စံးထီၣ်ပတြၢၤ 116:16 - Sgaw Karen Common Bible

¹⁶ ယွၤဧၢ, ယမ့ၢ်နခ့နပှၤလီၤ. ယမၤနတၢ်မၤဒ်ယမိၢ်မၤတ့ၢ်ဝဲအသိးန့ၣ်လီၤ. နအုၣ်က့ၤခီၣ်က့ၤတ့ၢ်လံယၤလၢတၢ်သံန့ၣ်လံ.

စံးထီၣ်ပတြၢၤ 116:16 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 17:19

တၢ်န့ၣ်မ့ၢ်နတၢ်ဘၣ်နသးဒီးနတၢ်တိာ်လၢနကမၤတၢ်အံၤလၢယဂီၢ်ဒီး နကဒုးထံၣ်ယၤယခါဆူညါအတၢ်ဒိၣ်တၢ်မုၢ်န့ၣ်လီၤ.

စံးထီၣ်ပတြၢၤ 119:125

ယဲဒၣ်အံၤယမ့ၢ်နခ့နပှၤလီၤ. ဒုးနၢ်ပၢၢ်ယၤဒ်သိးယကသ့ၣ်ညါ နတၢ်အုၣ်နသးတဖၣ်န့ၣ်တက့ၢ်.

စံးထီၣ်ပတြၢၤ 143:12

ဒီးလၢနတၢ်အဲၣ်ဂၢၢ်ကျၢၤအဃိန့ၣ်, ဒီၣ်တဲာ်ကွံာ်ယဒုၣ်ယဒါတဖၣ်, ဒီးမၤဟးဂီၤကွံာ်ကယဲၢ်ပှၤလၢအမၤအၢယၤ ခဲလၢာ်န့ၣ်တက့ၢ်. အဂ့ၢ်ဒ်အံၤ, ယမ့ၢ်နခ့နပှၤလီၤ.

စံးထီၣ်ပတြၢၤ 86:16

ဃၣ်နသးဆူယအိၣ်, ဒီးသးကညီၤယၤတက့ၢ်. ဒုးဆူၣ်ထီၣ်ယၤဒီး အုၣ်က့ၤခီၣ်က့ၤယၤတက့ၢ်. အဂ့ၢ်ဒ်အံၤ, ယမၤနတၢ်ဒ်သိးဒၣ်ယမိၢ်မၤတ့ၢ်ဝဲန့ၣ်လီၤ.

လံာ်ယၡါယၤ 61:1

ယွၤပၢဘၣ်တၢ်ခဲလၢာ်ကစၢ် မၤပှဲၤတ့ၢ်ယၤဒီးအသးဒၣ်ဝဲလီၤ. အဝဲဃုထၢတ့ၢ်ယၤဒီးမၢလီၤတ့ၢ်ယၤ ဒ်သိးယကစံၣ်တဲၤတဲလီၤတၢ်သးခုကစီၣ်လၢ ပှၤဖှီၣ်ဖိယာ်ဖိ, ဒ်သိးယကမၤဘျါက့ၤပှၤအသူၣ်ကၢ်သးလီၤ, ဒ်သိးယကဘိးဘၣ်သ့ၣ်ညါတၢ်ပျၢ်ဖျဲးလၢ ပှၤဘၣ်တၢ်မၢကဲကုၢ်အီၤတဖၣ်အဂီၢ် ဒီးတၢ်သဘျ့လၢပှၤအိၣ်လၢဃိာ်ပူၤတဖၣ်အဂီၢ်လီၤ.

လံာ်ယိၤဟၣ် 12:26

ပှၤတဂၤလၢ်လၢ်လၢအသးအိၣ်မၤယတၢ်မၤန့ၣ်, ကဘၣ်ကဲထီၣ်ယပျဲၢ်ယဘီၣ်ဒ်သိးဖဲယအိၣ်အလီၢ်န့ၣ် ယခ့ယပှၤကအိၣ်စ့ၢ်ကီးဒီးယၤဖဲန့ၣ်လီၤ. ပှၤတဂၤဂ့ၤတဂၤဂ့ၤမ့ၢ်မၤယတၢ်မၤဒီး, ယပၢ်ကမၤလၤကပီၤအီၤလီၤ.

မၤတၢ် 27:23

အဂ့ၢ်ဒ်အံၤ, ဖဲနၤလၢအပူၤကွံာ်န့ၣ်, ကစၢ်ယွၤလၢယမ့ၢ်အတၢ်ဒီး ယဘါအီၤတဂၤအကလူးဟဲဆူယအိၣ်,

ရိမ့ၤ 6:22

ဘၣ်ဆၣ်ဒီး, ခဲအံၤသုဘၣ်တၢ်မၤထူၣ်ဖျဲးထီၣ်ကွံာ်သုလၢတၢ် ဒဲးဘးအပူၤဒီးသုကဲထီၣ်ကစၢ်ယွၤအကုၢ်တဖၣ်လံ. တၢ်ဘျုးလၢသုဂီၢ်မ့ၢ်တၢ်အိၣ်မူလၢအဘၣ်တၢ်ပာ်စီဆှံ အီၤလၢာ်လၢာ်ဆ့ဆ့လၢကစၢ်ယွၤအဂီၢ်, ဒီးအကတၢၢ် မ့ၢ်တၢ်မူအထူအယိာ်လီၤ.

ယၤကိာ် 1:1

စီၤယၤကိာ်, ကစၢ်ယွၤဒီးကစၢ်ယ့ၣ်ၡူးခရံာ်အခ့အပှၤ, ကတိၤဒိၣ်ဒီးဆၢဂ့ၤဆၢဝါဘၣ်ပှၤတဆံခံဒူၣ်လၢအအိၣ် လၢတၢ်လီၤပြံလီၤပြါအပူၤန့ၣ်လီၤ.