စံးထီၣ်ပတြၢၤ 110:4 - Sgaw Karen Common Bible

⁴ ယွၤမၤတၢ်အၢၣ်လီၤသမှံၤသပှၢ်တမံၤဒီး တထုးက့ၤဘၣ်ဝဲဘၣ်. “နကမ့ၢ်ပှၤလုၢ်တၢ်အခိၣ်တဂၤလီၤထူလီၤယိာ်, လၢစီၤမၤလကံစဒ့းအပှၤလုၢ်တၢ်အခိၣ်အလုၢ်အလၢ်အပူၤန့ၣ်လီၤ.”

စံးထီၣ်ပတြၢၤ 110:4 Iomraidhean Croise

လံာ်တၢ်ကဲထီၣ်အခီၣ်ထံး 14:18

ဒီးစီၤမးလကံစဒ့းလၢအမ့ၢ်ဝ့ၢ်ၡၤလ့ၣ်စီၤပၤဒီးတၢ်ထီကတၢၢ် ကစၢ်ယွၤအပှၤလုၢ်တၢ်အခိၣ်ဟဲစိာ်န့ၢ်ကိၣ်ဒီးစပံးထံဆူ စီၤအၤဘြၣ်အအိၣ်,

စံးထီၣ်ပတြၢၤ 132:11

နမၤတ့ၢ်တၢ်အၢၣ်လီၤအီလီၤ သမှံၤသပှၢ်တမံၤဒီး စီၤဒၤဝံး တၢ်အၢၣ်လီၤတမံၤလၢ နတထုးကွံာ်အီၤဘၣ်န့ၣ်လီၤ. “ယကဒုးကဲထီၣ်နဖိခွါတဖၣ်အကျါ တဂၤလၢ စီၤပၤ, ဒီးအဝဲကပၢတၢ်လၢ နလီၢ်န့ၣ်လီၤ.

လံာ်စကၤရယၤ 6:13

အဝဲမ့ၢ်ပှၤတဂၤလၢကဘှီထီၣ်တၢ်လုၢ်ဟံၣ်န့ၣ်, ဒီးဒိးန့ၢ်တၢ်လၤကပီၤဒ်အကြၢးဒီးစီၤပၤတဂၤအသိး, ဒီးအဝဲကပၢအပှၤဂီၢ်မုၢ်န့ၣ်လီၤ. ပှၤလုၢ်တၢ်အခိၣ်တဂၤကဆၢထၢၣ်ဖဲအလီၢ်ပစိာ်ကပၤ, ဒီးအဝဲသ့ၣ်ကမၤသကိးတၢ်လၢတၢ်ဃူတၢ်ဖိးဒီးတၢ် ဘၣ်လိာ်ဖိးဒ့အပူၤလီၤ.

လံာ်တၢ်ဂံၢ် 23:19

ကစၢ်ယွၤန့ၣ်တလီၤဂာ်ဒီးပှၤကညီတဖၣ်လၢအလီတၢ်ဘၣ်. အဝဲတမ့ၢ်ပှၤကညီတဂၤလၢအလဲလိာ်ကွံာ်အတၢ်ပာ်သးန့ၣ်ဘၣ်. ကယဲၢ်တၢ်လၢအအၢၣ်လီၤအီလီၤတ့ၢ်ဝဲန့ၣ်အဝဲမၤဝဲလီၤ. အဝဲကတိၤတၢ်ဒီးတၢ်မၤအသးန့ၣ်လီၤ.

ဧ့ၤဘြံၤ 5:6

စံးစ့ၢ်ကီးဝဲလၢတၢ်လီၢ်အဂၤတတီၤ, “နကမ့ၢ်ပှၤလုၢ်တၢ်အခိၣ်လီၤစိၤလီၤထီ, လၢအမ့ၢ်တကလုာ်ဃီဒီးစီၤမၤလကံစဒ့းန့ၣ်လီၤ.”

ဧ့ၤဘြံၤ 6:20

ဖဲယ့ၣ်ၡူးလဲၤနုာ်ဆိဝဲလၢပခၢၣ်စးဒီးကဲထီၣ်လၢပပှၤလုၢ်တၢ် အခိၣ်အဒိၣ်ကတၢၢ်လီၤစိၤလီၤထီတကလုာ်ဃီဒီးစီၤမၤလကံစဒ့းန့ၣ်လီၤ.

ဧ့ၤဘြံၤ 7:11

ပှၤဂီၢ်မုၢ်ဒိးန့ၢ်တၢ်သိၣ်တၢ်သီခီဖျိပှၤလုၢ်တၢ်အခိၣ်လၢ အဘၣ်ဃးဒီးစီၤလ့ၤဝံန့ၣ်လီၤ. တၢ်လၢတၢ်ပှဲၤမ့ၢ်အိၣ်ဒီးပှၤလုၢ်တၢ်အခိၣ်လၢအဘၣ်ဃးဒီး စီၤလ့ၤဝံအံၤဒီးအလီၢ်ကအိၣ်ဒံးလၢပှၤလုၢ်တၢ်အခိၣ်အဂၤ တဂၤလၢအဘၣ်ဃးဒီးစီၤမၤလကံစဒ့းကအိၣ်ထီၣ်လၢ အတမ့ၢ်ဘၣ်တကလုာ်ဃီဒီးစီၤအၤဟရိၣ်ဘၣ်န့ၣ်ဧါ.

ဧ့ၤဘြံၤ 7:17

အဂ့ၢ်ဒ်အံၤတၢ်ကွဲးအသးအုၣ်တ့ၢ်အသးဒီးစံးဝဲ, နကမ့ၢ်ပှၤလုၢ်တၢ်အခိၣ်အစိၤစိၤအဃၣ်ဃၣ်တကလုာ်ဃီ ဒီးစီၤမၤလကံစဒ့းလီၤ.

ဧ့ၤဘြံၤ 7:21

ဖဲပှၤလုၢ်တၢ်အခိၣ်အဂၤတဖၣ်ဟံးထီၣ်ဖီၣ်ထီၣ်အတၢ်ဖံးတၢ် မၤန့ၣ်တၢ်ဆိၣ်လီၤသးဒ်သိးအံၤတအိၣ်ဘၣ်. ဘၣ်ဆၣ်ဒီး ဖဲယ့ၣ်ၡူးကဲထီၣ်ပှၤလုၢ်တၢ်အခိၣ်န့ၣ်အိၣ်ဃုာ်ဒီးကစၢ်ယွၤ အတၢ်ဆိၣ်လီၤအသးဒီးအီၤ, ဒီးစံးဝဲဒၣ်, “ကစၢ်မၤတ့ၢ်တၢ်အၢၣ်လီၤသမှံၤသပှၢ်တမံၤ ဒီးတထုးက့ၤဝဲဒၣ်ဘၣ်. ‘နကမ့ၢ်ပှၤလုၢ်တၢ်အခိၣ်အစိၤစိၤအဃၣ်ဃၣ်လီၤ.’ ”

ဧ့ၤဘြံၤ 7:28

သပှၢ်ကတၢၢ်, တၢ်သိၣ်တၢ်သီဃုထၢပာ်ထီၣ်ပှၤတဖၣ်လၢ အဂံၢ်စၢ်ဘါစၢ်လၢပှၤလုၢ်တၢ်အခိၣ်အဒိၣ်ကတၢၢ်အလီၢ် န့ၣ်လီၤ. ဘၣ်ဆၣ်ဒီးကစၢ်ယွၤအတၢ်ဆိၣ်လီၤအသးလၢ အဟဲလၢတၢ်သိၣ်တၢ်သီအလီၢ်ခံအံၤဃုထၢပာ်ထီၣ်ယွၤ အဖိခွါလၢအဘၣ်တၢ်မၤလၢပှဲၤတ့ၢ်လံအီၤအစိၤစိၤ အဃၣ်ဃၣ်တဂၤန့ၣ်လီၤ.

လံာ်လီၣ်ဖျါ 1:6

ဒီးဒုးကဲပှၤလၢပှၤလုၢ်တၢ်အခိၣ်တဖၣ်အဘီအမုၢ်တဘ့ၣ်ဒ်သိး ပကမၤအဝဲအကစၢ်ယွၤ, ဒီးအပၢ်အတၢ်ဖံးတၢ်မၤအဂီၢ်န့ၣ်လီၤ. မ်တၢ်လၤကပီၤဒီးတၢ်စိတၢ်ကမီၤအိၣ်ဒီးအီၤအစိၤစိၤအဃၣ်ဃၣ်တက့ၢ်. အၤမ့ၣ်.