢ်သီ ဒီးမၤထွဲအီၤလၢယသးဒီဖျၢၣ်ညါန့ၣ်တက့ၢ်.

စံးထီၣ်ပတြၢၤ 119:58

ယဃ့ကညးနၤလၢယသးဒီဖျၢၣ်ညါ, လၢနကသူၣ်ကညီၤသးကညီၤလၢ်ယၤ ဒ်နတၢ်အၢၣ်လီၤအသိးန့ၣ်တက့ၢ်.

စံးထီၣ်ပတြၢၤ 119:69

ပှၤပာ်အသးထီၣ်ထီတဖၣ်န့ၣ်, ကူၣ်ထီၣ်ဖးလီၤတၢ်ကတိၤကဘျံးကဘျၣ် ထီဒါယၤလီၤ. ဘၣ်ဆၣ် ယစူၢ်နတၢ်သိၣ်တၢ် သီတဖၣ်လၢယသးဒီဖျၢၣ်ညါလီၤ.

စံးထီၣ်ပတြၢၤ 125:5

မ့မ့ၢ်ပှၤလၢ ပိာ်ကျဲအက့ၣ်အကူတဖၣ်န့ၣ် ယွၤကဟီထီၣ်ကွံာ်အီၤဃုာ်ဒီး ပှၤမၤတၢ်အၢန့ၣ်လီၤ. မ်တၢ်ဃူတၢ်ဖိးအိၣ်လၢအံၣ်စရ့လးအပူၤတက့ၢ်.

စံးထီၣ်ပတြၢၤ 23:3

မၤက့ၤယသး, ဆှၢယၤလၢကျဲအတီအလိၤတဖၣ်အပူၤ လၢအမံၤအဃိလီၤ.

စံးထီၣ်ပတြၢၤ 78:37

အဝဲသ့ၣ်အသးတအိၣ်ဂၢၢ်ကျၢၤဘၣ်ဒီးအီၤဘၣ်, ဒီးတတီဒီးအတၢ်အၢၣ်လီၤဒီးယွၤန့ၣ်ဘၣ်.

တၢ်ကတိၤဒိ. 2:13

ပှၤတဖၣ်လၢအညိကွံာ်တၢ်အိၣ်မူအတီအလိၤဒ်သိးကအိၣ်မူ လၢတၢ်ဒဲးဘးအတၢ်ခံးတၢ်နၤအပူၤ,

တၢ်ကတိၤဒိ. 21:16

တၢ်သံအိၣ်ခိးပှၤတဂၤလၢ်လၢ်လၢအဟးဝ့ၤဝီၤယံၤဒီးတၢ်သူၣ်ထံ သးဆးအဂ့ၤအဘၣ်န့ၣ်လီၤ.

လံာ်ယၡါယၤ 35:8

ကျဲမုၢ်ဖးဒိၣ်တဘိလၢအဘၣ်တၢ်ကိးအီၤလၢ, “တၢ်စီဆှံအကျဲ” ကအိၣ်ထီၣ်ဝဲလီၤ. ပှၤတၢ်ဒဲးဘးဖိတလဲၤတၢ်လၢကျဲအဝဲန့ၣ်နီတဂၤနီတစုဘၣ်. ပှၤဟးဂီၤဖိတဖၣ်လၢအကဆှၢကမၣ်ဘၣ်ပှၤတဖၣ်လၢအပိာ်ကျဲ အဝဲန့ၣ်တအိၣ်နီတဂၤဘၣ်.

လံာ်ယံးရမံယၤ 3:10

ဒီးတုၤတၢ်အံၤခဲလၢာ်ဝံၤအလီၢ်ခံ, ကီၢ်ယူဒၤလၢအမ့ၢ်ကီၢ်အံၣ်စရ့ လးအဒီပုၢ်ဝဲၢ်မုၣ်လၢအသးတတီန့ၣ်, ဟဲက့ၤကဒါက့ၤဆူယအိၣ်ထဲလၢတၢ် ပာ်မၤအသးအပူၤဧိၤန့ၣ်လီၤ. အဝဲပာ်အသးတတီတလိၤဘၣ်. ယၤ, ယွၤအံၤ, ကတိၤလံတၢ်လံ.”

လံာ်ယဃ့းစက့လး 34:6

လၢတၢ်န့ၣ်အဃိ, ယသိတဖၣ်ဟးဝ့ၤဝီၤလၢတၢ်လူၢ်လၢအထီ တဖၣ်ဒီးကစၢၢ်ကလိတဖၣ်အလိၤန့ၣ်လီၤ. အဝဲသ့ၣ်လီၤပြံလီၤပြါ လၢဟီၣ်ခိၣ်အမဲာ်ဖံးခိၣ်ဒီးပှၤလၢကကွၢ်ဃုအဝဲသ့ၣ် မ့ၢ်ဂ့ၤဂုာ်ကျဲးစၢးလၢကဃုထံၣ်က့ၤအဝဲသ့ၣ်မ့ၢ်ဂ့ၤတအိၣ်နီ တဂၤဘၣ်.

လံာ်ဟိၤၡ့ 10:2

ပှၤဂီၢ်မုၢ်လၢအသးတဖၣ်ပှဲၤဒီးတၢ်လီတၢ်ဝ့ၤန့ၣ်ခဲအံၤကတူၢ်ဘၣ် တၢ်လၢအဝဲသ့ၣ်အတၢ်ဒဲးဘးအဃိန့ၣ်လီၤ. ကစၢ်ယွၤကမၤလီၤပှီၢ်အဝဲသ့ၣ်တဖၣ်အတၢ်လုၢ်လီၢ်တဖၣ်ဒီးမၤဟး ဂီၤကွံာ်အဝဲသ့ၣ်အလၢၢ်ထူၣ်စီဆှံတဖၣ်န့ၣ်လီၤ.

လံာ်မးသဲ 6:24

ပှၤမၤတၢ်အခ့အပှၤအတၢ်မၤလၢကစၢ်ခံဂၤအဂီၢ်တသ့နီတဂၤဘၣ်. ကအဲၣ်ဝဲတဂၤဒီးကသးဟ့ဝဲတဂၤလီၤ. ကတီဝဲဒီးကစၢ်တဂၤဒီးကကွၢ်တလီၤဝဲအတဂၤန့ၣ်လီၤ. သုမၤကစၢ်ယွၤအတၢ်မၤဒီးကျိၣ်စ့အတၢ်မၤခံမံၤလၢာ်တသ့ဘၣ်.

ကလီးစဲ 3:22

ကုၢ်သ့ၣ်ဧၢ, စူၢ်သုကစၢ်တဖၣ်လၢတၢ်ခဲလၢာ်အပူၤ, တမ့ၢ်ဘၣ်ထဲလၢအဝဲသ့ၣ်အမဲာ်ညါလၢအကထံၣ်ဝဲဒီးဘၣ် သူၣ်ဘၣ်သးဝဲအဂီၢ်န့ၣ်ဧိၤဘၣ်. မ့မ့ၢ်မၤသုဝဲလၢတၢ်သူၣ်တီသးရၤဒီးတၢ်ယူးယီၣ်ကစၢ် အပူၤတက့ၢ်.

၁ ယိၤဟၣ် 2:15

တဘၣ်အဲၣ်ဟီၣ်ခိၣ်, ဒီးကယဲၢ်မ့ၢ်တၢ်လၢအဘၣ်ဃးဒီး ဟီၣ်ခိၣ်န့ၣ်တဂ့ၤ. သုမ့ၢ်အဲၣ်ဟီၣ်ခိၣ်ဒီး, တၢ်အဲၣ်တၢ်ကွံပၢ်ကစၢ်န့ၣ်တအိၣ်လၢသုပူၤဘၣ်.

လံာ်စီၤၡမူၤအ့လးအခီၣ်ထံးတဘ့ၣ် 7:3

စီၤၡမူၤအ့လးစံးဘၣ်ပှၤဂီၢ်မုၢ်, “သုမ့ၢ်ဃၣ်က့ၤသုသးဆူ ယွၤအအိၣ်လၢသူၣ်လၢသးဒီဖျၢၣ်ညါန့ၣ် သုကဘၣ်တၢၤကွံာ်ကယဲၢ်ပှၤ တခီဘီမုၢ်ဖိအကစၢ်တဖၣ်ဒီးကစၢ်မုၣ်ဧၤၡတြိးအဂီၤတဖၣ်လီၤ. ပာ်စီဆှံထီၣ်သုသးလၢာ်လၢာ်ဆ့ဆ့ဆူယွၤအအိၣ်ဒီး ဘူၣ်ထီၣ်ဘါထီၣ်ထဲအဝဲတဂၤဧိၤန့ၣ်တက့ၢ်. ဒီးအဝဲကအုၣ်က့ၤခီၣ်က့ၤသုလၢပှၤဖလ့ၡသးဖိတဖၣ်အစိကမီၤအ ဖီလာ်လီၤ.”