စံးထီၣ်ပတြၢၤ 118:11 - Sgaw Karen Common Bible

¹¹ အဝဲသ့ၣ်ကဝီၤဃာ်ယၤကိးကပၤဒဲး ဘၣ်ဆၣ်ယမၤဟးဂီၤကွံာ်အဝဲသ့ၣ်လၢ ယွၤအစိအကမီၤလီၤ.

စံးထီၣ်ပတြၢၤ 118:11 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 19:10

စီၤယိၤအာ်ထံၣ်တ့ၢ်ဝဲလၢဒုၣ်ဒါအသုးဖိတဖၣ်ကဟဲထီၣ်ဒုးအီၤ လၢအမဲာ်ညါဒီးလၢအလီၢ်ခံအဃိအဝဲဃုထၢထီၣ်ပှၤအဂ့ၤကတၢၢ်တဖၣ် လၢအံၣ်စရ့လးအသုးဖိတဖၣ်အကျါဒီးပာ်အဝဲသ့ၣ်လၢတၢ်လီၢ်ဖဲ ပှၤစူၤရံဖိတဖၣ်အမဲာ်ညါန့ၣ်လီၤ.

စံးထီၣ်ပတြၢၤ 18:41

အဝဲသ့ၣ်ကိးထီၣ်လၢတၢ်မၤစၢၤအဂီၢ်, ဘၣ်ဆၣ်ပှၤလၢကမၤစၢၤအီၤတအိၣ်နီတဂၤဘၣ်. အဝဲသ့ၣ်ကိးထီၣ်ဆူယွၤအအိၣ်ဘၣ်ဆၣ် အဝဲတစံးဆၢဝဲဒၣ်ဘၣ်.

စံးထီၣ်ပတြၢၤ 88:17

အဝဲသ့ၣ်အိၣ်ဝးတရံးယၤဒ်ထံလုၣ်ဘၢတၢ်အသိး သ့တနံၤကျၢၤ, ကဝီၤဃာ်ယၤတပူၤဃီလီၤ.

စံးထီၣ်ပတြၢၤ 88:18

ယတံၤသကိးတဖၣ်လၢ အဘူးကတၢၢ်ဒီးဒၣ်လဲာ်န့ၣ် နပျဲအညိကွံာ်ယၤလီၤ. ဖဲယလဲၤတပူၤလၢ်လၢ်အလီၢ်န့ၣ် အိၣ်ဒၣ်ထဲတၢ်ခံးတၢ်နၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 23:26

စီၤစီလူးဒီးအပှၤတဖၣ်အိၣ်ဝဲလၢတၢ်လူၢ်ခိၣ်တကပၤအိၣ်လီၤဖး ဒီးစီၤဒၤဝံးဒီးအပှၤတဖၣ်လၢအအိၣ်လၢတၢ်လူၢ်ခိၣ်အဂၤတကပၤ န့ၣ်လီၤ. အဝဲသ့ၣ်မၤချ့ချ့ဒ်သိးကဟးထီၣ်ကွံာ်လၢစီၤစီလူးဒီးအပှၤ တဖၣ်အအိၣ်လီၤ. အဂ့ၢ်ဒ်အံၤ, ပှၤတဖၣ်န့ၣ်ဘူးထီၣ်ဒီးအဝဲသ့ၣ်ဒီးဘူးကဖီၣ်န့ၢ်အဝဲသ့ၣ်န့ၣ်လီၤ.