စံးထီၣ်ပတြၢၤ 118:17 - Sgaw Karen Common Bible

¹⁷ ယတသံဘၣ်. မ့ၢ်ယကမူဒီး စံၣ်တဲၤတဲလီၤယွၤအတၢ်မၤတဖၣ်လီၤ.

စံးထီၣ်ပတြၢၤ 118:17 Iomraidhean Croise

စံးထီၣ်ပတြၢၤ 107:22

ဒီးမ်သုဝဲသ့ၣ်လုၢ်ထီၣ်တၢ်လုၢ်စံးဘျုးစံးဖှိၣ်တဖၣ်, ဒီးစံးဘၣ်တဲဘၣ်အတၢ်မၤတဖၣ်လၢ တၢ်သူၣ်ခုသးခုအတၢ်သးဝံၣ်တဖၣ် အပူၤန့ၣ်တက့ၢ်.

စံးထီၣ်ပတြၢၤ 119:13

ယကတဲကဒါက့ၤ တၢ်သိၣ်တၢ်သီခဲလၢာ် လၢနဟ့ၣ်လီၤန့ၣ်, လၢယကလုၢ်ဖးဒိၣ်လီၤ.

စံးထီၣ်ပတြၢၤ 145:4

ပှၤတစိၤကစံးထီၣ်ပတြၢၤနတၢ်မၤလၢပှၤတစိၤဒၣ်, ဒီးနကဒုးနဲၣ်နတၢ်မၤအဒိၣ်တဖၣ်လီၤ.

စံးထီၣ်ပတြၢၤ 40:10

ယတပာ်ခူသူၣ်နတၢ်မၤပူၤဖျဲးအဂ့ၢ်လၢ ယသးပူၤန့ၣ်ဘၣ်. ယစံးဘၣ်တဲဘၣ်လံယဲနတၢ်သူၣ်တီသးလိၤဒီး နတၢ်မၤပူၤမၤဖျဲးအဂ့ၢ်န့ၣ်လံ. ယတပာ်ခူသူၣ်နတၢ်အဲၣ်ဂၢၢ်ကျၢၤဒီး နတၢ်သူၣ်တီသးလိၤအဂ့ၢ် လၢပှၤဂီၢ်မုၢ်အတၢ်အိၣ်ဖှိၣ်ရိဖှိၣ်န့ၣ်ဘၣ်.

စံးထီၣ်ပတြၢၤ 40:5

ယွၤပကစၢ်ယွၤဧၢ, နမၤတ့ၢ်တၢ်လီၤလးအါမးလၢပဂီၢ်လီၤ. ပှၤဒ်သိးဒီးနၤတအိၣ်နီတဂၤဘၣ်. နအိၣ်ဒီးတၢ်ကူၣ်ထီၣ်ဖးလီၤလၢ အလီၤလးအါမးလၢပဂီၢ်န့ၣ်လီၤ. ယစံးလၢအဂ့ၢ်တလၢာ်နီတဘျီဘၣ်. အါန့ၢ်ယဂံၢ်သ့တက့ၢ်လီၤ.

စံးထီၣ်ပတြၢၤ 6:5

အဂ့ၢ်ဒ်အံၤ, တၢ်သ့ၣ်နီၣ်ထီၣ်က့ၤနၤ တအိၣ်ဘၣ်လၢတၢ်သံအပူၤဘၣ်. လၢပျုၤပူၤန့ၣ်, မ့ၢ်မတၤကသ့စံးထီၣ်ပတြၢၤ နဘျုးနဖှိၣ်တဂၤလဲၣ်.

စံးထီၣ်ပတြၢၤ 73:28

ဘၣ်ဆၣ်လၢယဂီၢ်တၢ်အိၣ်ဘူးဒီးကစၢ်ယွၤန့ၣ် မ့ၢ်တၢ်ဂ့ၤလီၤ. ယပာ်တၢ်စိတၢ်ကမီၤကစၢ်ယွၤ လၢယတၢ်အိၣ်တဒၢအလီၢ် ဒ်သိးယကစံးဘၣ်တဲဘၣ် အတၢ်မၤခဲလၢာ်တဖၣ်န့ၣ်လီၤ.

လံာ်ယံးရမံယၤ 51:10

ယွၤစံးဝဲဒၣ်, “ယပှၤဂီၢ်မုၢ်ကိးထီၣ်စံးဝဲလၢ, ‘ယွၤဒုးနဲၣ်တ့ၢ်လၢပအိၣ် လၢတၢ်အဘၣ်အပူၤလီၤ. မ်ပလဲၤဒီး တဲဘၣ်ပှၤဂီၢ်မုၢ်လၢ ဝ့ၢ်ယရူၢ်ၡလ့ၣ်အပူၤလၢတၢ်လၢယွၤပကစၢ်မၤတ့ၢ်ဝဲန့ၣ်တက့ၢ်.’ ”

လံာ်ဃဘးကူာ် 1:12

ယွၤဧၢ, လၢထံးလၢမကိာ်လံၤလံၤန့ၣ်နမ့ၢ်ကစၢ်ယွၤလီၤ. နမ့ၢ်ကစၢ်ယွၤ, တၢ်စီတၢ်ဆှံဒီးတၢ်လီၤထူလီၤယိာ်လီၤ. ယွၤ, ယကစၢ်ယွၤဒီးပှၤလၢအကဟုဘံၣ်ကယာ်ဘၢယၤဧၢ, နဃုထၢတ့ၢ်ပှၤဘၤဘူၤလိၣ်ဖိတဖၣ်ဒီးဒုးမၤထီၣ်အ ဂံၢ်အဘါဒ်သိးစံၣ်ညီၣ်ပှၤကသ့အဂီၢ်လီၤ.

လံာ်ယိၤဟၣ် 11:4

ဖဲယ့ၣ်ၡူးနၢ်ဟူတၢ်ကစီၣ်အံၤန့ၣ်အဝဲဒၣ်စံး, “တၢ်ဆူးတၢ်ဆါအံၤတမ့ၢ်တၢ်ဆါလၢအကဆှၢအီၤဆူတၢ်သံ န့ၣ်ဘၣ်. မ့မ့ၢ်လၢကစၢ်ယွၤအလၤကပီၤအဂီၢ်, ဒီးခီဖျိတၢ်အံၤန့ၣ်, ကစၢ်ယွၤအဖိခွါအလၤကပီၤကအိၣ်ဖျါထီၣ်ဝဲန့ၣ်လီၤ.”