စံးထီၣ်ပတြၢၤ 11:4 - Sgaw Karen Common Bible

⁴ ယွၤအိၣ်ဝဲလၢအတၢ်လုၢ်ဟံၣ်စီဆှံအပူၤ, အိၣ်ဒီးအလီၢ်ပစိာ်လၢမူခိၣ်လီၤ. အဝဲကွၢ်လီၤဝဲပှၤဟီၣ်ခိၣ်ဖိခဲလၢာ် ဒီးကွၢ်ထံကွၢ်ဆးအတၢ်မၤတဖၣ်န့ၣ်လီၤ.

စံးထီၣ်ပတြၢၤ 11:4 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 17:5

စးထီၣ်လၢယမၤပူၤမၤဖျဲးအံၣ်စရ့လးအပှၤဂီၢ်မုၢ်လၢကီၢ်အဲၤ ကူပတူး, တုၤခဲအံၤန့ၣ်, ယတအိၣ်ဆိးတ့ၢ်လၢတၢ်လုၢ်ဟံၣ်တဖျၢၣ် အပူၤနီတစုဘၣ်. ထီဘိယအိၣ်ဆိးဒၣ်လၢဒဲတဖၣ်အပူၤဒီးသုးယလီၢ်လၢတၢ်လီၢ်တပူၤ ဘၣ်တပူၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 16:9

ယွၤကွၢ်ထံကွၢ်ဆးတၢ်လၢဟီၣ်ခိၣ်ဒီဘ့ၣ်ညါအဖီခိၣ်, ဒ်သိးအကဟ့ၣ်ဂံၢ်ဟ့ၣ်ဘါပှၤတဖၣ်လၢအအိၣ်ဒီးတၢ်သးတီဒီးအီၤ န့ၣ်လီၤ. နမၤတ့ၢ်လံတၢ်ဒ်ပှၤအမၢးတဂၤဒီးစးထီၣ်ခဲအံၤန့ၣ်နကဘၣ်ဒုး တၢ်ယၤတၢ်ထီဘိန့ၣ်လီၤ.”

လံာ်စီၤယိၤဘး 24:23

ကစၢ်ယွၤမ့ၢ်ပျဲအအိၣ်မူလၢတၢ်ပူၤဖျဲးအပူၤဒၣ်လဲာ်အမဲာ်ကွၢ် စူၣ်အီၤထီဘိန့ၣ်လီၤ.

စံးထီၣ်ပတြၢၤ 103:19

ယွၤပာ်လီၤအလီၢ်ပစိာ်လၢမူခိၣ်, ဒီးအဘီအမုၢ်န့ၣ် ပၢတၢ်လၢတၢ်ခဲလၢာ်အဖီခိၣ်လီၤ.

စံးထီၣ်ပတြၢၤ 113:5

မ့ၢ်မတၤလီၤဂာ်ဒ် ယွၤပကစၢ်ယွၤအသိး လၢအအိၣ်ဝဲဆိးဝဲလၢ တၢ်လီၢ်ထီၣ်ထီန့ၣ်တဂၤလဲၣ်.

စံးထီၣ်ပတြၢၤ 139:23

ကစၢ်ယွၤဧၢ, ဃုကွၢ်ယၤ, ဒီးသ့ၣ်ညါယသးတက့ၢ်. မၤကွၢ်ယၤ, ဒီးသ့ၣ်ညါ ယတၢ်ဆိကမိၣ်တဖၣ်န့ၣ်တက့ၢ်.

စံးထီၣ်ပတြၢၤ 14:2

ယွၤကွၢ်လီၤပှၤကညီလၢမူခိၣ် ဒ်သိး ကထံၣ်ဝဲပှၤကူၣ်သ့ကူၣ်ဘၣ်, ပှၤလၢအဘူၣ်ထီၣ်ဘါထီၣ်အီၤ မ့ၢ်အအိၣ်တအိၣ်လဲၣ်အဂီၢ်န့ၣ်လီၤ.

စံးထီၣ်ပတြၢၤ 18:6

လၢယဘၣ်တၢ်ကိၢ်တၢ်ဂီၤအပူၤန့ၣ်ယကိးထီၣ်ယွၤ, ယကိးထီၣ်ယကစၢ်ယွၤလၢတၢ်မၤစၢၤအဂီၢ်လီၤ. လၢအတၢ်လုၢ်ဟံၣ်အပူၤအဝဲနၢ်ဟူယကလုၢ်, အဝဲဒိကနၣ်ယတၢ်ကိးထီၣ်လၢ တၢ်မၤစၢၤအဂီၢ်လီၤ.

စံးထီၣ်ပတြၢၤ 2:4

ယွၤအိၣ်လၢအလီၢ်ပစိာ်လၢမူခိၣ်န့ၣ်နံၤဝဲ ဒီးဒုၣ်ဒွဲၣ်အဝဲသ့ၣ်အတၢ်ကူၣ်ထီၣ်ဖးလီၤလၢ အတဂိာ်တသီၣ်တဖၣ်န့ၣ်လီၤ.

စံးထီၣ်ပတြၢၤ 33:13

ယွၤကွၢ်လီၤတၢ်လၢမူခိၣ် ဒီးထံၣ်ကယဲၢ်ပှၤကညီခဲလၢာ်လီၤ.

စံးထီၣ်ပတြၢၤ 44:21

နကထံၣ်တ့ၢ်လံတၢ်အံၤသပှၢ်တၢၢ်, မ့ၢ်လၢနသ့ၣ်ညါပတၢ်ဆိကမိၣ်ခူသူၣ် သ့ၣ်တဖၣ်အဃိန့ၣ်လီၤ.

စံးထီၣ်ပတြၢၤ 66:7

ပၢတၢ်အစိၤစိၤအဃၣ်ဃၣ်လၢအစိအကမီၤလီၤ. အမဲာ်ကွၢ်ထံပှၤကလုာ်တဖၣ်လီၤ. မ်ပှၤပူထီၣ်တၢ်ဖိတဖၣ် အသုတပာ်ထီၣ်ထီအသးတဂ့ၤ. စ့လၤ

စံးထီၣ်ပတြၢၤ 9:11

သးဝံၣ်ထီၣ်ယွၤလၢအပၢတၢ်လၢစံယိၣ်, စံးဘၣ်တဲဘၣ်ပှၤကလုာ်ခဲလၢာ် တၢ်လၢအမၤတ့ၢ်ဝဲန့ၣ်တက့ၢ်.

တၢ်ကတိၤဒိ. 15:3

ယွၤထံၣ်တၢ်မၤအသးလၢတၢ်အလီၢ်ကိးပူၤဒဲးလီၤ. ဒီးမ့ၢ်ပမၤတၢ်ဂ့ၤဧါ, တၢ်အၢဧါန့ၣ်, အဝဲခိးကွၢ်ပှၤန့ၣ်လီၤ.

လံာ်ယၡါယၤ 66:1

ယွၤစံးဝဲဒၣ်, “မူခိၣ်မ့ၢ်ယလီၢ်ပစိာ်, ဒီးဟီၣ်ခိၣ်မ့ၢ် ယခီၣ်ယီၢ်လီၤတၢ်အလီၢ်လီၤ. ဟံၣ်လၢသုသူၣ် ထီၣ်လၢယဂီၢ်ကသ့, ကမ့ၢ်ဟံၣ်ဒ်လဲၣ်တကလုာ်လဲၣ်. ကမ့ၢ်တၢ်လီၢ်ဒ်လဲၣ်တကလုာ်လၢယကအိၣ်ကဆိးလၢ အပူၤအဂီၢ်န့ၣ်လဲၣ်.

လံာ်ယံးရမံယၤ 17:10

ယၤ, ယွၤအံၤ, ယဃုသ့ၣ်ညါပှၤကညီအတၢ်ဆိကမိၣ်တဖၣ် ဒီးမၤကွၢ်ပှၤကညီတဖၣ်အသးန့ၣ်လီၤ. ယမၤဘၣ်အဝဲသ့ၣ်တဂၤစုာ်စုာ်ဒ်အအိၣ်မူဝဲ အကျဲအသိး, ဒီးဒ်တၢ်လၢအဝဲမၤဝဲအသိးန့ၣ်လီၤ.”

လံာ်ယံးရမံယၤ 23:24

ပှၤအိၣ်ခူသူၣ်လၢတၢ်လီၢ်ဖဲယထံၣ်အီၤတသ့, တအိၣ်နီတဂၤဘၣ်. မ့ၢ်သုတသ့ၣ်ညါဘၣ်လၢယအိၣ် လၢတၢ်လီၢ်ကိးပူၤဒဲးလၢမူခိၣ်ဒီးလၢဟီၣ်ခိၣ်န့ၣ်ဘၣ်ဧါ.

လံာ်မံကၤ 1:2

ပှၤကလုာ်ခဲလၢာ်သ့ၣ်ဧၢ, နၢ်ဟူတၢ်အံၤတက့ၢ်. ပှၤလၢအမူဝဲလၢဟီၣ်ခိၣ်အဖီခိၣ်ခဲလၢာ်သ့ၣ်ဧၢ, ဒိကနၣ်တက့ၢ်. ယွၤလၢအစိကမီၤဒိၣ်ကအုၣ်အသးထီဒါသုလီၤ. ဒိကနၣ်တက့ၢ်. ယွၤကတိၤတၢ်လၢမူခိၣ်အတၢ်လုၢ်လီၢ်လီၤ.

လံာ်ဃဘးကူာ် 2:20

ယွၤအိၣ်ဝဲဆိးဝဲလၢအတၢ်လုၢ်ဟံၣ်စီဆှံအပူၤလီၤ. မ်ကယဲၢ်ပှၤဟီၣ်ခိၣ်ဖိခဲလၢာ်အိၣ်ဘှီၣ်ကလာ် လၢအမဲာ်ညါန့ၣ်တက့ၢ်.

လံာ်စကၤရယၤ 2:13

ပှၤကိးဂၤဒဲးသ့ၣ်ဧၢ, အိၣ်ဘှီၣ်ကလာ်လၢယွၤအမဲာ်ညါတက့ၢ်. အဂ့ၢ်ဒ်အံၤ, အဝဲဟဲလၢအအိၣ်အဆိးအလီၢ်စီဆှံန့ၣ်လီၤ.

လံာ်မးသဲ 23:21

ဒီးဖဲအဝဲဆိၣ်လီၤအသးလၢတၢ်လုၢ်ဟံၣ်အမံၤန့ၣ်, အဝဲမၤဝဲလၢတၢ်လုၢ်ဟံၣ်ဒီးလၢကစၢ်ယွၤလၢအအိၣ်ဖဲန့ၣ်အမံၤ လီၤ.

လံာ်မးသဲ 5:34

ဘၣ်ဆၣ်ဒီးယစံးဘၣ်သုအခဲအံၤ, ဖဲနမၤတၢ်အၢၣ်လီၤအီလီၤ တမံၤမံၤန့ၣ်တဘၣ်ဆိၣ်လီၤနသးတဂ့ၤ. ဆိၣ်လီၤနသးခီဖျိမူခိၣ်တဂ့ၤ. အဂ့ၢ်ဒ်အံၤ, မူခိၣ်မ့ၢ်ကစၢ်ယွၤအလီၢ်ပစိာ်လီၤ.

မၤတၢ် 7:49

‘ကစၢ်ကစၢ်ယွၤစံးဝဲ, မူခိၣ်မ့ၢ်ယလီၢ်ပစိာ်, ဒီးဟီၣ်ခိၣ်မ့ၢ်ယခီၣ်ယီၢ်လီၤတၢ်အလီၢ်လီၤ. သုကဘှီထီၣ်န့ၢ်ယၤလၢဟံၣ်ဒ်လဲၣ်တကလုာ်လဲၣ်. တၢ်လီၢ်လၢယကအိၣ်ကဆိးအဂီၢ်အိၣ်ဖဲလဲၣ်.

၂ သ့းစၤလနံ 2:4

အဝဲဒၣ်ကထီဒါကယဲၢ်တၢ်လၢပှၤကိးအီၤလၢယွၤဒီးတၢ်လၢ ပှၤကညီဘါထီၣ်ဝဲဒီးကပာ်ဖျါထီၣ်အသးဒ်အဒိၣ်န့ၢ် အဝဲသ့ၣ်ခဲလၢာ်န့ၣ်လီၤ. အဝဲဒၣ်ကလဲၤနုာ်ဒီးဆ့ၣ်နီၤဒၣ်လဲာ်လၢကစၢ်ယွၤ အတၢ်လုၢ်ဟံၣ်အပူၤဒီးစံးလီၤအသးလၢအမ့ၢ်ကစၢ်ယွၤ န့ၣ်လီၤ.

ဧ့ၤဘြံၤ 4:13

တၢ်ဘၣ်တ့အိၣ်ခူသူၣ်လၢကစၢ်ယွၤအမဲာ်ညါတသ့နီတမံၤ ဘၣ်. အိၣ်ဘ့ၣ်ဆ့လၢကစၢ်ယွၤလၢပကဘၣ်ဟ့ၣ်ထီၣ် က့ၤတၢ်စံးဆၢလၢပတၢ်ဖံးတၢ်မၤအဂီၢ်တဂၤအမဲာ်ညါခဲလၢာ်လီၤ.

လံာ်လီၣ်ဖျါ 4:2

တဘျီဃီဖဲန့ၣ်, ယွၤအသးပၢၤဃာ်ယၤလီၤ. လၢမူခိၣ်န့ၣ်, လီၢ်ပစိာ်အိၣ်ဝဲဒၣ်တဖျၢၣ်, ဒီးပှၤတဂၤဆ့ၣ်နီၤလၢအလိၤလီၤ.