စံးထီၣ်ပတြၢၤ 115:10 - Sgaw Karen Common Bible

¹⁰ သုဝဲကစၢ်ယွၤအပှၤလုၢ်တၢ်အခိၣ်သ့ၣ်ဧၢ, သန့ၤသုသးလၢယွၤတက့ၢ်. အဝဲဒၣ်မၤစၢၤသုဒီးကဟုဘံၣ်ကယာ်ဘၢသုလီၤ.

စံးထီၣ်ပတြၢၤ 115:10 Iomraidhean Croise

လံာ်တၢ်ကဲထီၣ်အခီၣ်ထံး 15:1

တၢ်န့ၣ်တဖၣ်အလီၢ်ခံစီၤအၤဘြၣ်ဒိးန့ၢ်ဘၣ်တၢ်ထံၣ်လၢညါခီ တမံၤဒီးနၢ်ဟူယွၤစံးဘၣ်အီၤ, “စီၤအၤဘြၣ်ဧၢ, ပျံၤတၢ်တဂ့ၤ, ယကခိးတြီကွံာ်တၢ်အၢလၢနၤဒီးဟ့ၣ်လီၤနၤတၢ်ဘျုးတၢ်ဖှိၣ်ဖး ဒိၣ်တမံၤန့ၣ်လီၤ.”

စံးထီၣ်ပတြၢၤ 118:3

မ်ယွၤအပှၤလုၢ်တၢ်အခိၣ်တဖၣ်စံးဝဲ, “အတၢ်အဲၣ်အိၣ်ဝဲလီၤထူလီၤယိာ်” န့ၣ်တက့ၢ်.

လံာ်တၢ်ဟးထီၣ်ကွံာ် 28:1

ကိးဖှိၣ်နဒီပုၢ်ဝဲၢ်ခွါစီၤအၤဟရိၣ်ဒီးအဖိခွါတဖၣ်လၢအမ့ၢ်ဝဲ စီၤနၤဒး, စီၤအဘံဟူၤ, စီၤအလၤဧစၢ်, ဒီးစီၤအံသမၢ်တက့ၢ်. ပာ်လီၤဆီအီၤဒီးကီၢ်အံၣ်စရ့လးအပှၤဂီၢ်မုၢ်ဒ်သိးအကမၤယတၢ် မၤဒ်ပှၤလုၢ်တၢ်အခိၣ်တဖၣ်အသိးတက့ၢ်.

လံာ်တၢ်ဂံၢ် 16:40

အဝဲအံၤမ့ၢ်တၢ်ဟ့ၣ်ပလီၢ်သးတမံၤဆူပှၤအံၣ်စရ့လးဖိတဖၣ်ဒ် သိးပှၤလၢအတမ့ၢ်ဘၣ်စီၤအၤဟရိၣ်အစၢၤအသွဲၣ်တဖၣ်အသု တဟဲဘူးဒီးတၢ်လုၢ်လီၢ်နီတဂၤလၢကဆိၣ်ကဲၤတၢ်နၢမူဆူယွၤ အဂီၢ်တဂ့ၤန့ၣ်လီၤ. မ့တမ့ၢ်ဘၣ်ဒ်န့ၣ်ဒီး, အဝဲကဘၣ်တၢ်မၤဟးဂီၤကွံာ်အီၤဒ်စီၤကိၤရးဒီးအပှၤတဖၣ်အသိး န့ၣ်လီၤ. တၢ်ခဲလၢာ်အံၤဘၣ်တၢ်မၤဝံၤအီၤဒ်ယွၤမၤလိာ်တ့ၢ်စီၤအ့လၤ ဧစၢ်ခီဖျိစီၤမိၤၡ့အသိးန့ၣ်လီၤ.

လံာ်တၢ်ဂံၢ် 16:5

အန့ၣ်ဝံၤဒီးအဝဲဒၣ်စံးဘၣ်စီၤကိၤရး, ဒီးပှၤပိာ်အခံတဖၣ်, “ခဲမုၢ်ဆ့ၣ်ဂီၤခီန့ၣ်ယွၤကဒုးနဲၣ်ပှၤလၢမတၤမ့ၢ်ပှၤဘၣ်ဃး ဒီးအီၤလဲၣ်န့ၣ်လီၤ. အဝဲကပျဲပှၤတဂၤလၢအဘၣ်ဃးဒီးအီၤ, ဒ်ပစံးတၢ်အသိးပှၤလၢအဃုထၢတ့ၢ်ဝဲ, ကသုးဘူးအသးဆူအအိၣ်ဖဲတၢ်လုၢ်လီၢ်န့ၣ်လီၤ.

လံာ်တၢ်ဂံၢ် 18:7

ဘၣ်ဆၣ်ဒီးထဲနၤဒီးနဖိခွါတဖၣ်ဧိၤကဘၣ်မၤလၢထီၣ်ပှဲၤထီၣ်ပှၤ လုၢ်တၢ်အခိၣ်အမူအဒါတဖၣ်လၢအဘၣ်ဃးဒီးတၢ်လုၢ်လီၢ်ဒီးတၢ်အိၣ် လၢတၢ်အလီၢ်စီဆှံကတၢၢ်အပူၤန့ၣ်လီၤ. တၢ်တဖၣ်အံၤမ့ၢ်နမူနဒါတဖၣ်မ့ၢ်လၢယဟ့ၣ်တ့ၢ်နၤတၢ်ဟ့ၣ်ဘၣ်ဃး ဒီးပှၤလုၢ်တၢ်အခိၣ် အဃိန့ၣ်လီၤ. ပှၤလၢအတကြၢးတဘၣ်တဂၤလၢ်လၢ်လၢအဟဲဘူးဒီးတၢ်အပီးအလီစီဆှံ တဖၣ်န့ၣ်ကဘၣ်တၢ်မၤသံကွံာ်အီၤန့ၣ်လီၤ.”