စံးထီၣ်ပတြၢၤ 111:1 - Sgaw Karen Common Bible

¹ စံးထီၣ်ပတြၢၤယွၤတက့ၢ်. ယကစံးဘျုးယွၤလၢယသးဒီဖျၢၣ်ညါ လၢအပှၤဂီၢ်မုၢ်အတၢ်အိၣ်ဖှိၣ်အပူၤန့ၣ်လီၤ.

စံးထီၣ်ပတြၢၤ 111:1 Iomraidhean Croise

စံးထီၣ်ပတြၢၤ 103:1

ယသးဧၢ, စံးထီၣ်ပတြၢၤယွၤတက့ၢ်. ဒီးကယဲၢ်တၢ်အိၣ်လၢယပူၤခဲလၢာ်သ့ၣ်ဧၢ, စံးထီၣ်ပတြၢၤအမံၤစီဆှံန့ၣ်တက့ၢ်.

စံးထီၣ်ပတြၢၤ 106:1

စံးထီၣ်ပတြၢၤယွၤတက့ၢ်. စံးဘျုးယွၤတက့ၢ်. အဂ့ၢ်ဒ်အံၤ, အဝဲဒၣ်န့ၣ်ဂ့ၤဝဲလီၤ. အဂ့ၢ်ဒ်အံၤ, အတၢ်အဲၣ်ဂၢၢ်ကျၢၤ အိၣ်ဝဲလီၤထူလီၤယိာ်လီၤ.

စံးထီၣ်ပတြၢၤ 106:48

စံးထီၣ်ပတြၢၤယွၤ, အံၣ်စရ့လးအကစၢ်ယွၤတက့ၢ်. စံးထီၣ်ပတြၢၤအီၤခဲအံၤဒီးလီၤထူလီၤယိာ်တက့ၢ်. မ်ပှၤခဲလၢာ်စံးဝဲ, “အၤမ့ၣ်တက့ၢ်.” စံးထီၣ်ပတြၢၤယွၤတက့ၢ်.

စံးထီၣ်ပတြၢၤ 107:32

မ်အဝဲသ့ၣ်ပာ်ထီၣ်ထီအီၤလၢ အပှၤဂီၢ်မုၢ်အတၢ်အိၣ်ဖှိၣ်အပူၤ, ဒီးစံးထီၣ်ပတြၢၤအီၤလၢပှၤသူၣ်က့သးပှၢ်တဖၣ် အတၢ်အိၣ်ဖှိၣ်အပူၤန့ၣ်တက့ၢ်.

စံးထီၣ်ပတြၢၤ 108:3

ယွၤဧၢ, လၢပှၤကလုာ်တဖၣ်အကျါန့ၣ် ယကစံးဘျုးစံးဖှိၣ်နၤ, လၢပှၤဂီၢ်မုၢ်တဖၣ်အကျါ န့ၣ်ယကစံးထီၣ်ပတြၢၤနၤလီၤ.

စံးထီၣ်ပတြၢၤ 109:30

ယကစံးဘျုးယွၤလၢယကလုၢ်ဖးဒိၣ်လီၤ. ယကစံးထီၣ်ပတြၢၤအီၤလၢပှၤအါဂၤအကျါလီၤ.

စံးထီၣ်ပတြၢၤ 138:1

ယွၤဧၢ, ယစံးထီၣ်ပတြၢၤနၤလၢ ယသးဒီဖျၢၣ်ညါ, ယသးဝံၣ်စံးထီၣ်ပတြၢၤနၤလၢ ကစၢ်သ့ၣ်တဖၣ်အမဲာ်ညါလီၤ.

စံးထီၣ်ပတြၢၤ 149:1

စံးထီၣ်ပတြၢၤယွၤတက့ၢ်. သးဝံၣ်ထီၣ်ယွၤလၢတၢ်သးဝံၣ်အသီ, စံးထီၣ်ပတြၢၤအီၤလၢပှၤလၢအသးတီဒီးအီၤ အတၢ်အိၣ်ဖှိၣ်အပူၤန့ၣ်တက့ၢ်.

စံးထီၣ်ပတြၢၤ 22:23

“စံးထီၣ်ပတြၢၤအီၤ, သုဝဲပှၤလၢအမ့ၢ်ယွၤအခ့အပှၤသ့ၣ်ဧၢ, မၤလၤကပီၤအီၤ, သုဝဲပှၤလၢ အလီၤစၢၤလၢစီၤယၤကိာ်သ့ၣ်ဧၢ, ဘူၣ်ထီၣ်ဘါထီၣ်အီၤ, သုဝဲပှၤအံၣ်စရ့လးဖိသ့ၣ်ဧၢ,

စံးထီၣ်ပတြၢၤ 22:25

ယကစံးထီၣ်ပတြၢၤနၤလၢတၢ်လၢနမၤတ့ၢ် သ့ၣ်တဖၣ်အဃိ လၢပှၤလၢအဘူၣ်ထီၣ်ဘါထီၣ်နၤသ့ၣ်တဖၣ် အမဲာ်ညါန့ၣ်လီၤ. ယကလုၢ်ထီၣ်တၢ်လုၢ်တဖၣ် ဒ်ယအၢၣ်လီၤတ့ၢ်အသိးန့ၣ်လီၤ.

စံးထီၣ်ပတြၢၤ 35:18

အန့ၣ်ဒီးယကစံးဘျုးစံးဖှိၣ်နၤလၢ ပှၤဂီၢ်မုၢ်ဖးဒိၣ်အမဲာ်ညါ, ယကစံးထီၣ်ပတြၢၤနၤလၢ ပှၤဂီၢ်မုၢ်ဂီၢ်ပၤအမဲာ်ညါန့ၣ်လီၤ.

စံးထီၣ်ပတြၢၤ 89:5

ယွၤဧၢ, မ်မူခိၣ်စံးထီၣ်ပတြၢၤနတၢ်မၤလီၤလးဒီး နတၢ်သူၣ်တီသးလိၤလၢ ပှၤစီဆှံအတၢ်အိၣ်ဖှိၣ်ရိဖှိၣ်အပူၤတက့ၢ်.

စံးထီၣ်ပတြၢၤ 89:7

ယွၤမ့ၢ်တၢ်ပျံၤအလီၢ်လၢပှၤစီဆှံအတၢ်အိၣ်ဖှိၣ်အပူၤ, ဒီးအဝဲသ့ၣ်ခဲလၢာ် ကဆၢထၢၣ်လၢတၢ်ယူးယီၣ် ဒီးတၢ်ပျံၤတၢ်ဖုးအပူၤလီၤ.

စံးထီၣ်ပတြၢၤ 9:1

ယကစံးထီၣ်ပတြၢၤယွၤလၢယသးဒီဖျၢၣ်ညါ, ယကစံးဘၣ်တဲဘၣ်ယဲ နတၢ်မၤလီၤလးခဲလၢာ်လၢနမၤတ့ၢ်နဲလီၤ.