စံးထီၣ်ပတြၢၤ 116:11 - Sgaw Karen Common Bible

¹¹ ဒီးဖဲယပျံၤတၢ်ဒီးစံး, “ပနာ်န့ၢ်ပှၤတသ့နီတဂၤဘၣ်” အခါဒၣ်လဲာ်န့ၣ်လီၤ.

စံးထီၣ်ပတြၢၤ 116:11 Iomraidhean Croise

လံာ်စီၤပၤခံဘ့ၣ်တဘ့ၣ် 4:16

ဒီးစီၤအလံၤၡါစံးဘၣ်အီၤ, “ဆူညါတနံၣ်တုၤအကတီၢ်ဒ်အံၤ န့ၣ်, နကစိာ်ဘၣ်နဖိခွါတဂၤလၢနစုတီၤလိၤန့ၣ်လီၤ.” ပိာ်မုၣ်န့ၣ်စံးဆၢအီၤ, “တၢ်ဒိၣ်ဧၢ, နမ့ၢ်ကစၢ်ယွၤအပှၤကညီ တဂၤလီၤ. ဝံသးစူၤလီယၤတဂ့ၤ.”

စံးထီၣ်ပတြၢၤ 12:2

အဝဲသ့ၣ်ခဲလၢာ်လီလိာ်အသးတဂၤဒီးတဂၤ, လီန့ၢ်လွဲန့ၢ်လိာ်အသးလၢ တၢ်ကတိၤအူသဖှိတၢ်န့ၣ်လီၤ.

စံးထီၣ်ပတြၢၤ 12:3

ယွၤဧၢ, ဒီၣ်တဲာ်ကွံာ်ပျ့ၤလၢ အအူသဖှိတၢ်တဖၣ်န့ၣ်တက့ၢ်. ကးတံာ်ဃာ်ပှၤအထးခိၣ်လၢ အကတိၤတၢ်ကဖၢလၢဒီးစံးဝဲ,

စံးထီၣ်ပတြၢၤ 31:22

ယပျံၤတၢ်ဒီးယဆိကမိၣ်ယဲလၢ အဝဲဟီထီၣ်ကွံာ်ယၤလၢအမဲာ်ညါလံန့ၣ်လီၤ. ဘၣ်ဆၣ်တုၤယကိးထီၣ်အီၤလၢတၢ်မၤစၢၤအဂီၢ်န့ၣ်ဒီး နၢ်ဟူယတၢ်ကိးထီၣ်န့ၣ်လီၤ.

စံးထီၣ်ပတြၢၤ 62:9

ပှၤကညီခဲလၢာ်လီၤဂာ်ဒၣ်ဒီးတၢ်သါထီၣ်တဘီဖိ န့ၣ်လီၤ. ပှၤအဒိၣ်မ့ၢ်ဂ့ၤအဆံးမ့ၢ်ဂ့ၤ မ့ၢ်တၢ်ကလီကလီဒ်သိးသိးလီၤ. တၢ်မ့ၢ်စီၤကွၢ်အီၤလၢစီၤပီၢ်ပူၤဒီး, တဃၢဘၣ်နီတစဲးဘၣ်. တၢ်မ့ၢ်ပာ်အီၤလၢစီၤပီၢ်အပူၤဒီး, အဝဲသ့ၣ်ဖှံဒိၣ်န့ၢ်ဒံးတၢ်သါတဘီဖိတက့ၢ်န့ၣ်လီၤ.

ရိမ့ၤ 3:4

တမ့ၢ်ဒ်န့ၣ်ဘၣ်. ပှၤကညီကိးဂၤဒဲးမ့မ့ၢ်ပှၤလီတၢ်သနာ်က့, ကစၢ်ယွၤတီဝဲလိၤဝဲလီၤ. ဒ်တၢ်ကွဲးအသးစံးဝဲအသိး, “နကဘၣ်တၢ်ပာ်တီပာ်လိၤနၤလၢ နတၢ်ကတိၤတဖၣ်အပူၤ, ဒီးနကမၤနၢၤတၢ်ဖဲ နဘၣ်တၢ်လိာ်ကွီၢ်နၤန့ၣ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 27:1

စီၤဒၤဝံးစံးလီၤအသး, “လၢမုၢ်နံၤတဖၣ်အံၤအပူၤတနံၤနံၤ န့ၣ်စီၤစီလူးကမၤသံယၤလီၤ. တၢ်အဂ့ၤကတၢၢ်လၢယကြၢးမၤန့ၣ်, မ့ၢ်တၢ်ဃ့ၢ်ပူၤဖျဲးဆူကီၢ်ဖလ့ၡသးအပူၤလီၤ. အန့ၣ်တစု, စီၤစီလူးကဆိကတီၢ်အတၢ်လူၤဃုယၤလၢကီၢ်အံၣ်စရ့လးအပူၤဒီးယကပူၤဖျဲးလီၤ.”