စံးထီၣ်ပတြၢၤ 116:15 - Sgaw Karen Common Bible

¹⁵ အပှၤစီဆှံတဖၣ်အတၢ်သံန့ၣ် မ့ၢ်တၢ်လုၢ်ဒိၣ်ပှ့ၤဒိၣ်လၢယွၤအမဲာ်ညါလီၤ.

စံးထီၣ်ပတြၢၤ 116:15 Iomraidhean Croise

လံာ်စီၤယိၤဘး 5:26

ဒ်ဘုလၢအဂီၤထီၣ်ဝဲတုၤလၢကူးဘုအကတီၢ်အသိးန့ၣ်, နကအိၣ်ကၢအိၣ်ခိးတုၤနမှံၤတုာ်ပှၢ်တီၤအကတီၢ်န့ၣ်လီၤ.

စံးထီၣ်ပတြၢၤ 72:14

အဝဲပှ့ၤက့ၤအဝဲသ့ၣ်အသးသမူလၢ ပှၤမၤနးမၤဖှီၣ်တၢ်အစုပူၤ ဒီးအသွံၣ်န့ၣ်မ့ၢ်တၢ်လုၢ်ဒိၣ်ပှ့ၤဒိၣ် လၢအမဲာ်ညါလီၤ.

လံာ်လူၤကၣ် 16:22

ပှၤဖှီၣ်ဖိယာ်ဖိတဂၤအံၤသံဝဲ, ဒီးဘၣ်တၢ်စိာ်ထီၣ်အီၤလၢကလူး တဖၣ်ဆူ စီၤအၤဘြၤဟၣ်အကပၤ, ဖဲတၢ်အီၣ်အမူးလၢမူခိၣ်န့ၣ်လီၤ. ပှၤထူးပှၤတီၤစ့ၢ်ကီးသံဝဲ, ဒီးဘၣ်တၢ်ခူၣ်လီၤအီၤလီၤ.

လံာ်လီၣ်ဖျါ 1:18

ယမ့ၢ်ပှၤလၢအမူဝဲတဂၤလီၤ. ယသံတ့ၢ်ယဲ, ဘၣ်ဆၣ်ဒီးခဲကနံၣ်အံၤ, ယမူယဲအစိၤစိၤအဃၣ်ဃၣ်လီၤ. ယအိၣ်ဒီးတၢ်စိတၢ်ကမီၤလၢတၢ်သံ, ဒီးပျုၤပူၤအဖီခိၣ်လီၤ.

လံာ်လီၣ်ဖျါ 14:3

ပှၤအဂၤ ၁၄၄,ဝ၀၀ န့ၣ်, ဆၢထၢၣ်လၢလီၢ်ပစိာ်, တၢ်အိၣ်ဒီး အသးသမူလွံၢ်ဒု, ဒီးပှၤသူၣ်က့သးပှၢ်တဖၣ်န့ၣ်အမဲာ်ညါ လီၤ. အဝဲသ့ၣ်သးဝံၣ်တၢ်သးဝံၣ်အသီတယုၢ်, လၢပှၤသးဝံၣ်လိအီၤသ့ထဲအဝဲသ့ၣ်တဖၣ်ဧိၤလီၤ. လၢ ပှၤကညီခဲလၢာ်အကျါန့ၣ်, အဝဲသ့ၣ်မ့ၢ်ပှၤထဲတဖုဧိၤလၢအဘၣ်တၢ်အုၣ်က့ၤခီၣ်က့ၤ အီၤလီၤ.

လံာ်စီၤၡမူၤအ့လးအခီၣ်ထံးတဘ့ၣ် 25:29

ပှၤတဂၤဂၤမ့ၢ်ကဘၣ်ဒုးနၤဒီးကျဲးစၢးလၢကမၤသံနၤန့ၣ်ယွၤ, နကစၢ်ယွၤကမၤပူၤဖျဲးနၤ, ဒ်ပှၤတဂၤကဟုကယာ်တၢ်စုလီၢ်ခီၣ်ခိၣ် လုၢ်ဒိၣ်ပှ့ၤဒိၣ်တမံၤအသိးန့ၣ်လီၤ. ဘၣ်ဆၣ်ဒီးလၢနဒုၣ်နဒါတဖၣ်အဂီၢ်န့ၣ်, ယွၤကစူးကွံာ်အဝဲသ့ၣ်ဆူအယံၤ, ဒ်ပှၤတဂၤဘျုးထီၣ်ကွံာ်လၢၢ်တဖၣ်လၢအနီၣ်ဘျုးအသိးန့ၣ်လီၤ.