စံးထီၣ်ပတြၢၤ 118:19 - Sgaw Karen Common Bible

¹⁹ အိးထီၣ်န့ၢ်ယၤလၢတၢ်လုၢ်ဟံၣ် အတြဲၤတဖၣ်န့ၣ်တက့ၢ်. ယကလဲၤနုာ်ဆူအပူၤဒီးစံးဘျုးစံးဖှိၣ်ယွၤန့ၣ်လီၤ.

စံးထီၣ်ပတြၢၤ 118:19 Iomraidhean Croise

စံးထီၣ်ပတြၢၤ 100:4

ဟဲနုာ်လၢအပဲတြီဒီးတၢ်သးဝံၣ်, အဂၢၤတဖၣ်ဒီးတၢ်စံးထီၣ်ပတြၢၤန့ၣ်တက့ၢ်. စံးဘျုးအီၤဒီးစံးထီၣ်ပတြၢၤအီၤတက့ၢ်.

စံးထီၣ်ပတြၢၤ 68:5

ကစၢ်ယွၤလၢအအိၣ်လၢအလီၢ်စီဆှံအပူၤန့ၣ် မ့ၢ်ပှၤဖိၣ်ဃဲအပၢ်ဒီးပှၤလၢကဟုဘံၣ်ကယာ်ဘၢ မုၣ်ကမဲသ့ၣ်တဖၣ်န့ၣ်လီၤ.

စံးထီၣ်ပတြၢၤ 95:2

မ်ပဟဲသကိးဆူအမဲာ်ညါလၢတၢ်စံးဘျုးစံးဖှိၣ်, မ်ပကိးထီၣ်အီၤလၢတၢ်သးခု, ဒီးလၢတၢ်စံးထီၣ်ပတြၢၤ အတၢ်သးဝံၣ်တဖၣ်န့ၣ်တက့ၢ်.

လံာ်ယၡါယၤ 26:2

အိးထီၣ်ဝ့ၢ်အတြဲၤတဖၣ် ဒီးပျဲပှၤအတီအလိၤတကလုာ်လဲၤနုာ်ဝဲ, ပှၤတကလုာ်လၢအပှၤဂီၢ်မုၢ်မၤတၢ်တီတၢ်လိၤ န့ၣ်တက့ၢ်.

လံာ်ယၡါယၤ 38:20

ယွၤဧၢ, နမၤဘျါတ့ၢ်ယၤလံ. ပကဒ့တနၢ်သီတူၢ်တဖၣ်ဒီးသးဝံၣ် နတၢ်စံးထီၣ်ပတြၢၤလီၤ. ပကသးဝံၣ်စံးထီၣ်ပတြၢၤတၢ်လၢနတၢ်လုၢ်ဟံၣ်အပူၤလၢပသးသမူ တစိၤဒၣ်ပှၤလီၤ.

လံာ်ယၡါယၤ 38:22

ဒီးစီၤပၤဃံးစကံယၤစ့ၢ်ကီးသံကွၢ်တ့ၢ်ဝဲ, “လၢယကလဲၤထီၣ်ဆူယွၤအဟံၣ်အဂီၢ်, တၢ်ပနီၣ်မ့ၢ်တၢ်မနုၤလဲၣ်,” န့ၣ်လီၤ.

လံာ်လီၣ်ဖျါ 22:14

ပှၤသ့ၣ်တဖၣ်လၢအသ့စီကွံာ်အဆ့ကၤဖးထီသတးဒီး အိၣ်ဒီးအခွဲးအယာ်လၢအကအီၣ်သ့ၣ်တၢ်မူအသၣ် ဒီးလဲၤခီဂာ်တြဲၤဖးဒိၣ်တဖၣ်ဆူဝ့ၢ်တဖျၢၣ်န့ၣ်အပူၤန့ၣ်, ဘၣ်ဆိၣ်ဂ့ၤဝဲလီၤ.