စံးထီၣ်ပတြၢၤ 112:1 - Sgaw Karen Common Bible

¹ စံးထီၣ်ပတြၢၤယွၤတက့ၢ်. ပှၤလၢအပျံၤယွၤ, ပှၤလၢအသးခုဒိၣ်ဒိၣ်ကလဲာ်လၢတၢ်စူၢ် အတၢ်မၤလိာ်အပူၤန့ၣ်ဘၣ်ဆိၣ်ဂ့ၤဝဲလီၤ.

စံးထီၣ်ပတြၢၤ 112:1 Iomraidhean Croise

လံာ်စီၤပၤအခီၣ်ထံးတဘ့ၣ် 18:3

အဃိ, စီၤအၤဃာ်ကိးန့ၢ်စီၤဧိၤဘါဒယၤလၢအမ့ၢ်ပှၤကွၢ်ထွဲ တၢ်အခိၣ်လၢနီပူၤန့ၣ်လီၤ. (စီၤဧိၤဘါဒယၤမ့ၢ်ပှၤအဲၣ်ထူအဲၣ် ယွၤဒိၣ်မးတဂၤ,

စံးထီၣ်ပတြၢၤ 111:1

စံးထီၣ်ပတြၢၤယွၤတက့ၢ်. ယကစံးဘျုးယွၤလၢယသးဒီဖျၢၣ်ညါ လၢအပှၤဂီၢ်မုၢ်အတၢ်အိၣ်ဖှိၣ်အပူၤန့ၣ်လီၤ.

စံးထီၣ်ပတြၢၤ 111:10

တၢ်ကူၣ်သ့အခီၣ်ထံးန့ၣ် မ့ၢ်တၢ်ပျံၤယွၤလီၤ. ကယဲၢ်ပှၤလၢအတိၢ်န့ၢ်ဝဲခဲလၢာ်န့ၣ် အိၣ်ဒီးအသးလၢအနၢ်ပၢၢ်တၢ်ဂ့ၤဂ့ၤလီၤ. အတၢ်စံးထီၣ်ပတြၢၤန့ၣ် အိၣ်ဂၢၢ်ဆိးကျၢၤ လီၤစိၤလီၤထီလီၤ.

စံးထီၣ်ပတြၢၤ 119:14

ယမုာ်လၤသးခုလၢတၢ်ပိာ်ထွဲနတၢ်မၤလိာ်သ့ၣ်တဖၣ် ဒိၣ်န့ၢ်တၢ်အိၣ်ဒီးတၢ်စုလီၢ်ခီၣ်ခိၣ်လၢ အအါန့ၣ်လီၤ.

စံးထီၣ်ပတြၢၤ 119:143

တၢ်နးတၢ်ဖှီၣ်ဒီးတၢ်ကိၢ်တၢ်ဂီၤန့ၣ်ဘၣ်လံယၤလံ. ဘၣ်ဆၣ်နတၢ်မၤလိာ်တဖၣ်န့ၣ် မ့ၢ်ယတၢ်သူၣ်ဖှံသးညီလီၤ.

စံးထီၣ်ပတြၢၤ 119:16

ယကမုာ်လၤသးခုလၢနတၢ်မၤလိာ်တဖၣ်အပူၤလီၤ. ယတသးပ့ၤနီၣ်ဘၣ်နကလုၢ်ကထါဘၣ်.

စံးထီၣ်ပတြၢၤ 119:35

ဆှၢယၤလၢနတၢ်မၤလိာ်အကျဲန့ၣ်တက့ၢ်. အဂ့ၢ်ဒ်အံၤ, ယမုာ်လၤတၢ်လၢအပူၤလီၤ.

စံးထီၣ်ပတြၢၤ 119:97

ယအဲၣ်နတၢ်သိၣ်တၢ်သီဆံးဒိၣ်လဲၣ်. ယဆိကမိၣ်တၢ်လၢအဂ့ၢ်အကျိၤသ့သ့တနံၤလီၤ.

စံးထီၣ်ပတြၢၤ 128:1

ကယဲၢ်ပှၤလၢအပျံၤယွၤ, ဒီးပိာ်အကျဲတဖၣ်န့ၣ်ဘၣ်ဆိၣ်ဂ့ၤဝဲလီၤ.

စံးထီၣ်ပတြၢၤ 145:19

အဝဲမၤလၢပှဲၤပှၤလၢအမၤလၤကပီၤအီၤတဖၣ် အတၢ်လိၣ်, အဝဲနၢ်ဟူအဝဲသ့ၣ်အတၢ်ကိးထီၣ်ဒီး အုၣ်က့ၤခီၣ်က့ၤအဝဲသ့ၣ်လီၤ.

စံးထီၣ်ပတြၢၤ 147:1

စံးထီၣ်ပတြၢၤယွၤတက့ၢ်. အဂ့ၢ်ဒ်အံၤ, တၢ်သးဝံၣ်စံးထီၣ်ပတြၢၤ ပကစၢ်ယွၤန့ၣ်မ့ၢ်တၢ်ဂ့ၤလီၤ. တၢ်စံးထီၣ်ပတြၢၤအီၤန့ၣ် မ့ၢ်တၢ်မုာ်သူၣ်မုာ်သးဒီး တၢ်ကြၢးဝဲဘၣ်ဝဲလီၤ.

စံးထီၣ်ပတြၢၤ 150:1

စံးထီၣ်ပတြၢၤယွၤတက့ၢ်. စံးထီၣ်ပတြၢၤကစၢ်ယွၤလၢ အလီၢ်စီဆှံအပူၤန့ၣ်တက့ၢ်. စံးထီၣ်ပတြၢၤအီၤလၢအစိအကမီၤ အမူကပိာ်လိၤအပူၤန့ၣ်တက့ၢ်.

စံးထီၣ်ပတြၢၤ 40:8

ယကစၢ်ယွၤဧၢ, ယသးခုမၤယဲနတၢ်ဘၣ်နသးန့ၣ်လီၤ. ယပၢၤဃာ်နတၢ်သိၣ်တၢ်သီလၢယသးပူၤလီၤ.’’

လံာ်တၢ်ဟးထီၣ်ကွံာ် 1:21

ဒီးမ့ၢ်လၢပှၤကွၢ်ပဟုးတဖၣ်ပျံၤကစၢ်ယွၤအဃိ, ကစၢ်ယွၤဟ့ၣ်အီၤလၢအဟံၣ်ဖိဃီဖိဒၣ်ဝဲစုာ်စုာ်လီၤ.

လံာ်ပှၤစံၣ်တဲၤတဲလီၤတၢ် 8:12

ပှၤဒဲးဘးဖိတဂၤမ့ၢ်မၤတၢ်ထီဒါတၢ်သိၣ်တၢ်သီအဘျီတက ယၤနာ်က့အိၣ်မူဒံးဝဲလီၤ. အိ, မ့ၢ်, ယသ့ၣ်ညါတၢ်လၢအဝဲသ့ၣ် စံးဝဲ, “နမ့ၢ်စူၢ်ကစၢ်ယွၤဒီး, တၢ်ခဲလၢာ်ကဘၣ်ဘျီးဘၣ်ဒါဝဲလီၤ.”

လံာ်ယၡါယၤ 50:10

သုဝဲခဲလၢာ်လၢအယူးယီၣ်ပာ်ဒိၣ်ယွၤ ဒီးစူၢ်အခ့အပှၤအတၢ်ကတိၤတဖၣ်န့ၣ်, ကျဲလၢသုပိာ်အီၤ, ကခံးဝဲနီၢ်နီၢ်လီၤ. ဘၣ်ဆၣ်ဒီး, ပာ်သုတၢ်နာ်လၢယွၤအပူၤ, ဒီးသန့ၤသုသးလၢသု ကစၢ်ယွၤန့ၣ်တက့ၢ်.

လံာ်လူၤကၣ် 1:50

အဝဲဒၣ်ဒုးနဲၣ်တၢ်သးကညီၤလၢ ပှၤမၤလၤကပီၤအီၤသ့ၣ်တဖၣ်အဖီခိၣ် လၢပှၤတစိၤဘၣ်တစိၤန့ၣ်လီၤ.

ရိမ့ၤ 7:22

လၢယသးကံၢ်ပူၤတခီ, ယသူၣ်ခုသးခုလၢကစၢ်ယွၤအတၢ်သိၣ်တၢ်သီအပူၤန့ၣ်လီၤ.

ရိမ့ၤ 8:6

အဂ့ၢ်ဒ်အံၤ, တၢ်ဒိးပၢပသးလၢဟီၣ်ခိၣ်ဖိအန့ဆၢၣ် န့ၣ်အကတၢၢ်မ့ၢ်တၢ်သံန့ၣ်လီၤ. မ့မ့ၢ်, တၢ်ပျဲကစၢ်ယွၤအသးပၢပှၤန့ၣ်အကတၢၢ်မ့ၢ်တၢ်မူဒီး တၢ်ဃူတၢ်ဖိးန့ၣ်လီၤ.

လံာ်သိၣ်လီၤသီလီၤတၢ် 28:3

ယွၤကဆိၣ်ဂ့ၤသုခူဧိၤဝ့ၢ်ဧိၤတဖၣ်ဒီးသုစံာ်ဧိၤပှဲၤဧိၤ တဖၣ်န့ၣ်လီၤ.