စံးထီၣ်ပတြၢၤ 118:12 - Sgaw Karen Common Bible

¹² အဝဲသ့ၣ် အိၣ်ဖှိၣ်ဂီၢ်မုၢ်လၢယလိၤ ဒ်ကွဲဧိၤကနဲဧိၤအသိး, ဘၣ်ဆၣ်ဒီး မ့ၣ်အူအီၣ်ကွံာ်အဝဲသ့ၣ်ချ့သဒံးဒ် မ့ၣ်အူအီၣ်တၤဆှုၣ်အသိး, ယမၤဟးဂီၤကွံာ်အဝဲသ့ၣ်လၢ ယွၤအစိကမီၤအပူၤန့ၣ်လီၤ.

စံးထီၣ်ပတြၢၤ 118:12 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 23:6

မ့မ့ၢ်ပှၤလၢအယွၤတအိၣ်ဘၣ်တဖၣ်န့ၣ်မၤသးဒ်တၤဆှူၣ်တၤမဲ တဖၣ်လၢအဘၣ်တၢ်စူးကွံာ်အီၤ အသိးန့ၣ်လီၤ. ပှၤထိးဘၣ်အီၤထဲလၢအစုယၢ်ခီတသ့ဘၣ် နီတဂၤဘၣ်.

စံးထီၣ်ပတြၢၤ 20:1

မ်ယွၤစံးဆၢနၤလၢ တၢ်မၤကိၢ်မၤဂီၤအမုၢ်တနံၤတက့ၢ်. မ်စီၤယၤကိာ်အကစၢ်ယွၤအမံၤ ကခိးတြီကွံာ်တၢ်အၢလၢနၤတက့ၢ်.

စံးထီၣ်ပတြၢၤ 20:5

ဒီးပကကိးပသူထီၣ်လၢတၢ်သးခုလၢနတၢ်မၤနၢၤအဃိ, ဒီးလၢပကစၢ်ယွၤအမံၤအပူၤ ဒီးပကဆဲးလီၤပနီၣ်တယၢ်တဖၣ်လီၤ. မ်ယွၤမၤလၢပှဲၤနတၢ်ဃ့သကွံၢ်ကညး ခဲလၢာ်တက့ၢ်.

စံးထီၣ်ပတြၢၤ 58:9

တချုးလၢအဝဲသ့ၣ် သ့ၣ်ညါဒံးတၢ်န့ၣ်ဘၣ်ဒီး, ကဘၣ်တၢ်ကျီကွံာ်အီၤဒ်နီၣ်ဧိၤမံၤဧိၤအသိး, လၢကစၢ်ယွၤအတၢ်သးကဲၤထီၣ်အပူၤန့ၣ်, အဝဲကအူဒံကွံာ်အဝဲသ့ၣ်ဖဲ အအိၣ်မူဒံးအခါ ဒၣ်လဲာ်လီၤ.

စံးထီၣ်ပတြၢၤ 8:9

ယွၤ, ပကစၢ်ဧၢ, နမံၤလၢဟီၣ်ခိၣ်ဒီဘ့ၣ်ညါန့ၣ် ဒိၣ်စိဒိၣ်ကမီၤဆံးဒိၣ်လဲၣ်.

လံာ်ပှၤစံၣ်တဲၤတဲလီၤတၢ် 7:6

ဖဲပှၤဟးဂီၤဖိတဂၤနံၤဝဲန့ၣ်, တၢ်န့ၣ်လီၤဂာ်ဒ်တၢ်ဆှုၣ်တဖၣ် သီၣ်ကြဲးသီၣ်ကြီးလၢမ့ၣ်အူပူၤအသိးလီၤ. အခီပညီတအိၣ်နီတမံၤဘၣ်.

လံာ်ယၡါယၤ 27:4

ယတသးဒိၣ်လၢၤစပံးအလီၢ်န့ၣ်လၢၤဘၣ်. တၤဆှုၣ်တၤမဲ မ့ၢ်အိၣ်ဝဲလၢယကဘၣ်မၤပျီကွံာ်အီၤဒီး, ယကဒွဲၣ်အူထီၣ်အီၤ လၢမ့ၣ်အူခဲလၢာ်လီၤ.

လံာ်ယၡါယၤ 33:12

သုကဘၣ်တၢ်မၤလီၤကလဲကွံာ်ဒ်လၢၢ်တဖၣ်လၢတၢ်ဒွဲၣ်အူအီၤ ဒ်သိးကကဲထီၣ်ထူၣ်, ဒီးဒ်တၤဆှုၣ် တၤမဲတဖၣ်လၢတၢ်ဒွဲၣ်အူကွံာ် အီၤဆူဖၣ်ဆါအသိးန့ၣ်လီၤ.

လံာ်နၤဃူၣ် 1:10

ဒ်မ့ၣ်အူအီၣ်ကွံာ်တၤဆှုၣ်တၤမဲဘံဘူအသးတဖၣ် ဒီးဘုလီၢ်ခိၣ်ဆၢၣ်အဃ့အသိးန့ၣ်, သုဝဲပှၤအီမူၤအသးသ့ၣ်တဖၣ်ဒီးသုတၢ်အိတၢ်အီၣ်တဖၣ် မ့ၣ်အူကအီၣ်ကွံာ်န့ၣ်လီၤ.

လံာ်သိၣ်လီၤသီလီၤတၢ် 1:44

အန့ၣ်တစု, ပှၤဧၣ်မိၣ်ဖိတဖၣ်လၢအအိၣ်ဆိးဝဲလၢတၢ်လူၢ်တဖၣ် န့ၣ်, ဟဲထီၣ်ထီဒါသု, ဒ်ကနဲတဖုတဂီၢ်န့ၣ်လီၤ. အဝဲသ့ၣ်လူၤသုတုၤဒၣ်လဲာ်ဆူဝ့ၢ်ဃိၢ်မါဒီးမၤနၢၤကွံာ်သု ဖဲန့ၣ်လၢကီၢ်အဒိၣ်လၢအပှဲၤဒီးတၢ်လူၢ်တၢ်တြီၤအပူၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 17:45

စီၤဒၤဝံးစံးဆၢဝဲဒၣ်, “နဟဲထီဒါယၤလၢနး, ဘီဒီးဘီဖိတဖၣ်လီၤ. မ့မ့ၢ်ယဟဲထီဒါနၤလၢပှၤအံၣ်စရ့လး ဖိအသုးမုၢ်အကစၢ်ယွၤ, ယွၤသ့တၢ်လၢာ်, လၢနမၤတရီတပါအီၤတဂၤန့ၣ်အမံၤလီၤ.