စံးထီၣ်ပတြၢၤ 113:7 - Sgaw Karen Common Bible

⁷ အဝဲစိာ်ကဖီထီၣ်ပှၤဘၣ်ဖှီၣ်ဘၣ်ယာ်လၢ ဟီၣ်ခိၣ်အကမူၣ်ပူၤ, အဝဲစိာ်ထီၣ်ထီပှၤလိၣ်ဘၣ်တၢ်မၤစၢၤလၢ အတၢ်သူၣ်ကိၢ်သးဂီၤအပူၤ

စံးထီၣ်ပတြၢၤ 113:7 Iomraidhean Croise

လံာ်စီၤပၤအခီၣ်ထံးတဘ့ၣ် 16:2

“နတမ့ၢ်တၢ်နီတမံၤဘၣ်. ဘၣ်ဆၣ်ယဒုးကဲထီၣ်နၤလၢယပှၤဂီၢ်မုၢ် အံၣ်စရ့လးလၢအခိၣ်အနၢ်န့ၣ်လီၤ. ဒီးခဲကနံၣ်အံၤနမၤတ့ၢ်တၢ်ဒဲးဘးဒ်စီၤယၤရၤဘၣ်အသိး, ဒီးနဆှၢဃီၤယပှၤဂီၢ်မုၢ်ဆူတၢ်ဒဲးဘးအပူၤန့ၣ်လီၤ. အဝဲသ့ၣ်အတၢ်ဒဲးဘးတဖၣ်ထိၣ်ဂဲၤထီၣ်ယတၢ်သးဒိၣ်,

လံာ်စီၤယိၤဘး 2:8

ဒီးစီၤယိၤဘးဟံးန့ၢ်သပၢၤက့ဒ်သိးအကဝာ်အသး, ဒီးဆ့ၣ်နီၤလၢဖၣ်ဆါအကျါလီၤ.

လံာ်စီၤယိၤဘး 5:11

မ့ၢ်မးကစၢ်ယွၤပာ်ထီၣ်ထီပှၤလၢအဆီၣ်လီၤအသးဒီးဟ့ၣ် တၢ်သူၣ်ခုသးခုဆူပှၤလၢအသူၣ်ကၢ်အသးလီၤတဖၣ်န့ၣ်လီၤ.

စံးထီၣ်ပတြၢၤ 107:41

မ့မ့ၢ်ပှၤလၢအလိၣ်ဘၣ်တၢ်မၤစၢၤန့ၣ် ပာ်ထီၣ်ထီဝဲလၢအတၢ်နးတၢ်ဖှီၣ်အပူၤ ဒီးဒုးအါထီၣ်အဒူၣ်ဖိထၢဖိတဖၣ် ဒ်သိအဖုတဖၣ်အသိးန့ၣ်လီၤ.

စံးထီၣ်ပတြၢၤ 22:15

ယဂံၢ်ယဘါဃ့ထီကွံာ်ဝဲဒ်သပၢၤတက့အသိး, ဒီးယပျုၤစဲဘူးဒီးယခၣ်ခိၣ်န့ၣ်လီၤ. နဒုးမံလီၤယၤလၢတၢ်သံအဟီၣ်ခိၣ်အကမူၣ် အပူၤန့ၣ်လီၤ.

လံာ်ယၡါယၤ 26:19

ပပှၤဂီၢ်မုၢ်လၢအသံတ့ၢ်တဖၣ်ကမူကဒီးလီၤ. အဝဲသ့ၣ်အနီၢ်ခိတဖၣ်ကမူထီၣ်က့ၤလီၤ. ကယဲၢ်ပှၤလၢအမံလၢအသွၣ်ခိၣ်အပူၤတဖၣ်ကပၢၢ်ထီၣ် ဒီးသးဝံၣ်တၢ်လၢတၢ်သးခုအပူၤလီၤ. ဒ်ဘှ့ၣ်ပစီၤအတၢ်ကပီၤမၤသီထီၣ်က့ၤဟီၣ်ခိၣ်အသိးန့ၣ်, ယွၤကမၤမူထီၣ်ပှၤလၢအသံတ့ၢ်ဝဲလၢပျၢၤတဖၣ်လီၤ.

လံာ်ယဃ့းစက့လး 17:24

ကယဲၢ်သ့ၣ်ခဲလၢာ်လၢထံကီၢ်န့ၣ်အပူၤကသ့ၣ်ညါဝဲလၢယမ့ၢ်ယွၤ လီၤ. ကကူာ်လီၤကွံာ်သ့ၣ်လၢအထီတဖၣ်ဒီးယမၤထီထီၣ်သ့ၣ်လၢ အဖုၣ်တဖၣ်လီၤ. ယမၤလီၤညွံးလီၤဘဲကွံာ်သ့ၣ်လၢအသံကစဲာ်တဖၣ်ဒီးဒုးကဲထီၣ် သ့ၣ်အဃ့တဖၣ်ဆူသ့ၣ်အသံကစဲာ်တဖၣ်လီၤ. ယၤယွၤအံၤကတိၤလံတၢ်လံ. ယကမၤတၢ်လၢယစံးတ့ၢ်ယဲ လၢယကမၤအီၤန့ၣ်လီၤ.”

ယၤကိာ် 2:5

ယဒီပုၢ်ဝဲၢ်သးဘိသ့ၣ်ဧၢ, ဒိကနၣ်တက့ၢ်. ကစၢ်ယွၤဃုထၢပှၤအဖှီၣ်လၢဟီၣ်ခိၣ်အံၤဒ်သိး ကထူးဝဲတီၤဝဲလၢတၢ်စူၢ်တၢ်နာ်ဒီးမၤန့ၢ်ဘီမုၢ်လၢ အအၢၣ်လီၤတ့ၢ်ဝဲလၢပှၤလၢအအဲၣ်အီၤတဖၣ်အဂီၢ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 24:14

ကွၢ်ဃီၤတၢ်လၢကီၢ်အံၣ်စရ့လးအစီၤပၤကျဲးစၢးမၤဝဲဒ်သိးကမၤ သံဝဲန့ၣ်တဖၣ်တက့ၢ်. ကွၢ်တၢ်လၢအလူၤဖီၣ်န့ၢ်ဝဲတက့ၢ်. မ့ၢ်ထွံၣ်အသံတဒု, ထွံၣ်အကျံတဘ့ၣ်လီၤ.