စံးထီၣ်ပတြၢၤ 11:5 - Sgaw Karen Common Bible

⁵ ယွၤမၤကွၢ်ပှၤအတီအလိၤဒီးပှၤအၢပှၤသီဒ်သိးသိး, ဒီးအဝဲသးဟ့ပှၤလၢအအဲၣ် တၢ်စုဆူၣ်ခီၣ်တကးန့ၣ်လၢာ်သူၣ်လၢာ်သးလီၤ.

စံးထီၣ်ပတြၢၤ 11:5 Iomraidhean Croise

လံာ်တၢ်ကဲထီၣ်အခီၣ်ထံး 22:1

တၢ်န့ၣ်တဖၣ်ဝံၤအလီၢ်ခံကစၢ်ယွၤမၤကွၢ်စီၤအၤဘြၤဟၣ်န့ၣ်လီၤ. ဒီးကစၢ်ယွၤကိးထီၣ်အီၤ, “စီၤအၤဘြၤဟၣ်ဧၢ,” ဒီးစီၤအၤဘြၤဟၣ်စံးဆၢအီၤ, “ကစၢ်ဧၢ, မ့ၢ်ယၤလီၤ.”

စံးထီၣ်ပတြၢၤ 10:3

အဂ့ၢ်ဒ်အံၤ, ပှၤတတီတလိၤန့ၣ်ပာ်ကဖိအသးလၢအသးအတၢ်ဆၢ န့ၢ်အအၢအသီတဖၣ်အဃိ, ဒီးပှၤလၢအသူၣ်လီသးကွံတၢ်အါန့ၣ်, ဆိၣ်အၢတၢ်ဒီးညိကွံာ်ယွၤလီၤ.

စံးထီၣ်ပတြၢၤ 139:1

ယွၤဧၢ, နဃုကွၢ်ထံယၤဒီးနသ့ၣ်ညါယၤလီၤ.

စံးထီၣ်ပတြၢၤ 17:3

နသ့ၣ်ညါယသးလီၤ. နဟဲတ့ၢ်ဆူယအိၣ်လၢမုၢ်နၤ, နမၤကွၢ်တ့ၢ်ယၤလၢာ်လၢာ်ဆ့ဆ့ ဒီးတထံၣ်န့ၢ် တၢ်ဆၢမၤတၢ်အၢတၢ်သီလၢယပူၤဘၣ်.

စံးထီၣ်ပတြၢၤ 21:8

စီၤပၤအစုကဖီၣ်န့ၢ်အဒုၣ်အဒါခဲလၢာ်, ဒီးအစုထွဲကဖီၣ်န့ၢ်ပှၤလၢ အသးဟ့အီၤခဲလၢာ်န့ၣ်လီၤ.

စံးထီၣ်ပတြၢၤ 26:2

ဃုကွၢ်ယၤဒီးမၤကွၢ်ယၤ, ယွၤဧၢ, စံၣ်ညီၣ်ယသးအတၢ်ဆၢန့ၢ်ဒီး ယတၢ်ဆိကမိၣ်တဖၣ်န့ၣ်တက့ၢ်.

စံးထီၣ်ပတြၢၤ 5:6

နမၤဟးဂီၤပှၤလၢအကတိၤကဘျံးကဘျၣ်တၢ်လီၤ. ပှၤလၢအအဲၣ်ဒိးတၢ်ဂၢ်သွံၣ်ဂၢ်စီၤ, ဒီးပှၤလီတၢ်သ့ၣ်တဖၣ်န့ၣ် နသးဘၣ်အၢအီၤလီၤ.

စံးထီၣ်ပတြၢၤ 7:9

ကစၢ်ယွၤလၢအတီအလိၤ ဒီးမၤကွၢ် ပှၤကညီအသးအတၢ်ဆိကမိၣ်နၤဧၢ, ဒုးကတၢၢ်ကွံာ်ပှၤတတီတလိၤအတၢ်အၢတၢ်သီ, ဘၣ်ဆၣ်ပှၤတီပှၤလိၤန့ၣ် ဒုးအိၣ်ဂၢၢ်ဆိးကျၢၤအီၤတက့ၢ်.

လံာ်ယံးရမံယၤ 12:8

ဒ်ခ့ယုၢ်တဒုလၢသ့ၣ်ပှၢ်ပူၤအသိးန့ၣ်အဝဲသ့ၣ်ကညီၤထီၣ်ထီဒါယၤ ဒီးလၢတၢ်န့ၣ်အဃိယသးဟ့အဝဲသ့ၣ်န့ၣ်လီၤ.

လံာ်ယံးရမံယၤ 20:12

ဘၣ်ဆၣ်ဒီး, သ့တၢ်လၢာ်ယွၤဧၢ, နမၤကွၢ်ပှၤကညီလၢ တၢ်စံၣ်ညီၣ်တီအပူၤလီၤ. နသ့ၣ်ညါတၢ်လၢအအိၣ်လၢအဝဲသ့ၣ် အသးဒီးအတၢ်ဆိကမိၣ်တဖၣ်အပူၤန့ၣ်လီၤ. လၢတၢ်န့ၣ်အဃိ, ပျဲယထံၣ်ဘၣ်နဟ့ၣ်ကၣ်ယဒုၣ်ယဒါတဖၣ်, မ့ၢ်လၢယပာ်ယကွီၢ်လၢနစုပူၤလံအဃိန့ၣ်တက့ၢ်.

လံာ်စကၤရယၤ 11:8

ပှၤကွၢ်သိအဂၤသၢဂၤလၢအသးဟ့ယၤန့ၣ်, ယဝံသးစူၤအီၤတကဲဘၣ်ဒီးလၢတလါဃီဧိၤအတီၢ်ပူၤ ယဒီၣ်တဲာ်ကွံာ်အဝဲသ့ၣ်လီၤ.

လံာ်စကၤရယၤ 13:9

ဒီးယကမၤကွၢ်ပှၤသၢပူတပူလၢအအိၣ်လီၤတဲာ်ဒီးမၤကဆှီ အဝဲသ့ၣ်ဒ်စ့ဘၣ်တၢ်မၤကဆှီအီၤလၢမ့ၣ်အူအသိးန့ၣ်လီၤ. ယကမၤကွၢ်အဝဲသ့ၣ်ဒ်ထူဘၣ်တၢ်မၤကွၢ်အီၤအသိးန့ၣ်လီၤ. အန့ၣ်ဒီးအဝဲသ့ၣ်ကဘါထုကဖၣ်တၢ်ဆူ ယအိၣ်ဒီးယကစံးဆၢအဝဲသ့ၣ်လီၤ. ယကတဲဘၣ်အဝဲသ့ၣ်လၢမ့ၢ်ယပှၤဂီၢ်မုၢ်, ဒီးအဝဲသ့ၣ်ကအၢၣ်လီၤလၢယမ့ၢ်အဝဲသ့ၣ်အကစၢ်ယွၤန့ၣ်လီၤ.”

လံာ်မၤလကံ 3:3

ဒီးကဟဲဝဲဒ်သိးကစံၣ်ညီၣ်တၢ်လီၤဂာ်ဒီးပှၤတဂၤလၢအမၤ စီဒီးမၤကဆှီထီၣ်စ့န့ၣ်လီၤ. ဒ်ပှၤသိတၢ်ဖိတဂၤမၤကဆှီထီၣ်စ့ ဒီးထူအသိးန့ၣ်, ယွၤအပှၤစိာ်တၢ်ကစီၣ်ကမၤကဆှီထီၣ်ပှၤလုၢ်တၢ် အခိၣ်တဖၣ်, ဒ်သိးအဝဲသ့ၣ်ကဟဲစိာ်တၢ်လုၢ်လၢအဘၣ် ဆူယွၤအအိၣ်န့ၣ်လီၤ.

ယၤကိာ် 1:12

ပှၤလၢအအိၣ်ဂၢၢ်ဆိးကျၢၤဖဲအဘၣ်တၢ်မၤကွၢ်အီၤ အခါန့ၣ်, ဘၣ်ဆိၣ်ဂ့ၤဝဲလီၤ. အဂ့ၢ်ဒ်အံၤ, ဖဲအဝဲမၤနၢၤတၢ်မၤကွၢ်ဒ်အံၤအသိးန့ၣ်, အဝဲကဒိးန့ၢ်ဘၣ်ခိၣ်ဖးလၢအမ့ၢ်တၢ်မူလၢကစၢ်ယွၤ အၢၣ်လီၤတ့ၢ်လၢပှၤလၢအအဲၣ်အီၤတဖၣ်အဂီၢ်န့ၣ်လီၤ.

၁ ပ့းတရူး 1:7

အဝဲသ့ၣ်အတၢ်တိာ်မ့ၢ်ဒ်သိးကပာ်ဖျါတၢ်အုၣ်အသးလၢ သုတၢ်စူၢ်တၢ်နာ်မ့ၢ်တၢ်နီၢ်နီၢ်အဂီၢ်န့ၣ်လီၤ. ထူလၢတၢ်မၤဟးဂီၤအီၤသ့ဒၣ်လဲာ်န့ၣ်, ဘၣ်တၢ်မၤကွၢ် အီၤလၢမ့ၣ်အူလီၤ. လၢတၢ်န့ၣ်အဃိ, သုတၢ်စူၢ်တၢ်နာ်လၢအလုၢ်ဒိၣ်ပှ့ၤဒိၣ်, ဒိၣ်န့ၢ်ဒံးထူန့ၣ်, ကဘၣ်တၢ်မၤကွၢ်စ့ၢ်ကီးအီၤဒ်သိးကအိၣ်ဂၢၢ်ကျၢၤဝဲ အဂီၢ်လီၤ. အန့ၣ်ဒီးသုကဒိးန့ၢ်တၢ်စံးထီၣ်ပတြၢၤ, တၢ်ယူးယီၣ်, ဒီးတၢ်လၤကပီၤလၢမုၢ်နံၤဖဲယ့ၣ်ၡူးခရံာ် ဘၣ်တၢ်လီၣ်ဖျါထီၣ်အီၤန့ၣ်လီၤ.

၁ ပ့းတရူး 4:12

ယတံၤသကိးသးဘိသ့ၣ်ဧၢ, တဘၣ်ကမၢကမၣ်လၢသုတူၢ်ဘၣ်တၢ်မၤကွၢ်လၢအဘၣ် သုဆါဒ်အမ့ၢ်တၢ်လၢအလီၤဆီတမံၤဟဲဘၣ်သုအသိးန့ၣ် တဂ့ၤ.