စံးထီၣ်ပတြၢၤ 118:26 - Sgaw Karen Common Bible

²⁶ ပှၤတဂၤလၢအဟဲလၢယွၤအမံၤန့ၣ် မ်အဘၣ်တၢ်ဆိၣ်ဂ့ၤတက့ၢ်. ပဆိၣ်ဂ့ၤသုလၢယွၤအဟံၣ်ပူၤလီၤ.

စံးထီၣ်ပတြၢၤ 118:26 Iomraidhean Croise

စံးထီၣ်ပတြၢၤ 129:8

ပှၤလၢအလဲၤခီဂာ်တၢ်လၢကျဲတဖၣ်တစံးဝဲနီတဂၤလၢ, “မ်ယွၤကဆိၣ်ဂ့ၤသုတက့ၢ်, ပဆိၣ်ဂ့ၤသုလၢယွၤအမံၤလီၤ.” န့ၣ်ဘၣ်.

စံးထီၣ်ပတြၢၤ 134:3

ယွၤလၢအတ့လီၤမူခိၣ်, ဒီးဟီၣ်ခိၣ်တဂၤန့ၣ် မ်အဆိၣ်ဂ့ၤနၤလၢစံယိၣ်တက့ၢ်.

လံာ်စကၤရယၤ 4:7

တၢ်မၤတံာ်တၢ်တဖၣ်မ့ၢ်ဒိၣ်ထဲသိးကစၢၢ်တဖၣ်ဘၣ်ဆၣ် ကဟါမၢ်ကွံာ်လၢနမဲာ်ညါလီၤ. နကဘှီထီၣ်ကဒါက့ၤတၢ်လုၢ်ဟံၣ်, ဒီးဖဲနပာ်လီၤလၢၢ်လၢခံကတၢၢ်တဖျၢၣ်လၢအလီၢ်န့ၣ်, ပှၤဂီၢ်မုၢ်ကကိးထီၣ်ဝဲ, ဃံလၤမးလဲၣ်, ဃံလၤမးလဲၣ်န့ၣ် လီၤ.”

လံာ်မးသဲ 21:9

ဒီးပှၤဂီၢ်မုၢ်လၢအလဲၤလၢယ့ၣ်ၡူးအမဲာ်ညါဒီးပှၤလၢအပိာ်ထီၣ် အခံတဖၣ်ကိးပသူထီၣ်ဒီးစံး, “စီၤဒၤဝံးအဖိခွါဧၢ, အုၣ်က့ၤခီၣ်က့ၤပှၤတက့ၢ်. ပှၤလၢအဟဲလၢကစၢ်အမံၤတဂၤန့ၣ်မ်ယွၤဆိၣ်ဂ့ၤအီၤတက့ၢ်. မ်ကစၢ်ယွၤအမံၤဘၣ်တၢ်စံးထီၣ်ပတြၢၤအီၤတက့ၢ်” (စံး. ၁၁၈:၂၅-၂၆).

လံာ်မးသဲ 23:39

ယစံးဘၣ်တဲဘၣ်သု, စးထီၣ်အခဲအံၤဒီးတုၤလၢအကတီၢ်ဖဲသုကစံး, ‘ပှၤလၢအဟဲလၢ ကစၢ်ယွၤအမံၤတဂၤမ်အဘၣ်တၢ်ဆိၣ်ဂ့ၤတက့ၢ်.’ န့ၣ်သုတထံၣ်လၢၤယၤဘၣ်.”

လံာ်လူၤကၣ် 13:35

ဒီးလၢတၢ်န့ၣ်အဃိ, နတၢ်လုၢ်ဟံၣ်ကဘၣ်တၢ်လဲၤသဒၣ်ကွံာ်အီၤလီၤ. ယစံးဘၣ်တဲဘၣ်သု, တုၤလီၤဆၢကတီၢ်ဖဲသုစံးသုဝဲ, ‘မ်ကစၢ်ယွၤဆိၣ်ဂ့ၤဘၣ်ပှၤတဂၤ လၢအဟဲလၢကစၢ်အမံၤတက့ၢ်’ တစုန့ၣ်, သုတထံၣ်ဘၣ်ယၤဘၣ်.”

လံာ်လူၤကၣ် 19:38

“မ်ကစၢ်ယွၤဆိၣ်ဂ့ၤစီၤပၤလၢအဟဲလၢကစၢ်အမံၤတဂၤန့ၣ်တက့ၢ်. မ်တၢ်ဃူတၢ်ဖိးအိၣ်ဝဲလၢမူခိၣ်, ဒီးတၢ်လၤကပီၤဘၣ်ကစၢ်ယွၤတက့ၢ်.”

လံာ်ယိၤဟၣ် 12:13

လၢတၢ်န့ၣ်အဃိ, အဝဲသ့ၣ်ဟံးန့ၢ်လိၣ်ဒၢအဒ့တဖၣ်ဒီးလဲၤထီၣ် သဂၢၢ်အီၤဒီးကိးပသူထီၣ်ဝဲ, “အုၣ်က့ၤခီၣ်က့ၤပှၤတက့ၢ်. မ်ကစၢ်ယွၤဆိၣ်ဂ့ၤပှၤလၢအဟဲလၢကစၢ်အမံၤတဂၤတက့ၢ်. မ်ကစၢ်ယွၤဆိၣ်ဂ့ၤအံၣ်စရ့လးအစီၤပၤတက့ၢ်.”