စံးထီၣ်ပတြၢၤ 115:1 - Sgaw Karen Common Bible

¹ ထဲဒၣ်နၤတဂၤဧိၤ, ယွၤဧၢ, ထဲဒၣ်နၤတဂၤဧိၤ မ်တၢ်ဟ့ၣ်နၤလၢတၢ်လၤကပီၤ ဒီးတမ့ၢ်ဘၣ်ဆူပှၤဘၣ်. အဂ့ၢ်ဒ်အံၤ, မ့ၢ်လၢနတၢ်အဲၣ်ဂၢၢ်ကျၢၤ ဒီးနတၢ်သူၣ်တီသးလိၤအဃိန့ၣ်လီၤ.

စံးထီၣ်ပတြၢၤ 115:1 Iomraidhean Croise

စံးထီၣ်ပတြၢၤ 138:2

ယဃၣ်ဃီၤယမဲာ်နတၢ်လုၢ်ဟံၣ်စီဆှံအအိၣ်, ဆုးလီၤယခိၣ် ဒီးစံးထီၣ်ပတြၢၤနမံၤ လၢနတၢ်အဲၣ်ဂၢၢ်ကျၢၤ ဒီးနတၢ်မ့ၢ်တၢ်တီအဃိန့ၣ်လီၤ. အဂ့ၢ်ဒ်အံၤ, နပာ်ထီၣ်ထီနမံၤဒီး နကလုၢ်ကထါ လၢတၢ်ခဲလၢာ်အဖီခိၣ်န့ၣ်လီၤ.

စံးထီၣ်ပတြၢၤ 61:7

မ်အပၢဘၣ်တၢ်လၢကစၢ်ယွၤအမဲာ်ညါ လီၤထူလီၤယိာ် န့ၣ်တက့ၢ်. ပာ်လီၤနတၢ်အဲၣ်အဂၢၢ်အကျၢၤ ဒီးပၢၤအီၤလၢတၢ်သူၣ်တီသးလိၤန့ၣ်တက့ၢ်.

စံးထီၣ်ပတြၢၤ 74:22

ကစၢ်ယွၤဧၢ, ထိၣ်ဂဲၤထီၣ်နသးဒီး ဒီဒၣ်နကွီၢ်န့ၣ်တက့ၢ်. သ့ၣ်နီၣ်ထီၣ်က့ၤပှၤလၢအတအိၣ်ဒီးယွၤ နံၤဘၣ်ဖၣ်လဲနၤဒီတနံၤညါန့ၣ်တက့ၢ်.

စံးထီၣ်ပတြၢၤ 96:8

စံးထီၣ်ပတြၢၤယွၤအမံၤလၤသၣ်ကပီၤ, ဟဲစိာ်တၢ်မၤဘူၣ်ဒီးဟဲနုာ်ဆူ အတၢ်လုၢ်ဟံၣ်အပူၤတက့ၢ်.

လံာ်ယၡါယၤ 48:11

တၢ်လၢယမၤအီၤန့ၣ်, ယမၤတ့ၢ်အီၤလၢယကစၢ်ဒၣ်ယဲအဃိလီၤ. ယတပျဲယမံၤအလၤကပီၤဟးဂီၤမ့ၢ်ဂ့ၤပှၤအဂၤတဂၤဂၤနီၤဟံးန့ၢ် တၢ်လၤကပီၤအဝဲန့ၣ်မ့ၢ်ဂ့ၤဘၣ်. အဝဲန့ၣ်ကြၢးမ့ၢ်ဒၣ်ယတၢ်, ထဲယၤတဂၤဧိၤအတၢ်န့ၣ်လီၤ.”

လံာ်ယဃ့းစက့လး 20:14

ဘၣ်ဆၣ်ယတမၤတ့ၢ်ယဲဘၣ်. အဂ့ၢ်ဒ်အံၤ, တၢ်န့ၣ်ကဟဲစိာ်ဃီၤတၢ်မၤဘၣ်ဒိယမံၤအလၤကပီၤလၢပှၤကလုာ် တဖၣ်အကျါ, ပှၤတဖၣ်လၢအထံၣ်ဘၣ်တ့ၢ်ယဒုးဟးထီၣ်ကွံာ် အံၣ်စရ့လးန့ၣ်လီၤ.

လံာ်ယဃ့းစက့လး 36:22

ဒီးခဲကနံၣ်အံၤ, ဟ့ၣ်လီၤပှၤအံၣ်စရ့လးဖိတဖၣ်လၢယၤ, ယွၤ ပၢဘၣ်တၢ်ခဲလၢာ်ကစၢ်အတၢ်ကစီၣ်လၢအဝဲသ့ၣ်အဂီၢ်န့ၣ်တက့ၢ်. တၢ်လၢယကမၤအီၤန့ၣ်, တမ့ၢ်ဘၣ်လၢသုဝဲပှၤအံၣ်စရ့လးဖိတဖၣ် အဃိဘၣ်. မ့မ့ၢ်တခီ, မ့ၢ်လၢယမံၤစီဆှံလၢသုဒုးအိၣ်ထီၣ် တၢ်မၤမဲာ်ဆှးအီၤလၢထံကီၢ်တဘ့ၣ်လၢ်လၢ်ဖဲသု လဲၤတ့ၢ်အပူၤအဃိန့ၣ်လီၤ.

လံာ်ယဃ့းစက့လး 36:32

ကီၢ်အံၣ်စရ့လးဧၢ, ယအဲၣ်ဒိးလၢနကသ့ၣ်ညါလၢ, တမ့ၢ် ယမၤတၢ်သ့ၣ်တဖၣ်ခဲလၢာ်အံၤလၢနဃိဘၣ်. ယအဲၣ်ဒိးလၢ နကကလၢၢ်ဘၣ်တၢ်မဲာ်ဆှးဒီးတၢ်လီၤမဲာ်ဆှးလၢနမၤအီၤတဖၣ် န့ၣ်လီၤ. ယၤ, ယွၤပၢဘၣ်တၢ်ခဲလၢာ်ကစၢ်ကတိၤလံတၢ်လံ.”

လံာ်ဒၤနံးယ့လး 9:19

ယွၤဧၢ, ဒိကနၣ်လၢ်ပှၤတက့ၢ်. ယွၤဧၢ, ပျၢ်လၢ်ပကမၣ်တက့ၢ်. ယွၤဧၢ, ဒိကနၣ်ပှၤဒီးမၤတၢ်တက့ၢ်. ဒ်သိးပှၤကိးဂၤကသ့ၣ်ညါလၢန မ့ၢ်ကစၢ်ယွၤဒီး, မၤယံာ်မၤနီၣ်နသးတဂ့ၤ. ဝ့ၢ်တဝ့ၢ်အံၤဒီးပှၤဂီၢ်မုၢ်အံၤမ့ၢ်နတၢ်လီၤ.”

လံာ်မံကၤ 7:20

နကဒုးနဲၣ်နတၢ်သးတီဒီးတၢ်အဲၣ်တပယူာ်ဃီဆူနပှၤဂီၢ်မုၢ်, စီၤအၤဘြၣ်ဟၣ်ဒီးစီၤယၤကိာ်အစၢၤအသွဲၣ်တဖၣ်, ဒ်နအၢၣ်လီၤတ့ၢ်တၢ်ဒီးပမိၢ်ပၢ်ဖံဖုသ့ၣ်လၢပျၢၤလံၤလံၤအသိး န့ၣ်လီၤ.

လံာ်ယိၤဟၣ် 1:17

ကစၢ်ယွၤဟ့ၣ်လီၤတၢ်သိၣ်တၢ်သီခီဖျိစီၤမိၤၡ့, မ့မ့ၢ်တၢ်ဘျုးတၢ်ဖှိၣ်ဒီးတၢ်မ့ၢ်တၢ်တီန့ၣ် ဟဲခီဖျိယ့ၣ်ၡူးခရံာ်န့ၣ်လီၤ.

အ့းဖ့းစူး 1:6

မ်ပစံးထီၣ်ပတြၢၤယွၤလၢအဘျုးအဖှိၣ်လၢအအိၣ်ဒီးအလၤ ကပီၤ, လၢအဟ့ၣ်လီၤကလီန့ၢ်ပှၤခီဖျိအဖိခွါသးဘိအဃိ န့ၣ်တက့ၢ်.

လံာ်စီၤယိၤၡူ 7:9

ပှၤကနၤဧၣ်ဖိတဖၣ်ဒီးပှၤအဂၤခဲလၢာ်လၢထံကီၢ်အပူၤကနၢ်ဟူတၢ်ဂ့ၢ်အံၤ, ကကဝီၤဃာ်ပှၤဒီးကမၤသံပှၤခဲလၢာ်လီၤ. ဒီးနကမၤမနုၤလၢနကဒီဒၣ်နမံၤအလၤကပီၤအဂီၢ်န့ၣ်လဲၣ်.”