စံးထီၣ်ပတြၢၤ 116:12 - Sgaw Karen Common Bible

¹² ယကဟ့ၣ်ကၣ်ယွၤလၢအမၤဂ့ၤယၤတဂၤလၢ တၢ်ခဲလၢာ်အဃိန့ၣ်လၢမနုၤတမံၤလဲၣ်.

စံးထီၣ်ပတြၢၤ 116:12 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 32:25

ဘၣ်ဆၣ်စီၤပၤဃံးစကံယၤပာ်ထီၣ်ထီအသးကဲာ်ဆိးလၢကဒုးနဲၣ် အတၢ်စံးဘျုးဆၢက့ၤလၢ, တၢ်လၢယွၤမၤတ့ၢ်လၢအဂီၢ်အဃိန့ၣ်လီၤ. ဒီးကီၢ်ယူဒၤဒီးဝ့ၢ်ယရူၤရှလ့ၣ်တူၢ်ဘၣ်တၢ်လၢတၢ်န့ၣ်အဃိလီၤ.

စံးထီၣ်ပတြၢၤ 103:2

ယသးဧၢ, စံးထီၣ်ပတြၢၤယွၤတက့ၢ်. ဒီးအတၢ်မၤဂ့ၤတဖၣ်န့ၣ် မ်နသုတသးပ့ၤနီၣ်နီတမံၤတဂ့ၤ.

လံာ်မံကၤ 6:6

ယကဘၣ်ဟဲစိာ်တၢ်မနုၤတမံၤဆူယွၤ, မူခိၣ်ကစၢ်ယွၤအအိၣ်, ဖဲယဟဲဒ်သိးယကဘူၣ်ထီၣ်ဘါထီၣ်အီၤအခါန့ၣ်လဲၣ်. မ့ၢ်ယကဘၣ်ဟဲစိာ်ဂီၤဖံးဖိအဂ့ၤကတၢၢ်တဖၣ် လၢယကဆိၣ်ကဲၤအီၤဒ်တၢ်လုၢ်မ့ၣ်အူဆူအအိၣ်ဧါ.

ရိမ့ၤ 12:1

လၢတၢ်န့ၣ်အဃိယဒီပုၢ်ဝဲၢ်သ့ၣ်ဧၢ, မ့ၢ်လၢကစၢ်ယွၤအတၢ်သးကညီၤဒိၣ်ဝဲအါဝဲလၢပဖီခိၣ်အဃိ, ယဃ့ကညးသုလၢသုကလုၢ်ထီၣ်သုသး ဒ်တၢ်လုၢ်မူစီဆှံ ဆူကစၢ်ယွၤအအိၣ်အသိး, ပာ်စီဆှံသုသးလၢအတၢ်မၤအဂီၢ်, ဒီးမၤသးမုာ်သးခုအီၤတက့ၢ်. တၢ်အံၤမ့ၢ်တၢ်ဘူၣ်ထီၣ်ဘါထီၣ်အမ့ၢ်အတီလၢသုကြၢးမၤ အီၤန့ၣ်လီၤ.

1 ကရံၣ်သူး 6:20

အဝဲဒၣ်ပှ့ၤသု, ဒီးဘၣ်ဟ့ၣ်ဝဲအပှ့ၤအကလံၤလီၤ. လၢတၢ်န့ၣ်အဃိဒိးသူသုနီၢ်ခိတဖၣ်လၢယွၤအလၤကပီၤ အဂီၢ်န့ၣ်တက့ၢ်.