စံးထီၣ်ပတြၢၤ 117:2 - Sgaw Karen Common Bible

² အဂ့ၢ်ဒ်အံၤ, အဘျုးအဖှိၣ်အိၣ်ဝဲလၢပဖီခိၣ်ဒိၣ်မးလီၤ. ဒီးယွၤအတၢ်မ့ၢ်တၢ်တီ အိၣ်ဝဲဆိးဝဲလီၤထူလီၤယိာ်လီၤ. စံးထီၣ်ပတြၢၤယွၤတက့ၢ်.

စံးထီၣ်ပတြၢၤ 117:2 Iomraidhean Croise

စံးထီၣ်ပတြၢၤ 103:11

အဂ့ၢ်ဒ်အံၤ, ဒ်မူခိၣ်ကစီၤထီၣ်ဝဲလၢ ဟီၣ်ခိၣ်အဖီခိၣ်အသိးန့ၣ် အတၢ်အဲၣ်ဂၢၢ်ကျၢၤဒိၣ်ဝဲအါဝဲလၢ ပှၤလၢအပျံၤအီၤအဂီၢ်ဒ်န့ၣ်အသိးလီၤ.

စံးထီၣ်ပတြၢၤ 146:6

ယွၤမ့ၢ်ပှၤလၢအတ့လီၤမူခိၣ်, ဟီၣ်ခိၣ်, ဒီးပီၣ်လဲၣ်, ဒီးကယဲၢ်တၢ်အိၣ်လၢအပူၤ, လၢအတီဒီး အတၢ်အၢၣ်လီၤအီလီၤ လီၤထူလီၤယိာ်,

စံးထီၣ်ပတြၢၤ 85:10

တၢ်အဲၣ်ဂၢၢ်ကျၢၤဒီးတၢ်သူၣ်တီသးလိၤ ကထံၣ်လိာ်အသး, တၢ်တီတၢ်လိၤဒီးတၢ်ဃူတၢ်ဖိး ကနၢမူလိာ်အသးလီၤ.

စံးထီၣ်ပတြၢၤ 89:1

ယွၤဧၢ, ယကသးဝံၣ်ထီၣ်နတၢ်အဲၣ်ဂၢၢ်ကျၢၤ လီၤထူလီၤယိာ်, ယကဘိးဘၣ်သ့ၣ်ညါနတၢ်သူၣ်တီသးလိၤလၢ ကယဲၢ်စိၤခဲလၢာ်လၢယထးခိၣ်လီၤ.

လံာ်ယၡါယၤ 25:1

ယွၤဧၢ, နမ့ၢ်ယကစၢ်ယွၤလီၤ. ယကမၤလၤကပီၤနၤဒီးစံးထီၣ်ပတြၢၤနမံၤလီၤ. နမၤတ့ၢ်တၢ်လၢအလီၤလိၢ်လီၤလးမးတဖၣ်လီၤ. နတၢ်ကူၣ်တၢ်ကျဲၤလၢပျၢၤတဖၣ်န့ၣ်နမၤလၢထီၣ် ပှဲၤထီၣ်အီၤလၢတၢ်သူၣ်တီသးရၤအပူၤလီၤ.

လံာ်မံကၤ 7:20

နကဒုးနဲၣ်နတၢ်သးတီဒီးတၢ်အဲၣ်တပယူာ်ဃီဆူနပှၤဂီၢ်မုၢ်, စီၤအၤဘြၣ်ဟၣ်ဒီးစီၤယၤကိာ်အစၢၤအသွဲၣ်တဖၣ်, ဒ်နအၢၣ်လီၤတ့ၢ်တၢ်ဒီးပမိၢ်ပၢ်ဖံဖုသ့ၣ်လၢပျၢၤလံၤလံၤအသိး န့ၣ်လီၤ.

လံာ်ယိၤဟၣ် 14:6

ယ့ၣ်ၡူးစံးဆၢအီၤ, “ယဲဒၣ်အံၤယမ့ၢ်ကျဲ, တၢ်မ့ၢ်တၢ်တီ, ဒီးတၢ်မူလီၤ. မ့တမ့ၢ်လၢအခီဖျိယၤဘၣ်ဒီး, ပှၤလဲၤဆူပၢ်အအိၣ်တသ့နီတဂၤဘၣ်.

၁ ယိၤဟၣ် 5:6

ယ့ၣ်ၡူးခရံာ်မ့ၢ်ပှၤလၢအဟဲဝဲအိၣ်ဒီးအတၢ်ဒိးဘျၢ အသးလၢထံဒီးအတၢ်တူၢ်သံအသးအသွံၣ်န့ၣ်လီၤ. အဝဲတဟဲဝဲထဲလၢထံဧိၤန့ၣ်ဘၣ်. မ့မ့ၢ်, ဟဲဝဲလၢထံဒီးသွံၣ်ခံမံၤလိာ်န့ၣ်လီၤ. ဒီးယွၤအသးအကစၢ်ဒၣ်ဝဲအုၣ်အသးလၢတၢ်အံၤမ့ၢ် တၢ်မ့ၢ်တၢ်တီ, မ့ၢ်လၢယွၤအသးမ့ၢ်တၢ်မ့ၢ်တၢ်တီ အဃိန့ၣ်လီၤ.